កីឡា
គ្រូកម្ពុជាថា កូនក្រុមធ្វើបានល្អជាងមុន ក្រោយអនុវត្តតេស្ត (30-15 IFT) មុនចូលជម្រើសជាតិ
U-23 កម្ពុជា បានប្រកួតចាញ់ U-23 ជប៉ុន ក្នុងជំនួបមិត្តភាពអន្តរជាតិ ដោយលទ្ធផល ១-៣ នាពហុកីឡដ្ឋានជាតិមរតកតេជោ កាលពីយប់ថ្ងៃទី ២០ ខែកញ្ញា ឆ្នាំ ២០២២ ម្សិលមិញ។
ទោះបីជាយ៉ាងណា លោក Ryu Hirose គ្រូបង្វឹកនៃក្រុមជម្រើសជាតិកម្ពុជាអាយុក្រោម ២៣ ឆ្នាំ បានបញ្ជាក់ថា កូនក្រុមធ្វើបានល្អជាងមុន ក្រោយអនុវត្តតេស្តកម្លាំងអំណត់ (30-15 IFT) ពោលគឺមានចំណុចវិជ្ជមាន។
លោក Ryu Hirose បាននិយាយក្រោយចប់ការប្រកួតដូច្នេះថា ៖ «ដូចដែលអ្នកបានឃើញលទ្ធផលគឺយើងចាញ់ ប៉ុន្តែក្រៅពីលទ្ធផលយើងឃើញភាពវិជ្ជមានមួយចំនួនផងដែរ ដំបូងយើងរបូតគ្រាប់បាល់ដោយបាល់រៀបចំ (set play) គ្រាប់ទី ១ គេធ្វើបានល្អ ប៉ុន្តែយើងក៏មានបម្លាស់ទីបានល្អ បន្ទាប់ពីការប្រកួត ដូច្នេះនេះជាបទពិសោធន៍ដ៏ល្អសម្រាប់យើងនាពេលអនាគត»។
អ្វីដែលគួរឱ្យចាប់អារម្មណ៍សម្រាប់លើកនេះ មុននឹងត្រូវជាប់ឈ្មោះក្នុងបញ្ជីចុងក្រោយកីឡាករទាំងអស់ត្រូវកំណត់ឱ្យរត់តេស្តកម្លាំងអំណត់ (30-15 IFT) ចាប់ពី ២០,៥ គីឡូម៉ែត្រ/ម៉ោង ឡើងទៅដែលតេស្តនេះត្រូវបានចាត់ទុកថា ធ្វើឱ្យកីឡាកររត់បានច្រើនដោយមិនងាយថយចុះកម្លាំង។ គ្រូបង្វឹកកម្ពុជា ដដែលក៏បាននិយាយក្រោយអនុវត្តក្នុងតេស្ត រួចបន្តអនុវត្តក្នុងការប្រកួត។
លោកបាននិយាយថា ៖ «ជុំវិញការធ្វើតេស្ត (30-15 IFT) ហើយក្រោយការអនុវត្តក្នុងការប្រកួត យើងសង្កេតឃើញថាកីឡាករធ្វើបានល្អជាងពីមុន ជាក់ស្ដែងកីឡាកររត់បានច្រើនជាងមុន។ សម្រាប់ទៅថ្ងៃអនាគត កីឡាករកម្ពុជា យើងអាចប្រៀបធៀបទៅនឹងកីឡាករប្រទេសដទៃបាន ទៅលើកម្ពស់ ទម្ងន់ ជាដើម។ នេះគឺជាចំនុចដែលយើងអាចជម្នះបាន ដូច្នេះយើងត្រូវតែរៀបចំស្ដង់ដាខ្ពស់ជាងនេះ ពីលើកម្លាំងអំណត់ ក៏ដូចជាតិកនិកលំបាកៗជាដើម»។
បញ្ជាក់ថា ក្រោយចប់ការប្រកួតនេះក្រុមនេះក៏ត្រៀមផែនការថ្មីបន្ថែមទៀតផងដែរ ដើម្បីគោលដៅស៊ីហ្គេម លើកទី ៣២ ឆ្នាំ ២០២៣ នៅកម្ពុជា៕
អត្ថបទ៖ មន្នីរ័ត្ន
-
សន្តិសុខសង្គម៧ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៥ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៤ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ២១ ម៉ោង agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៦ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៤ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានជាតិ២២ ម៉ោង agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា
-
កីឡា៤ ថ្ងៃ agoអ្នកគាំទ្រប្រមាណ ៧ ពាន់នាក់ទស្សនាការប្រកួតមិត្តភាព រវាងក្រុមតារាកម្ពុជា និងសសយក ខេត្តបន្ទាយមានជ័យ