កីឡា

Courtois និង Benzema មិនបានចូលរួមប្រកួត FIFA Club World Cup ជាមួយ Real Madrid យប់នេះទេ

បានផុស

៣ years មុន

នៅ

ថ្ងៃពុធ ៨ កុម្ភៈ ២០២៣

ដោយ

Real Madrid បានធ្វើការប្រកាសឈ្មោះកីឡាករសម្រាប់ចូលរួមការប្រកួតក្លិបបាល់ទាត់ពិភពលោក (FIFA Club World Cup 2023) ប្រកួតនៅប្រទេសម៉ារ៉ុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Real Madrid បានចេញផ្សាយបញ្ជីឈ្មោះក្រុមរបស់ពួកគេសម្រាប់ការប្រកួត FIFA Club World Cup ខណៈដូចដែលបានរំពឹងទុកអ្នកចាំទី Courtois, ខ្សែប្រយុទ្ធ Benzema និង Militao នឹងមិនធ្វើដំណើរជាមួយក្រុមទេ បន្ទាប់ពីរងរបួសអំឡុងពេលប្រកួតកាលពីសប្ដាហ៍មុន។

បញ្ជីឈ្មោះក្រុម Real Madrid រួមមាន ៖

អ្នកចាំទី ៖ Lunin, Luis López និង Cañizares។

ខ្សែការពារ ៖ Carvajal, Alaba, Vallejo, Nacho, Odriozola, Rüdiger និង Marvel។

ខ្សែបម្រើ ៖ Kroos, Modrić, Camavinga, Valverde, Tchouameni, D. Ceballos, Mario Martín និង Arribas។

ប្រយុទ្ធ ៖ Asensio, Vini Jr., Rodrygo និង Mariano។

យ៉ាងណាមិញកីឡាករទាំង ៣ រូបខាងលើនេះ អាចនឹងធ្វើដំណើរទៅលេងវគ្គផ្ដាច់ព្រ័ត្រ ប្រសិនបើ Real Madrid យកឈ្នះ Al-Ahly ហើយពួកគេជាសះស្បើយទាន់ពេលវេលា។

Real Madrid គឺជាក្រុមដែលត្រូវបានគេរំពឹងថា នឹងឈ្នះការប្រកួតនេះ ទោះបីជាមិនមានកីឡាករចាប់ផ្ដើមទាំង ៣ ក៏ដោយ ដូច្នេះ លោក Ancelotti ទំនងជាអាចធ្វើការផ្លាស់ប្ដូរបានយ៉ាងហោចណាស់ក្នុងវគ្គពាក់កណ្ដាលផ្ដាច់ព្រ័ត្រ។

ទោះជាយ៉ាងណាក៏ដោយ Real Madrid ត្រូវតែត្រលប់មកវិញបន្ទាប់ពីការចាញ់ដ៏ក្រៀមក្រំក្រោមស្នាដៃក្រុម Mallorca ដូច្នេះរំពឹងថា ពួកគេនឹងយកការប្រកួតទាំង ២ នេះយ៉ាងយកចិត្តទុកដាក់ ដោយសង្ឃឹមថា នឹងទទួលបានសន្ទុះមួយចំនួន។

បញ្ជាក់ថា Real Madrid នឹងជួបជាមួយ Al Ahli ដែលនឹងធ្វើឡើងនៅយប់ថ្ងៃពុធ ឈានចូលថ្ងៃព្រហស្បតិ៍នេះ នាវេលាម៉ោង ២ និង ០០ នាទីយប់រំលងអធ្រាត្រ បើឈ្នះនោះនឹងឡើងទៅជួបក្រុមរបស់អារ៉ាប៊ីសាអូឌីត Al Hilal ដែលទើបតែបំបាក់ក្រុមរបស់ប្រេស៊ីល Flamengo ក្នុងលទ្ធផល ៣-២ យប់មិញ៕

ប្រភព ៖ managingmadrid.com

អត្ថបទ ៖ មន្នីរ័ត្ន