កីឡា

គិតទាំងឆ្នាំ២០២២ កម្ពុជា ជាប់ Asia/Oceania III ៥ដងហើយជើងឯកពិភពលោក Davis Cup

បានផុស

៤ years មុន

នៅ

ថ្ងៃអង្គារ ២៥ តុលា ២០២២

ដោយ

ក្រុមកីឡាវាយកូនបាល់ជម្រើសជាតិកម្ពុជាបានជាប់លេងក្នុងកម្រិត៣ប្រចាំតំបន់អាស៊ី/អូសេអានី (Asia/Oceania III) ចំនួន៥ដងហើយ បន្ទាប់ពីធ្វើបានល្អក្នុងឆ្នាំ២០២២នេះដើម្បីឡើងទៅកម្រិត៣ជាថ្មីក្នុងព្រឹត្តិការណ៍វាយកូនបាល់ជើងឯកពិភពលោក Davis Cup។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្ពុជាបានចូលរួមប្រកួត Davis Cup លើកដំបូងនៅឆ្នាំ២០១២ ដែលពេលនោះជាការចាប់ផ្តើមនៅកម្រិត៤ដ៏ល្អតាមរយៈជ័យជម្នះ៤ប្រកួតជាប់គ្នាដើម្បីបានឡើងទៅកម្រិត៣។ ចាប់ពីឆ្នាំ២០១៣ដល់ឆ្នាំ២០១៦ ក្រុមកម្ពុជាលេងក្នុងកម្រិត៣រហូត ប៉ុន្តែឆ្នាំ២០១៦បានធ្លាក់ទៅកម្រិត៤។ ចាប់ពីឆ្នាំ២០១៧រហូតដល់ឆ្នាំ២០២១ កម្ពុជាមិនអាចឡើងកម្រិត៣បានទេ។ ទើបតែឆ្នាំ២០២២នេះ កម្ពុជាធ្វើបានល្អ និងបានឡើងទៅកាន់កម្រិត៣ប្រចាំតំបន់អាស៊ី/អូសេអានី (Asia/Oceania III)ជាថ្មី។

ខាងក្រោមជាស្ថិតិប្រកួតតាំងពីឆ្នាំ២០១២រហូតដល់ឆ្នាំ២០២២

ឆ្នាំ២០២២

វគ្គសន្សំពិន្ទុក្នុងពូល ឈ្នះប៊ូតាន ៣-០, ឈ្នះម៉ុងហ្គោលី ៣-០ និងឈ្នះតួកម៉េនីស្ថាន ២-១
វគ្គផ្តាច់ព្រ័ត្រ ឈ្នះ សិង្ហបុរី ២-១ ឡើងទៅកម្រិត៣

ឆ្នាំ២០២១ ប្រកួតក្នុងកម្រិត៤ ប៉ុន្តែមិនបានឡើងកម្រិត៣
ឆ្នាំ២០២០ ប្រកួតក្នុងកម្រិត៤ ប៉ុន្តែមិនបានឡើងកម្រិត៣
ឆ្នាំ២០១៩ ប្រកួតក្នុងកម្រិត៤ ប៉ុន្តែមិនបានឡើងកម្រិត៣
ឆ្នាំ២០១៨ ប្រកួតក្នុងកម្រិត៤ ប៉ុន្តែមិនបានឡើងកម្រិត៣
ឆ្នាំ២០១៧ ប្រកួតក្នុងកម្រិត៤ ប៉ុន្តែមិនបានឡើងកម្រិត៣
ឆ្នាំ២០១៦ ប្រកួតកម្រិត ៣

វគ្គសន្សំពិន្ទុក្នុងពូល ចាញ់លីបង់ ០-៣, ចាញ់កាតា ០-៣ និងឈ្នះ សិង្ហបុរី ២-១
វគ្គពាក់កណ្តាលផ្តាច់ព្រ័ត្រ ចាញ់ តួកម៉េនីស្ថាន ២-១ ធ្លាក់ទៅកម្រិត៤

ឆ្នាំ២០១៥ ប្រកួតកម្រិត៣

វគ្គសន្សំពិន្ទុក្នុងពូល ចាញ់ ស៊ីរី ១-២, ចាញ់ តួកម៉េនីស្ថាន ១-០
វគ្គពាក់កណ្តាលផ្តាច់ព្រ័ត្រ ឈ្នះ កាតា ២-១ រក្សាខ្លួននៅកម្រិត៣

ឆ្នាំ២០១៤ ប្រកួតកម្រិត៣

វគ្គសន្សំពិន្ទុក្នុងពូល ចាញ់ស៊ីរី ១-២, ឈ្នះតួកម៉េនីស្ថាន ២-១ និងចាញ់ម៉ាឡេស៊ី ២-១
វគ្គពាក់កណ្តាលផ្តាច់ព្រ័ត្រ ឈ្នះ សិង្ហបុរី ២-១ រក្សាខ្លួននៅកម្រិត៣

ឆ្នាំ២០១៣ ប្រកួតកម្រិត៣

វគ្គសន្សំពិន្ទុ ចាញ់ វៀតណាម ៣-០, ឈ្នះ អារ៉ាប់រួម ២-១, ឈ្នះ ប៉ាស៊ីហ្វិកអូសេអានី ២-១
វគ្គពាក់កណ្តាលផ្តាច់ព្រ័ត្រ ចាញ់ ហុងកុង ១-២
វគ្គស្វែងរកចំណាត់ថ្នាក់ ចាញ់ ម៉ាឡេស៊ី ០-៣ ប៉ុន្តែរក្សាខ្លួនកម្រិត៣

ឆ្នាំ២០១២ ប្រកួតកម្រិត៤