បែកធ្លាយវីដេអូ អ្នកគាំទ្រក្រុមបាល់ទាត់អង់គ្លេស វាយគ្នាឯង ផ្អើលពេញផ្លូវ

ការ​វាយតប់គ្នា​បាន​កើត​ឡើង​នៅ​តាម​ផ្លូវ ​ក្រៅ​បារ៍​មួយកន្លែង​ក្នុង​តំបន់ Essex បន្ទាប់​ពី​ការ​ប្រកួត World Cup ជំនួបទី១របស់ក្រុមបាល់ទាត់តោកំណាចអង់គ្លេស យកឈ្នះអ៊ីរ៉ង់ ៦-២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីដេអូដែលលេចធ្លាយ បានបង្ហាញពីភាពរញ៉េរញ៉ៃ​ ​ផ្ទុះឡើង​នៅ​ខាង​ក្រៅបារ៍ French Martini ក្នុង​ទីក្រុង Billericay កាល​ពី​ថ្ងៃ​ចន្ទដើមសប្តាហ៍នេះ។

ហេតុការណ៍នេះកើតឡើង​ក្រោយ​ម៉ោង​៣​រសៀល ហើយ​​វីដេអូ​បង្ហាញ​ពី​អ្នកគាំទ្រក្រុមអង់គ្លេស​ជា​ច្រើន​នាក់ វាយ​គ្នា​ឯងនៅតាម​​ចិញ្ចើម​ផ្លូវ។ វីដេអូ​នេះ​ក៏​បាន​បង្ហាញពីការគប់វត្ថុនានាដាក់គ្នាផងដែរ។

អ្នកនាំពាក្យទីក្រុងបានប្រាប់កាសែត Southend Echo ថា “យើងមានការខកចិត្តយ៉ាងខ្លាំងចំពោះឧប្បត្តិហេតុនេះ”។ ប៉ុន្តែលោកបញ្ជាក់ថា “ហេតុការណ៍នេះ មិនពាក់ព័ន្ធនឹងបាល់ទាត់ទេ។ វាជាជម្លោះរវាងអ្នកភ្នាល់ គ្មានអ្វីពាក់ព័ន្ធនឹងបាល់ទាត់ឡើយ”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ្នកគាំទ្រ បារាំងនិងអូស្រ្តាលី វាយគ្នាប្រាវ ក្រោយចប់ការប្រកួត