កីឡា

Ronaldo ប្រេស៊ីល នឹកឃើញដល់ខ្លួនឯងពេលមើល Mbappe លេងនៅ World Cup 2022

បានផុស

៤ years មុន

នៅ

ថ្ងៃអង្គារ ១៣ ធ្នូ ២០២២

ដោយ

វីរបុរសប្រេស៊ីល Ronaldo និយាយថា Kylian Mbappe បានធ្វើឲ្យលោករំលឹកនឹកឃើញដល់ខ្លួនឯង ហើយគិតថាខ្សែប្រយុទ្ធបារាំងរូបនេះ នឹងបញ្ចប់ជាកីឡាករល្អបំផុតនៅ World Cup 2022។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Mbappe បច្ចុប្បន្ន គឺជាអ្នកស៊ុតបញ្ចូលទីនាំមុខគេក្នុងពានរង្វាន់នេះ ដោយរកបាន ៥ គ្រាប់ ក្នុងការបង្ហាញខ្លួន ៥ ប្រកួត។ គេមានឱកាសឈ្នះ World Cup ជាលើកទី ២ ខណៈដែលបារាំង ត្រូវជួបជាមួយម៉ារ៉ុក ក្នុងវគ្គពាក់កណ្ដាលផ្ដាច់ព្រ័ត្រ នៅថ្ងៃពុធស្អែក បន្ទាប់ពីបានយកឈ្នះលើក្រុមតោកំណាច អង់គ្លេស។

Ronaldo ដែលធ្លាប់ឈ្នះ World Cup ២ ដង ជាមួយប្រេស៊ីល គិតថា បារាំង ជាក្រុមដែលអាចយកឈ្នះបាន ហើយ Mbappe គឺជាកីឡាករឆ្នើមក្នុងការប្រកួត។ លោកបាននិយាយថា «ខ្ញុំអាចនិយាយបានថា គាត់លឿនប៉ុណ្ណា គាត់ល្អ ហើយគាត់បានរំឭកខ្ញុំពីពេលខ្ញុំនៅលេង»។

«គាត់ចេះប្រើសមត្ថភាពរបស់គាត់ របៀបធ្វើការលឿនជាងកីឡាករផ្សេងទៀត ហើយប្រើសមត្ថភាពនោះដើម្បីបញ្ជូនបាល់ (assist) ឬរកគ្រាប់បាល់។ ខ្ញុំគិតថា បារាំង ជាក្រុមដែលអាចឈ្នះពាន World Cup នៅពេលនេះ។ ខ្ញុំបាននិយាយថា មុនពេលការប្រកួតបាល់ទាត់ពិភពលោកចាប់ផ្តើម ហើយសម្រាប់ខ្ញុំ Mbappe នឹងក្លាយជាកីឡាករល្អបំផុតនៅ World Cup នេះ»។ Ronaldo បានសង្កត់ធ្ងន់។

Kylian Mbappe ដែលបច្ចុប្បន្ន កំពុងនាំមុខគេក្នុងពានរង្វាន់នេះនាមជាកីឡាករទាត់ចូលទីច្រើន ដោយរកបាន ៥ គ្រាប់ តាមពីក្រោយដោយកីឡាករ Lionel Messi និងមិត្តរួមក្រុម Olivier Giroud ដែលមាន ៤ គ្រាប់ដូចគ្នា។ ស្របពេលដែលកីឡាករដែលមានឱកាសប្រជែងស្បែកជើងមាសផ្សេងទៀត មានដូចជា Julian Alvarez (អាហ្សង់ទី), Andrej Kramaric (ក្រូអាត) និង Youssef En-Nesyri (ម៉ារុក) សុទ្ធតែមាន ២ គ្រាប់ក្នុងដៃ៕

ប្រភព ៖ eurosport.com

អត្ថបទ ៖ មន្នីរ័ត្ន