កីឡា
លោក Pep ថា Haaland ម្នាក់ឯងមិនអាចជួយ Man City ឈ្នះ Champions League បានទេ
គ្រូបង្វឹកក្រុមមេឃខៀវ Manchester City លោក Pep Guardiola បាននិយាយកាលពីថ្ងៃចន្ទថា ក្រុមមិនអាចពឹងផ្អែកលើ Erling Haaland ក្នុងការឈ្នះពាន Champions League តែម្នាក់ក្នុងរដូវកាលនេះទេ បន្ទាប់ពីការចាប់ផ្តើមជីវិតដ៏អស្ចារ្យនៅក្នុងប្រទេសអង់គ្លេស។
ខ្សែប្រយុទ្ធន័រវេសរូបនេះ បានស៊ុតបាល់បញ្ចូលទីបាន ១០ គ្រាប់ក្នុងក្របខ័ណ្ឌ Premier League ចំណោមនៃការបង្ហាញខ្លួន ៦ លើកដំបូងរបស់គេ ចាប់តាំងពីការផ្ទេរ ៥១ លានផោន (៥៨ លានដុល្លារ) ពីក្លិប Borussia Dortmund នៅរដូវក្តៅនេះ។
បច្ចុប្បន្នក្លិបកំពុងត្រៀមខ្លួនប្រកួត UEFA Champions League ខណៈលោក Guardiola បាននិយាយមុនការប្រកួតបើកឆាកទល់ជាមួយក្រុមម្ចាស់ផ្ទះ Sevilla នៅថ្ងៃអង្គារថា៖ «កីឡាករទាំងអស់ដែលមកទីនេះត្រូវបានក្លិបនាំយកមកទីនេះដើម្បីធ្វើឱ្យយើងកាន់តែប្រសើរឡើង។ ប្រសិនបើយើងពឹងផ្អែកលើ Erling Haaland យើងនឹងមិនឈ្នះ Champions League ទេ។»
Man City បានឈានដល់វគ្គពាក់កណ្តាលផ្តាច់ព្រ័ត្រកាលពីរដូវកាលមុន មុនពេលការវាយបកត្រលប់មកវិញដ៏គួរឱ្យភ្ញាក់ផ្អើលពីក្រុមស្រមោលស Real Madrid (ជើងទី១ Man City ឈ្នះ ៤-៣ តែជើងទី ២ Real វាយបកតាមស្មើចុងម៉ោង រួចឈានទៅថែមម៉ោងហើយឈ្នះតែម្ដង) ដែលបានធ្វើឱ្យពួកគេជ្រុះចឹងត្រឹមវគ្គនេះ និងខកខានឱកាសក្នុងការឈ្នះពានរង្វាន់អឺរ៉ុបជាលើកដំបូង។
លោក Guardiola បាននិយាយថា៖ «សង្ឃឹមថា ពួកយើងអាចធ្វើបាន។ គាត់បានមកទីនេះដោយសារតែយើងបញ្ចុះបញ្ចូលគាត់។ យើងមិនមានខ្សែប្រយុទ្ធ ហើយគាត់មានអារម្មណ៍ថាគាត់អាចលេងជាមួយពួកយើងបាន។»
«ខ្ញុំយល់ច្បាស់ពីមូលហេតុដែលគ្រប់គ្នានិយាយអំពី Haaland ប៉ុន្តែខ្ញុំមានកីឡាករថ្មីចំនួន ៦ នាក់ ហើយខ្ញុំចង់ឱ្យពួកគេសម្របខ្លួនឱ្យបានលឿនតាមដែលអាចធ្វើទៅបាន។ យើងនឹងមិនឈ្នះដោយសារតែ Erling ម្នាក់នោះទេ ប៉ុន្តែគាត់មានទេពកោសល្យពិសេស ហើយគាត់អាចជួយយើងដោះស្រាយបញ្ហាបាន ប៉ុន្តែប្រសិនបើយើងលេងមិនបានល្អ យើងនឹងមិនឈ្នះនោះទេ។» សម្ដីលោក Pep Guardiola។
Man City ស្ថិតនៅពូល G ជាមួយ Sevilla, Borussia Dortmund និង FC Copenhagen ខណៈប្រកួតដែលត្រូវជួប Sevilla គឺធ្វើឡើងនៅយប់ថ្ងៃទី ០៦ ឈានចូលថ្ងៃទី ០៧ វេលាម៉ោង ២:០០ យប់៕
អត្ថបទ៖ មន្នីរ័ត្ន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)