កីឡា
ដឹងទេ កីឡាករបាល់ទាត់រូបណាខ្លះហើយ ឧទ្ទិសដល់មរណភាពរបស់ Pele?
តារាបាល់ទាត់ជាច្រើនរូបបានចូលរួមឧទ្ទិសទៅដល់ស្តេចបាល់ទាត់ប្រេស៊ីល Edson Arantes do Nascimento ដែលត្រូវបានគេស្គាល់ថា Pele បន្ទាប់ពីបានទទួលមរណភាពក្នុងអាយុ ៨២ ឆ្នាំ ។
Neymar
កីឡាករប្រេស៊ីល Neymar បានចូលរួមឧទ្ទិសដល់វិញ្ញាណក្ខន្ធស្ដេចបាល់ទាត់ Pele និងថែមទាំងនិយាយលើបណ្ដាញ Instagram ថា “Pele បានស្លាប់ទៅហើយក៏ពិតមែន ប៉ុន្តែភាពអច្ឆារិយៈរបស់គាត់នៅតែដក់ជាប់នឹងយើង” ។
Cristiano Ronaldo
Cristiano Ronaldo បាននិយាយថា “Pele នឹងរស់នៅជាមួយការចងចាំរបស់យើងគ្រប់គ្នាដែលស្រលាញ់កីឡាបាល់ទាត់ជារៀងរហូត ។ RIP ស្ដេចបាល់ទាត់ Pele” ។
Messi និង Mbappe
ខ្សែប្រយុទ្ធរបស់ក្លឹបអ្នកមានបារាំង Paris Saint-Germain កីឡាករ Lionel Messi និង Kylian Mbappe ក៏បានសម្ដែងការគោរព និងឧទ្ទិសដល់ Pele ផងដែរ ។
Messi និង Mbappe បានបង្ហោះរូបភាពរបស់គាត់ និង Pele ជាមួយនឹងពាក្យថា “ស្តេចបាល់ទាត់បានចាកចេញពីពួកយើងហើយ ប៉ុន្តែកេរដំណែលរបស់គាត់នឹងមិនអាចបំភ្លេចបានឡើយ ។ RIP ស្ដេចបាល់ទាត់ Pele” ។
ក្រៅពីកីឡាករល្បីៗទាំងនេះ ក៏មានកីឡាករ ក៏ដូចជាបុគ្គលមានកេរិ៍្តឈ្មោះផ្សេងទៀតផងដែរចូលរួមឧទ្ទិសដល់វិញ្ញាណក្ខន្ធស្ដេចបាល់ទាត់ Pele ក្នុងនោះមានដូចជា ប្រធាន FIFA លោក Gianni Infantino, អតីតតារាបាល់ទាត់ប្រេស៊ីលឈ្នះ Ronaldo Nazario, ខ្សែប្រយុទ្ធអង់គ្លេស Harry Kane និងខ្សែប្រយុទ្ធ Erling Haaland ជាដើម ។
គួរបញ្ជាក់ថា Pele ដែលជាវីរបុរសបាល់ទាត់ប្រេស៊ីលបានទទួលមរណភាពកាលពីថ្ងៃព្រហស្បតិ៍ ទី២៩ ខែធ្នូនៅឯមន្ទីរពេទ្យ Albert Einstein ក្នុងទីក្រុង Sao Paulo បន្ទាប់ពីបានប្រយុទ្ធជាមួយជំងឺមហារីកពោះវៀនធំ ចាប់តាំងពីការពិនិត្យឃើញរោគនៅក្នុងខែកញ្ញាឆ្នាំ ២០២១ ៕
ប្រែសម្រួលដោយ ៖ ជីវ័ន្ត
ប្រភព ៖ Sky Sports
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ