កីឡា

ព្រឹត្តិការណ៍៣វិច្ឆិកា ប៉ះពាល់ដល់វិស័យកីឡា នៅកម្ពុជាតិចតួចបំផុត

បានផុស

៦ years មុន

នៅ

ថ្ងៃពុធ ១៨ វិច្ឆិកា ២០២០

ដោយ

លោក វ៉ាត់ ចំរើន អគ្គលេខាធិការ នៃគណៈកម្មាធិការជាតិអូឡាំពិកកម្ពុជា (NOCC) និងជាអគ្គលេខាធិការ CAMSOC បានមានប្រសាសន៍ថា សម្រាប់ការកើតមានឡើង នៃការឆ្លងមេរោគCOVID-19 ក្នុងព្រឹត្តិការណ៍៣ វិច្ឆិការយៈពេលខ្លី ដូច្នេះការប៉ះពាល់វិស័យកីឡា នៅកម្ពុជាតិចតួចបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបន្តថា កាលពីលើកមុនមានរយៈពេលរាប់ខែ ធ្វើឲ្យរងប៉ះពាល់ខ្លាំង ក្នុងការពិបាកស្តារឡើង ប៉ុន្តែការឆ្លងលើកនេះ មានរយៈពេលខ្លី ដូច្នេះយើងអាចស្តារឡើងវិញ ងាយស្រួលជាងមុន ដោយសារ តែប្រភេទកីឡាមួយចំនួនធ្វើការហ្វឹកហាត់ នៅក្នុងបរិវេណសួនច្បារ វត្តបទុមវតីដូចជាកីឡាហែលទឹក និងកីឡាការ៉ាតេ។ សហព័ន្ធមួយចំនួនមិនចង់ឲ្យអត្តពលិកទាំងនោះ ហាត់តាមផ្ទះសកម្មភាព តាមតែគាត់ធ្វើមិនបានគ្រប់គ្រាន់ឡើយ ដូច្នេះត្រូវហាត់ជាមួយគ្រូ ដើម្បីរក្សាកម្លាំងពួកគាត់ឲ្យប្រសើរជាជាងហាត់តាមផ្ទះ។

លោកអគ្គលេខាធិការបានបន្ថែមទៀតថា ការប៉ះពាល់ គឺនៅតែប៉ះពាល់ ទាំងលើបច្ចេកទេសនិងការហ្វឹកហាត់របស់ក្រុមកីឡាជម្រើសជាតិកម្ពុជា ដោយសារមេរោគដ៏សាហាវនេះ ប៉ុន្តែយើងដឹងហើយថា ការឈប់ហ្វឹកហាត់និងការបិទពហុកីឡដ្ឋានជាតិធ្វើឲ្យកីឡាករ-កីឡាការិនីខ្វះទីលាន ប៉ុន្តែយ៉ាងណា ក្រោយបិទបញ្ចប់ព្រឹត្តិការណ៍៣វិច្ឆិកានោះ យើងតម្រូវឲ្យក្រុមកីឡាជម្រើសជាតិកម្ពុជាហ្វឹកហាត់តាមកម្មវិធីដដែល៕

អត្ថបទ៖ វិសិទ្ធ

សូមចុចអាន៖ CAMSOC អំពាវនាវដល់អត្តពលិក គ្រូ បង្វឹក សហព័ន្ធកីឡាជាតិ ឲ្យពង្រឹងសមត្ថភាពត្រៀម ស៊ីហ្គេមឆ្នាំ២០២៣