កីឡា
ផ្លូវការ «គុនខ្មែរ»ទទួលការគាំទ្រ៧ប្រទេសដោយប្រើអត្តសញ្ញាណខ្មែរសុទ្ធក្នុងស៊ីហ្គេម២០២៣
គណៈកម្មាធិការជាតិរៀបចំការប្រកួតកីឡាស៊ីហ្គេម (CAMSOC) សហព័ន្ធកីឡាប្រដាល់គុនខ្មែរ និងសហព័ន្ធគុនខ្មែរអន្តរជាតិបានសម្រេចជាផ្លូវការស្តីពីការដាក់«គុនខ្មែរ»ឲ្យប្រកួតក្នុងព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ ដោយប្រើប្រាស់អត្តសញ្ញាណខ្មែរសុទ្ធសាធ។
![](https://www.kampucheathmey.com/wp-content/uploads/2023/01/KUN-KHMER-2-1024x768.jpg)
លោក វ៉ាត់ ចំរើន អគ្គលេខាធិការ CAMSOC មានប្រសាសន៍ក្នុងសន្និសីទសារព័ត៌មានក្រោយកិច្ចប្រជុំគុនខ្មែរអន្តរជាតិកាលពីព្រឹកថ្ងៃទី២៦ ខែមករានេះ ថា កិច្ចប្រជុំបានដាក់«គុនខ្មែរ»ដែលជាកីឡាអត្តសញ្ញាណជាតិដោយប្រើប្រាស់អត្តសញ្ញាណខ្មែរសុទ្ធសាធ និងទទួលបានការគាំទ្រពី៧ប្រទេស ក្នុងនោះមានការគាំទ្រពីប្រទេសថៃ ឡាវ វៀតណាម មីយ៉ាន់ម៉ា ហ្វីលីពីន ឥណ្ឌូនេស៊ី ម៉ាឡេស៊ី បូករួមទាំងកម្ពុជាជាម្ចាស់ផ្ទះ។
![](https://www.kampucheathmey.com/wp-content/uploads/2023/01/Kun-khmer-Thun-Phanit-wons-over-Thai-fighter-Rakthae-4-1024x683.jpg)
លោកបានបញ្ជាក់ថា ការប្រើប្រាស់គុនខ្មែរសម្រាប់ការប្រកួតនេះគឺប្រើប្រាស់អត្តសញ្ញាណខ្មែរសុទ្ធសាធដោយមិនប៉ះពាល់ដល់ក្បាច់គុនរបស់ប្រទេសណាមួយឡើយ។ សម្រាប់អត្តសញ្ញាណខ្មែរសុទ្ធគឺ របៀបថ្វាយបង្គំគ្រូ (គុនគ្រូ) ត្រូវបានដាក់ជាប្រភេទវិញ្ញាសម្តែង។ ការប្រើក្រមាខ្មែរដោយមានទង់ជាតិខ្មែរជូតលើក្បាល រុំអំបោះឆៅលើដៃ និងប្រើឧបករណ៍ការពារខ្លួនរួមមាន ពាក់មួកការពារក្បាល ពាក់អាវការពារទ្រូង និងពាក់ក្រណាត់ដើម្បីការពារកែង ព្រមទាំងមានការប្រើរូបមន្ត បទបញ្ជា និងគោលការណ៍គុនខ្មែរទាំងស្រុង។
លោកបានពន្យល់ថា សម្រាប់ការប្រើក្រមាដាក់ទង់ជាតិនៅលើក្បាលនេះ ប្រសិនបើប្រទេសផ្សេងដាក់ទង់ជាតិរបស់ប្រទេសគេនៅលើក្រមាគឺអាចប្រើបាន។ ចំពោះការប្រើអំបោះឆៅ ប្រសិនបើប្រទេសផ្សេងមានលក្ខណៈពិសេសក្នុងការប្រើប្រាស់តាមជំនឿរបស់ពួកគេក៏អាចដាក់បាន។
![](https://www.kampucheathmey.com/wp-content/uploads/2023/01/pich-sambath-kunkhmer-1-1024x683.jpg)
និយាយពីភាគីថៃវិញ លោក វ៉ាត់ ចំរើន បានឲ្យដឹងថា ខាងថៃក៏បានគាំទ្រ និងចូលរួមសម្រាប់ការដាក់កីឡាជាអត្តសញ្ញាណជាតិក្នុងនាមជាម្ចាស់ផ្ទះ ពីព្រោះភាគីថៃក៏ជាអ្នកលើកកម្ពស់ក្បាច់គុនរបស់ប្រទេសផ្សេងដែរ។ កម្ពុជានឹងរៀបចំលិខិតអញ្ជើញភាគីថៃដើម្បីចូលរួមប្រកួតគុនខ្មែរជាផ្លូវការ។ លោកបានបញ្ជាក់ថា ខាងថៃក៏មានក្រុមមួយដែលអាចចូលរួមប្រកួតគុនខ្មែរដែរ។ លោកបានសង្កត់ធ្ងន់ថា កម្ពុជាមិនបានប្តូរឈ្មោះមួយ ឬមួយថៃ ដែលធ្លាប់មានកន្លងមកនៅស៊ីហ្គេមទេ ប៉ុន្តែឆ្នាំ២០២៣នេះ កម្ពុជា ដាក់«គុនខ្មែរ»គឺជាកីឡាអត្តសញ្ញាណខ្មែរ។
![](https://www.kampucheathmey.com/wp-content/uploads/2023/01/THAILAND-1.jpg)
រហូតដល់ពេលនេះ សហព័ន្ធកីឡាប្រដាល់គុនខ្មែរមានប្រទេសចំនួន២៩ទូទាំងពិភពលោកហើយដែលជាសមាជិកមាននៅអាស៊ី អាមេរិក អឺរ៉ុប និងតំបន់ផ្សេងៗទៀត៕
អត្ថបទ៖ វីរបុត្រ
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ