កីឡា

អាជ្ញាកណ្ដាលកម្ពុជា កំពុងបំពេញបេសកកម្មកាត់សេចក្ដីពាន AFF U-16 Boy’s Championship នៅឥណ្ឌូណេស៊ី

បានផុស

៤ years មុន

នៅ

ថ្ងៃព្រហស្បតិ៍ ៤ សីហា ២០២២

ដោយ

អាជ្ញាកណ្ដាលកម្ពុជា ២ រូប លោក លឹម ប៊ុនធឿន និងជំនួយការអាជ្ញាកណ្តាលទី ១ លោក ផៃ វិសាល បាននិងកំពុងបំពេញបេសកកម្មកាត់សេចក្ដីក្នុងពានរង្វាន់ជើងឯកយុវជនអាយុក្រោម ១៦ ឆ្នាំអាស៊ាន (AFF U-16 Boy’s Championship) នៅប្រទេសឥណ្ឌូណេស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក លឹម ប៊ុនធឿន ដែលជាអាជ្ញាកណ្ដាលកាត់សេចក្ដីលើទីលាន និងជំនួយការអាជ្ញាកណ្តាលទី ១ លោក ផៃ វិសាល ត្រូវបានដឹងថា បានចូលរួមកាត់សេចក្ដីព្រឹត្តិការណ៍កីឡាប្រចាំតំបន់នេះ ក្នុងនាមលោកទាំងពីរមានអាជ្ញាប័ណ្ណជាអាជ្ញាកណ្ដាលកម្រិត (FIFA) ដែលបានសេចក្ដីមានសិទ្ធិចូលរួមកាត់សេចក្ដីលើឆាកអន្តរជាតិ។

ចំពោះប្រកួតដែលលោកទាំង ២ បានចូលរួមកាត់សេចក្ដីបាន ២ លើក រួចមកហើយរួមមាន ប្រកួតរវាង U-16 ឡាវ ជាមួយ U-16 ទីម័រខាងកើត លោក លឹម ប៊ុនធឿន បានធ្វើជាមន្ត្រីទី ៤ និងពេល U-16 ព្រុយណេ ប្រកួតជាមួយ U-16 ទីម័រខាងកើត លោកធ្វើជាអាជ្ញាកណ្ដាលកាត់សេចក្ដីលើទីលាន។ ដោយឡែកលោក ផៃ វិសាល បានធ្វើជាជំនួយការអាជ្ញាកណ្ដាលទី ១ ពេល U-16 វៀតណាម ប្រកួតជាមួយ U-16 ហ្វីលីពីន។

លោកទាំងពីរនៅសល់ការដឹកនាំការប្រកួតជាច្រើនទៀត នៅក្នុងពូល A និងពូល B លើកលែងតែពូល C មួយប៉ុណ្ណោះដែលលោកទាំងពីរមិនអាចចូលរួមកាត់សេចក្ដីការប្រកួតដោយសារកម្ពុជា ស្ថិតនៅពូលនេះ។ សូមបញ្ជាក់ថា យោងតាមច្បាប់អាជ្ញាកណ្ដាលមិនអាចកាត់សេចក្ដីក្នុងការប្រកួតណាដែលក្រុមប្រទេសកំណើតរបស់ខ្លួនបានឡើយ៕

អត្ថបទ៖ មន្នីរ័ត្ន