កីឡា

បោះជំរំហ្វឹកហាត់ ដើម្បីបណ្តុះឲ្យកីឡាករ-កីឡាការិនីកីឡាហែល ទឹកមានស្មារតីធ្វើការជាក្រុម

បានផុស

៣ years មុន

នៅ

ថ្ងៃព្រហស្បតិ៍ ២៤ ធ្នូ ២០២០

ដោយ

លោក ហែម គីរី អគ្គលេខាធិការសហព័ន្ធខ្មែរកីឡាហែលទឹក បានដឹកនាំកីឡាករ-កីឡាការិនីក្នុងក្រុមជម្រើសជាតិ និងជម្រើសជាតិយុវជន ទៅទស្សនកិច្ចនិងបោះជំរំហ្វឹកហាត់រយៈពេល៣ថ្ងៃ នៅខេត្តព្រះសីហនុនិងខេត្តកំពត ដើម្បីចែករំលែកបទពិសោធន៍បច្ចេកទេស និងបង្កើតភាពស្និទ្ធស្នាល និងមិត្តភាពជាមួយគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហែម គីរី អគ្គលេខាធិការ បានប្រាប់ឲ្យដឹងថា ការបោះជំរុំហ្វឹកហាត់នេះ ធ្វើឡើងដើម្បីបណ្តុះឲ្យកីឡាករ-កីឡាការិនីកីឡាហែលទឹក មានស្មារតីធ្វើការជាក្រុម និងស្វែងយល់ការរស់នៅជាមួយអ្នកដទៃក្រៅពីក្រុមគ្រួសាររបស់ពួកគេ ហើយសំខាន់បំផុតនោះ គឺការគោរពពេលវេលា ការអត់អោនអធ្យាស្រ័យគ្នាទៅវិញទៅមក។ សំខាន់មួយទៀត គឺការផ្លាស់ប្តូរបរិយាកាសសម្រាប់កីឡាករ-កីឡាការិនីកីឡាហែលទឹក ព្រោះកន្លងមកយើងហ្វឹកហាត់នៅតែអាងហែលទឹក ដល់ពេលចេញមកបោះជំរំហ្វឹកហាត់ ដែលជាកន្លែងថ្មីមួយទៀត សម្រាប់អត្តពលិកហែលទឹកទៅវិញ។ លោកបានបន្តថា កន្លែងថ្មីធ្វើឲ្យពួកគេមានអារម្មណ៍សប្បាយរីករាយហ្វឹកហាត់ និងធ្វើ ដំណើរហ្វឹកហាត់នៃការបោះជំរំមួយនេះ នឹងធ្វើឲ្យពួកគាត់មានអារម្មណ៍ធូរស្រាលពីការបញ្ហាជាច្រើនក្នុងខ្លួនរបស់កីឡាករ-កីឡាការិនីម្នាក់ៗ។

ការបោះជំរំ មានចំណុចសំខាន់ធ្វើឲ្យកីឡាករ-កីឡាការិនី មានពេលវេលាគ្រប់គ្រាន់នៅជាមួយគ្រូបង្វឹកក្នុងការ ពិនិត្យមើលសកម្មភាព និងដឹងអ្វីគ្រប់យ៉ាងដែលអត្តពលិកមាន កាន់តែធ្វើឲ្យគ្រូបង្វឹកឈានចូលជិតភាពស្និទ្ធស្នាលកាន់តែខ្លាំងៗឡើង។ លោកអគ្គលេខាធិការបន្ថែមទៀតថា យើងបានរៀបចំកម្មវិធីឲ្យកីឡាករ-កីឡាការិនីកីឡាហែលទឹកសម្តែងជាច្រើន ដូចជារាំបែបលក្ខណៈសិល្បៈ ដើម្បីឲ្យពួកគេមានភាពក្លាហានមិនចង់ឲ្យមានការអៀនខ្មាស ខ្លាច ឬក៏មិនហ៊ាន និងទន់ខ្សោយ ដូច្នេះធ្វើបែបនេះ គឺចង់ឲ្យមានភាពក្លាហានព្រោះកីឡាករ-កីឡាការិនី ត្រូវការភាពក្លាហាន ក្នុងការប្រកួតការយកឈ្នះលើគូប្រកួតផ្សេងៗដូចបណ្តាប្រទេសមួយចំនួន លើពិភពលោកតែងធ្វើបែបនេះ៕