Connect with us

កីឡា

កម្ពុជា បើកឆាកឈ្នះ ឡាវ ៤-១ ឈរ​កំពូល​តារាងបណ្ដោះអាសន្ន

បានផុស

នៅ

ក្រុម​ជម្រើសជាតិ​អាយុ​ក្រោម ២៣​ឆ្នាំ​កម្ពុជា បាន​យកឈ្នះ ឡាវ ដោយ​លទ្ធ​ល ៤-១ ក្នុងជំនួប​ដំបូង​ពូល B នៃ​ព្រឹត្តិការណ៍​កីឡា​អាស៊ីអាគ្នេយ៍ លើក​ទី​៣១ នៅ​ប្រទេស​វៀតណាម ន​ល្ងាច​ថ្ងៃទី​០៨ ខែឧសភា ឆ្នាំ​២០២២​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ក្នុងការ​ប្រកួត​ដែល កម្ពុជា ពោរពេញ​ទៅដោយ​កម្លាំង​ច្រើនជាង​ឡាវ ត្រឹម​រយៈពេល ១០​វិនាទី​ប៉ុណ្ណោះ សៀង ច​ន្ធា ស្ទើរតែ​បំបែក​កំណត់ត្រា​ចាស់​របស់​ខ្លួន​ទៅ​ហើយ តាមរយៈ​ការ​ទទួលបាន​ឱកាស​ទាត់​ជិត​ទី​របស់​ឡាវ ប៉ុន្តែ​ត្រូវ​បាន​រារាំង​ដោយ​ខ្សែការពារ​។ យ៉ាងណាមិញ មិន​បង្អង់​យូរ ត្រឹមតែ ៤​នាទី​ក្រោយមក សៀង ច​ន្ធា ជាថ្មី​ម្ដងទៀត​បាន​រក​គ្រាប់​បាល់ទាត់​បញ្ចូល​ទី​បានសម្រេច តាមរយៈ​ការ​ទាត់​ជើងឆ្វេង​ដ៏​ធ្ងន់​បំប៉ោង​សំណាញ​ទី​របស់​ឡាវ ធ្វើ​ឲ្យ​កម្ពុជា នាំមុខ ១​ទល់​០​។

​ការប្រកួត​នៅតែ​ត្រូវ​បាន​គ្របដណ្ដប់​ដោយ​កម្ពុជា ជាថ្មី រហូតដល់​នាទី ១៤ សារ ទី បាន​អូស​បាល់​ទៅ​ដល់ទី​របស់​ឡាវ និង​ព្យាយាម​ទាត់​សំដៅ​ទី ហើយ​ត្រូវបាន​សង្គ្រោះ​ដោយ​អ្នកចាំទី តែ​បាល់​នោះបាន​របូត​ទៅ​ប៉ះ​ខ្សែការពារ​ឡាវ Anantaza ធ្វើ​ឲ្យ​ចូល​ទី​ដោយ​ខ្លួនឯង នាំ​ឲ្យ​កម្ពុជា បើក​ការ​នាំមុខ ២​គ្រាប់​បន្ថែមទៀត​នៅ​ដើម​វគ្គ​ទី​១​។

នាទី​បន្ត​បន្ទាប់មកទៀត​កម្ពុជា មានឱកាស​ជាច្រើនលើក​ច្រើនសារ​ផងដែរ ប៉ុន្តែ​ឱកាស​នោះ​ត្រូវបាន​ខកខាន គ្រា​ដែល​ឡាវ ក៏​ដូចគ្នា តែ​បាន​ត្រឹមតែ​ជា​ឱកាស​ក្បែរៗ​បង្គោល​ទី​របស់​ម្ពុ​ជា យ៉ាងណាមិញ​នាទី​ដែល​សេសសល់​គ្រាប់​បាល់​មិនអាច​កើតឡើង​បានឡើយ ធ្វើ​ឲ្យ​ចប់​វគ្គ​ទី​១ កម្ពុជា នាំមុខ ឡាវ ២-០​។

ចូលដ​ល់វគ្គ​ទី​២ ឡាវ ដែល​ត្រូវការ​គ្រាប់​បាល់​មកវិញ​ជា​ចាំបាច់ បាន​ដាក់​សម្ពាធ​មក​លើ​កម្ពុជា ភ្លាមៗ​ក្រោយ​កែ​បាល់ ប៉ុន្តែ​ពុំ​អាច​ធ្វើ​បានសម្រេច​ឡើយ​ជាមួយនឹង​ឱកាស​ម្ដង​ជា​ពីរ​ដង​។ លុះ​ចូលដល់​នាទី​៦៣ កម្ពុជា បាន​បន្ថែម​គ្រាប់​បាល់​ទី​៣ បានសម្រេច​ទាត់​ចូល​ទី​ដោយ​កីឡាករ គី រី​ណា ក្រោយ​អូស​បាល់​បាន​យ៉ាង​ល្អ​កាត់មុខ​ខ្សែការពារ​ឡាវ ជា​ច្រើន​រូប​។ យ៉ាងណាមិញ​រំលង​បាន ៤​នាទី ឡាវ បាន​សង​វិញ​បាន ១​គ្រាប់​នៅ​នាទី​៦៧ ដោយ​កីឡាករ Phouvieng​។ ប៉ុន្តែ​ត្រឹមតែ ៤​នាទី​បន្ទាប់មកទៀត (​នាទី​៧១) កីឡាករ​ទើបតែ​ប្ដូរ​ចូល អ៊ី​ម សំ​អូន បា​នរក​គ្រាប់​បាល់​ទី​៤ ឲ្យ​កម្ពុជា តាមរយៈ​ការបញ្ជូន​ដ៏​ល្អ​ពី សៀង ច​ន្ធា​។

ក្រោយ​គ្រាប់​បាល់​ទី​៥ ក្នុង​ការ​ប្រកួត​នេះ​កើតឡើង គ្រាប់​បាល់​ដទៃទៀត​ពុំមាន​កើតឡើង​បន្ថែម​ឡើយ បើទោះបីជា​កម្ពុជា មានឱកាស​ច្រើន​ក៏ដោយ ដែល​ធ្វើឱ្យ​លទ្ធផល​បញ្ចប់​ជា​ផ្លូវការ កម្ពុជា បាន​យកឈ្នះ ឡាវ ៤-១ ឈរ​កំពូល​តារាង​បណ្ដោះអាសន្ន​៕

​អត្ថបទ ​៖ មន្នី​រ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

ឧកញ៉ា ឡេង ប្រុស ឧបត្ថម្ភ​ថវិកា ១០​លាន​រៀល​ភ្លាម​ដល់​កីឡាករ ឡុង ជិន សង់ផ្ទះ​ក្រោយ​ខ្យល់​ខ្លាំង​បាក់​រំលំ​ខ្ទិច​អស់

ព័ត៌មានជាតិ៧ ម៉ោង មុន

គណបក្ស​ប្រជាជន​កម្ពុជា​ទីក្រុង​មែ​ល​ប៊​ន អបអរសាទរ​ខួប​អនុស្សាវរីយ៍​លើក​ទី​៧១ ថ្ងៃ​បង្កើត​គណបក្ស

ព័ត៌មានជាតិ៨ ម៉ោង មុន

ខួប​លើក​ទី​៥៥ នៃ​ទំនាក់ទំនង​ការទូត​រវាង​កម្ពុជា​-​វៀតណាម

ព័ត៌មានជាតិ៨ ម៉ោង មុន

លោក ញឹក ប៊ុនឆៃ៖ អ្នក​សង្កេតការណ៍ជាតិ អន្តរជាតិ មិនបាន​​រៀបចំឱ្យនិយាយ​ល្អ​ពី​កម្ពុជាទេ

សន្តិសុខសង្គម៨ ម៉ោង មុន

សមត្ថកិច្ច​ដកហូតកាំភ្លើង​ពិត​ និងកែច្នៃ​ជាង ៤០ ដើម​ក្រោយករណីផ្ទុះអាវុធ​បណ្ដាល​ឱ្យអធិការ​រង​នគរ​បាលក្រុងព្រះសីហនុ​រងរបួស​

Sokha Hotels

ព័ត៌មានពេញនិយម