កីឡា
Xavi ឈ្នះពានលើកដំបូងជាមួយ Barcelona នាមជាគ្រូបង្វឹក
Barcelona បានយកឈ្នះ Real Madrid ៣-១ ក្នុងទីក្រុង Riyadh ដើម្បីឈ្នះពាន Spanish Supercopa ដែលជាពានដំបូងរបស់ពួកគេ ក្រោមការដឹកនាំរបស់គ្រូបង្វឹក Xavi Hernandez។
Barça នាំមុខ ២-០ នៅតង់ទី ១ បន្ទាប់ពីគ្រាប់បាល់ស៊ុតបញ្ចូលទីពី Gavi និង Robert Lewandowski ហើយក្រុមរហស្សនាម Blaugrana បានបន្ថែមការនាំមុខរបស់ពួកគេតាមរយៈគ្រាប់របស់ Pedri នៅនាទី ៦៩។
Madrid ក៏រកគ្រាប់បាល់លួងចិត្តបាន ១ គ្រាប់មកវិញតាមរយៈ Karim Benzema ក្នុងម៉ោងបន្ថែម ប៉ុន្តែចុងក្រោយ វាជាយប់របស់ Barcelona ហើយក្រុមមកពីតំបន់ Catalans ដណ្ដើមបានពានជាលើកដំបូងចាប់តាំងពីលើកចុងក្រោយ ពានរង្វាន់ Copa del Rey ឆ្នាំ ២០២១ ក្រោមការដឹកនាំរបស់លោក Ronald Koeman។
Xavi បានចូលមកដឹកនាំ Barca កាលពីខែវិច្ឆិកា ឆ្នាំ ២០២១ ក្នុងកិច្ចសន្យារហូតដល់ឆ្នាំ ២០២៤ ជំនួស លោក Ronald Koeman ដែលគ្រានោះដឹកនាំមិនសូវបានល្អ។
ការប្រកួត Supercopa de España គឺជាការប្រកួតសម្រាប់ ៤ ក្រុម ដែលសាងសមិទ្ធផលល្អកាលពីឆ្នាំចាស់ ហើយនេះគឺជាការលើកទី ៤ ចាប់តាំងពីការផ្លាស់ប្ដូរទម្រង់នៅឆ្នាំ ២០២០។
វាមិនដូចលើកមុនៗឡើយ សម្រាប់ ៤ ក្រុម ដែលសាងសមិទ្ធផលល្អកាលពីឆ្នាំចាស់ ពោលគឺក្រុមម្ចាស់ជើងឯក និងជើងឯករង LaLiga, ម្ចាស់ជើងឯក និងជើងឯករង Copa del Rey ខណៈពីមុនៗមកគេប្រកួតតែរវាងក្រុមជើងឯក LaLiga ប៉ះជាមួយម្ចាស់ជើងឯក Copa del Rey តែប៉ុណ្ណោះ។
សម្រាប់ Barcelona នេះគឺជាការឈ្នះពាន Supercopa លើកទី ១៤ ហើយក្រុម Catalans ដែលបច្ចុប្បន្នកំពុងនាំមុខតារាងពិន្ទុនៅ LaLiga ផងដែរនោះ សង្ឃឹមថា វានឹងក្លាយជាផ្លូវសម្រាប់ការទទួលជ័យជម្នះកាន់តែខ្លាំងនៅប៉ុន្មានខែខាងមុខ បន្ទាប់ពីខកខាន ២,៣ ឆ្នាំដ៏លំបាក៕
ប្រភព ៖ fourfourtwo.com
អត្ថបទ ៖ មន្នីរ័ទ្ន
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ៧ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១០ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន