Connect with us

កីឡា

Benzema កីឡាករបារាំងទី ២ ឈ្នះពាន Ballon d’Or ជាលើកដំបូងក្នុងអាជីព

បានផុស

នៅ

Karim Benzema ខ្សែប្រយុទ្ធរបស់ Real Madrid និងជម្រើសជាតិបារាំងបានឈ្នះពានរង្វាន់ Ballon d’Or ជាផ្លូវការកាលពីយប់មិញ ដែលនេះគឺជាពានរង្វាន់កីឡាករបាល់ទាត់ល្អបំផុតប្រចាំឆ្នាំលើកដំបូងនៃអាជីព។ ពាននេះ​គឺជាការឈ្នះលើកដំបូងសម្រាប់កីឡាករបារាំងចាប់តាំងពី Zidane ឈ្នះកាលពីឆ្នាំ១៩៩៨។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Benzema ស៊ុតបាន ៤៤ គ្រាប់ ក្នុង ៤៦ ប្រកួត ខណៈដែលគេបានជួយ Real ឈ្នះ Champions League និង La Liga ក្នុងឆ្នាំ២០២១-២២។ ជាមួយគ្នាផងដែរ Sadio Mane របស់ Bayern Munich ដែលលេងឱ្យ Liverpool ក្នុងឆ្នាំ២០២១-២២ ស្ថិតនៅលេខរៀងទី២ លើកីឡាករ Kevin de Bruyne របស់ Manchester City។

ចំពោះម្ចាស់ជើងឯកលីគកំពូលអង់គ្លេស Manchester City ដែលមានបេក្ខភាព ៦ រូបក្នុងពិធីនោះ បានទទួលពានរង្វាន់ក្លិបល្អប្រចាំឆ្នាំ (Club of the Year) ឈរលើ Liverpool។

Benzema បាននិយាយថា៖ «រង្វាន់នេះនៅចំពោះមុខខ្ញុំធ្វើឲ្យខ្ញុំពិតជាមានមោទនភាព។ កាលខ្ញុំនៅតូច វាជាក្តីស្រមៃកាលពីកុមារភាព ខ្ញុំមិនដែលបោះបង់អ្វីទាំងអស់គឺអាចទៅរួច។ ខ្ញុំពិតជាមានមោទនភាពចំពោះការធ្វើដំណើររបស់ខ្ញុំនៅទីនេះ វាមិនងាយស្រួលនោះទេ វាជាពេលវេលាដ៏លំបាកសម្រាប់គ្រួសាររបស់ខ្ញុំផងដែរ»។

ពានរង្វាន់ Ballon d’Or ត្រូវបានបោះឆ្នោតឱ្យដោយអ្នកសារព័ត៌មានចំនួន ១០០នាក់ មកពីជុំវិញពិភពលោក និងត្រូវបានផ្តល់ដល់កីឡាករបាល់ទាត់ល្អបំផុតប្រចាំឆ្នាំ ដោយផ្អែកលើការបង្ហាញទម្រង់លេងក្នុងរដូវកាល ២០២១-២២៕

ប្រភព៖ BBC
អត្ថបទ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម