កីឡា
ក្រសួងមហាផ្ទៃ ឈ្នះមេដាយច្រើនជាងគេ ក្នុងការប្រកួតកីឡាចំបាប់ជើងឯកជាតិ ជាផ្លូវឆ្ពោះទៅស៊ីហ្គេម
ព្រឹត្តិការណ៍ប្រកួតកីឡាចំបាប់ ជ្រើសរើសជើងឯកថ្នាក់ជាតិ ប្រចាំឆ្នាំ ២០២២ បានបញ្ចប់ការប្រកួតជាផ្លូវការកាលពីថ្ងៃទី ២៩ ខែមករានេះ ក្រោយដំណើរការប្រកួតរយៈពេល ៥ ថ្ងៃ នៅសាលដំបូលទូក នៃពហុកីឡដ្ឋានជាតិ ដោយការប្រកួតនេះ មានប្រតិភូ និងកីឡាករ កីឡាការិនីចូលរួមសរុប ៩៦ នាក់ មកពី ១០ សមាគម/ក្លិប និងក្រសួង។
ចំពោះលទ្ធផលបច្ចេកទេស នៃការប្រកួតកីឡាចំបាប់ជើងឯកថ្នាក់ជាតិ ឆ្នាំ ២០២២ វិញ គឺក្រសួងមហាផ្ទៃ ដែលបានបញ្ជូនអត្តពលិកចូលរួមច្រើនជាងគេនោះ បានឈ្នះមេដាយសរុប ២២ គ្រឿង រួមមានមេដាយមាស ៨ ប្រាក់ ៩ និងសំរឹទ្ធ ៥ ដើម្បីឈរនៅលេខ ១ ហើយតាមពីក្រោយដោយ ក្រសួងការពារជាតិ ដែលឈ្នះបានមេដាយមាស ៣ ប្រាក់ ៣ និងសំរឹទ្ធ ៣។ ចំណែកក្រសួងសេដ្ឋកិច្ច និងហិរញ្ញវត្ថុ ឈរលេខ ៣ ឈ្នះមេដាយមាស ២ និងសំរឹទ្ធ ២ រីឯក្លិបយាងព្រីងមានរឹទ្ធខេត្តកំពង់ឆ្នាំង ឈរលេខ ៤ ឈ្នះមេដាយមាស ២ សំរឹទ្ធ ១ និងសមាគមកីឡាចំបាប់ខេត្តពោធិ៍សាត់ ឈ្នះមេដាយមាស ១ និងសំរឹទ្ធ ៧ ឈរលេខ ៥។
ថ្លែងក្រោយចប់ការប្រកួត លោក ខេស៊ី បាណេត អនុប្រធានសហព័ន្ធកីឡាចំបាប់កម្ពុជា បានចាត់ទុកការប្រកួតកីឡាចំបាប់ជ្រើសរើសជើងឯកថ្នាក់ជាតិ ឆ្នាំ ២០២២ គឺជាជំហានថ្មីមួយទៀត នៃដំណើរឆ្ពោះទៅកាន់ការប្រកួតកីឡាស៊ីហ្គេម លើកទី ៣២ នៅកម្ពុជា នាខែឧសភា ឆ្នាំ ២០២៣ ខាងមុខ។
លោក ខេស៊ី បាណេត បានកោតសរសើរ និងវាយតម្លៃខ្ពស់ ចំពោះការខិតខំរៀបចំរបស់គណៈកម្មការ និងមន្ត្រីបច្ចេកទេស ពិសេសការខិតខំប្រឹងប្រែងរបស់កីឡាករ កីឡាការិនី ដែលជំរុញឲ្យការប្រកួតនេះ បញ្ចប់ដោយជោគជ័យ និងជាសញ្ញាណមួយដ៏ល្អ សម្រាប់ការត្រៀមធ្វើម្ចាស់ផ្ទះស៊ីហ្គេម ឆ្នាំ ២០២៣ បន្ទាប់ពីសហព័ន្ធកីឡាចំបាប់កម្ពុជា បានទទួលបទពិសោធន៍ល្អៗជាច្រើន ក្នុងការប្រកួតជើងឯកអាស៊ីអាគ្នេយ៍ កាលពីថ្មីៗនេះ។
លោកបានបញ្ជាក់ថា ៖ «ការចូលរួមប្រកួតនេះ គឺជាជំហានបន្ត សម្រាប់ការបង្ហាញសមត្ថភាពរបស់កីឡាករ កីឡាការិនី ព្រមទាំងពង្រឹងជំនាញ និងបច្ចេកទេស ទាំងកីឡាករ កីឡាការិនី និងមន្ត្រីបច្ចេកទេស អាជ្ញាកណ្ដាល-ចៅក្រម។ ការប្រកួតជើងឯកទូទាំងប្រទេសនេះ គឺជាជំហានថ្មីមួយដ៏សំខាន់ ដើម្បីត្រៀមបេសកកម្មចំពោះមុខ គឺការរៀបចំការប្រកួតកីឡាស៊ីហ្គេម លើកទី ៣២ នាខែឧសភា»៕
អត្ថបទ ៖ មន្នីរ័ត្ន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៥ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២៣ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល