កីឡា

គ្រូចិន ថា ការឈ្នះ U-17 កម្ពុជា ដោយសារក្រុមបានត្រៀមខ្លួនយ៉ាងពេញលេញនៅអូស្ត្រាលី

បានផុស

៤ years មុន

នៅ

ថ្ងៃព្រហស្បតិ៍ ៦ តុលា ២០២២

ដោយ

កាលពីថ្ងៃទី ០៥ ខែតុលា ឆ្នាំ ២០២២ ម្សិលមិញ ក្រុមជម្រើសជាតិ U-17 កម្ពុជា បានប្រកួតចាញ់ ក្រុមជម្រើសជាតិ U-17 ចិន ក្នុងវគ្គជម្រុះជើងឯកយុវជនអាស៊ីអាយុក្រោម ១៧ ឆ្នាំ (AFC U-17 Asian Cup 2023) ក្នុងលទ្ធផល ៩-០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៩ គ្រាប់របស់ចិន រកបានដោយកីឡាករ ៧ នាក់ផ្សេងគ្នា ពោលគឺនៅវគ្គទី ១ រកបាន ៤ គ្រាប់ ដោយកីឡាករ Zhang Junjie ១៦’, Huang Kaijun ២៤’, Wang Yudong ២៦’ និង Kuai Jiwen ៤៥+១’ ម្នាក់ ១ គ្រាប់។ ខណៈនៅវគ្គទី ២ រកបានដោយកីឡាករ Wang Haobin ៨៦’, Liming ៨៧’ និង Ouyang Jiaxin ៩០+២’ ម្នាក់ ១ គ្រាប់ទៀត បូកជាមួយគ្រាប់បាល់ ២ គ្រាប់របស់ Wang Yudong នៅនាទី ៥៩’ និង ៦១’ ដែលជាការរកបាន Hat-trick នៅក្នុងការប្រកួត។

លោក Yang Chen គ្រូបង្វឹកក្រុមបាល់ទាត់ជម្រើសជាតិ U-17 របស់ប្រទេសចិន បានចូលរួមសន្និសីទសារព័ត៌មានក្រោយការប្រកួត ហើយក្នុងសន្និសីទសារព័ត៌មាន Yang Chen បាននិយាយថា ៖ «មិនថាគូប្រកួតជានរណាទេ ការប្រកួតដំបូងមិនងាយស្រួលក្នុងការលេងឡើយ។ ទោះជាយ៉ាងណា យើងបានត្រៀមខ្លួនយ៉ាងពេញលេញ ដោយយើងបានហ្វឹកហាត់នៅប្រទេសអូស្ត្រាលីមួយរយៈ ហើយសម្របតាមអាកាសធាតុនៅទីនេះ។ កីឡាករបានធ្វើការយ៉ាងខ្លាំងនៅលើទីលាននៅថ្ងៃនេះ ហើយការទទួលជ័យជម្នះបានបង្កើនទំនុកចិត្តរបស់យើង»។

សូមរំលឹកថា មុនការប្រកួតនេះមកដល់ ចិន បានឡើងមកបោះជំរំហ្វឹកហាត់នៅប្រទេសអូស្ត្រាលី ដល់ទៅមួយខែមុន ដើម្បីបន្សាំសម្រាប់ព្រឹត្តិការណ៍ដ៏សំខាន់នេះ។

ជាមួយនឹងជ័យជម្នះនេះ ចិន កំពុងឈរលេខ ២ ក្នុងពូល បន្ទាប់ពីម្ចាស់ផ្ទះអូស្ត្រាលី បានយកឈ្នះ កោះមារីណាខាងជើង ដល់ទៅ ២៣-០ និងកាន់កាប់កំពូលតារាង។ ដោយឡែក U-17 កម្ពុជា ស្ថិតនៅលេខ ៣ ក្នុងពូល ហើយប្រកួតបន្ទាប់ត្រូវជួបម្ចាស់ផ្ទះអូស្ត្រាលី៕

ប្រភព ៖ thecfa.cn

អត្ថបទ ៖ មន្នីរ័ត្ន

Related Topics:ក្រុមបាល់ទាត់ជម្រើសជាតិកម្ពុជា

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា