កីឡា

នារីបាល់បោះជិះរទេះពិការកម្ពុជា ឈ្នះ ម្ចាស់ផ្ទះឥណ្ឌា ដាច់ឆ្ងាយ៥៨ទល់១៤

បានផុស

៤ years មុន

នៅ

ថ្ងៃអង្គារ ៨ វិច្ឆិកា ២០២២

ដោយ

កាលពីព្រឹកមិញនេះ ក្រុមកីឡាការិនីបាល់បោះជិះរទេះជនពិការកម្ពុជាទទួលបានជ័យជម្នះដោយពិន្ទុដាច់ឆ្ងាយលើក្រុមកីឡាការិនីបាល់បោះជិះរទេះឥណ្ឌា សម្រាប់ព្រឹត្តិការណ៍ប្រកួតអន្តរជាតិ ICRC International Wheelchair Basketball Tournament លើកទី៣ នៅប្រទេសឥណ្ឌា។

វេលាម៉ោង៣រសៀលថ្ងៃដដែលនេះ ក្រុមកីឡាការិនីកម្ពុជាត្រូវប្រកួតជាមួយក្រុមកីឡាការិនីនេប៉ាល់ នៅវេលាម៉ោង៣រសៀលនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់វិញ្ញាសាបាល់បោះជិះរទេះពិការផ្នែកនារីនេះមានតែ៣ប្រទេសប៉ុណ្ណោះចូលរួមប្រកួត គឺកម្ពុជា នេប៉ាល់ និងម្ចាស់ផ្ទះឥណ្ឌា។ ចំណែកផ្នែកបុរសមាន៨ប្រទេសចូលរួម ប៉ុន្តែកម្ពុជាមិនបានបញ្ជូនក្រុមបុរសទេដោយយោងតាមការអញ្ជើញរបស់ម្ចាស់ផ្ទះឥណ្ឌា។

សូមបញ្ជាក់ថា ដោយសារផ្នែកនារីមានតែ៣ប្រទេសចូលរួមប្រកួត ក្រុមនីមួយៗត្រូវប្រកួតគ្នា២ដង ទើបជ្រើសរើសយក២ក្រុមឡើងវគ្គផ្តាច់ព្រ័ត្រ ដូច្នេះក្រុមនារីកម្ពុជាត្រូវប្រកួតជាមួយម្ចាស់ផ្ទះឥណ្ឌា និងនេប៉ាល់ម្តងទៀតនៅថ្ងៃស្អែកទើបរកឃើញក្រុមលេខ១ និងលេខ២ឡើងប្រកួតវគ្គផ្តាច់ព្រ័ត្រ ខណៈក្រុមលេខ៣អស់ឱកាស។

នេះជាបទពិសោធថ្មីមួយទៀតសម្រាប់ក្រុមកីឡាការិនីបាល់បោះជិះរទេះពិការកម្ពុជាក្នុងការត្រៀមខ្លួនប្រកួតអាស៊ានប៉ារ៉ាហ្គេម លើកទី១២ ឆ្នាំ២០២៣ នៅកម្ពុជា បន្ទាប់ពីបានឈ្នះមេដាយមាសក្នុងអាស៊ានប៉ារ៉ាហ្គេម លើកទី១១ ឆ្នាំ០២២ នៅប្រទេសឥណ្ឌូនេស៊ីកាលពីពេលថ្មីៗនេះ៕

អត្ថបទ៖ វីរបុត្រ

Related Topics:អាស៊ានប៉ារ៉ាហ្គេម ២០២៣