កីឡា

តានតឹងពេក ម្តាយរបស់ CR7 ចង់ឱ្យកូនប្រុសត្រលប់មកលេងព័រទុយហ្គាល់វិញនៅឆ្នាំក្រោយ

បានផុស

១ year មុន

នៅ

ថ្ងៃសុក្រ ៣០ កញ្ញា ២០២២

ដោយ

លោកស្រី Dolores Aveiro ម្តាយរបស់ Cristiano Ronaldo បង្ហាញពីបំណងប្រាថ្នាចង់ឃើញកំពូលតារា Manchester United ត្រឡប់មកលេងជាមួយក្លិប Sporting CP វិញ ដែលជាក្លិបនាំឱ្យរូបគេល្បីល្បាញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Ronaldo បានត្រលប់ទៅបិសាចក្រហមវិញ បន្ទាប់ពីចាកចេញពីក្លិបដែលមានមូលដ្ឋាននៅទីក្រុង Manchester ក្នុងឆ្នាំ ២០០៩។ ហើយបន្ទាប់ពីជោគជ័យជាមួយ Real Madrid និង Juventus កីឡាករវ័យ ៣៧ ឆ្នាំរូបនេះ បានត្រលប់មកទីលានចាស់របស់គាត់វិញនៅរដូវក្តៅឆ្នាំ ២០២១ កន្លងទៅ។

ទោះជាយ៉ាងណាក៏ដោយ អ្វីៗហាក់ដូចជាប្រែទៅជាជូរចត់ភ្លាមៗ ខណៈដែល Ronaldo បានបង្ហាញបំណងចង់ចាកចេញពី Man Utd ក្នុងទីផ្សារដោះដូរកីឡាករនាពេលថ្មីៗនេះ ប៉ុន្តែកីឡាករជម្រើសជាតិព័រទុយហ្គាល់រូបនេះ បានបញ្ចប់ដោយបន្តការស្នាក់នៅ Manchester សម្រាប់ពេលនេះ។

ទោះបីជា Ronaldo ចង់ចាកចេញក៏ដោយ ប៉ុន្តែការទាមទារប្រាក់ឈ្នួលរបស់កីឡាករវ័យ ៣៧ ឆ្នាំរូបនេះគឺជារឿងដែលពិបាក។ ទោះជាយ៉ាងណាក៏ដោយ លោកស្រី Dolores ដែលជាម្ដាយរបស់ CR7 បាននិយាយទៅកាន់សារព័ត៌មានព័រទុយហ្គាល់ ដោយជឿជាក់ថាការផ្ទេររបស់កីឡាករព័រទុយហ្គាល់រូបនេះ ត្រលប់ទៅកាន់ក្លិបចាស់ Sporting CP អាចកើតឡើង។ «វា (ការត្រលប់ទៅ Sporting) អាចនឹងកើតឡើង ប៉ុន្តែមិនមែនឥឡូវនេះទេ។ នេះមិនមែនជាឆ្នាំសម្រាប់វាទេ ប៉ុន្តែឆ្នាំក្រោយវាអាចនឹងកើតឡើង។» សម្ដីរបស់លោកស្រី។

ក្រោមការដឹកនាំរបស់ Erik ten Hag ម្ចាស់ពាន Ballon d’Or ៥ សម័យរូបនេះ បានអង្គុយនៅកៅអីបម្រុងញឹកញាប់បំផុតក្នុងរដូវកាលនេះ។

Ronaldo បានចាប់ផ្តើមឱ្យ Man United ក្នុង ២,៣ ប្រកួតចុងក្រោយនេះ។ យ៉ាងណាមិញ គេបានលេងនៅ Europa League។ ដូច្នេះវានៅតែត្រូវមើលថាតើកីឡាករព័រទុយហ្គាល់ នឹងចាប់ផ្តើមជម្រើស ១១នាក់ដំបូង ជាមួយ Manchester City នៅកីឡដ្ឋាន Etihad ក្នុងការប្រកួតបន្ទាប់ចុងសប្ដាហ៍នេះដែរឬទេ៕

ប្រភព៖ lookcharms.com

អត្ថបទ៖ មន្នីរ័ត្ន