កីឡា
ក្លិប Premier League មួយចំនួន ចង់ឲ្យកាត់ Man City ចោល ប្រសិនរកឃើញមានកំហុសពិតមែន
ក្លិបនៅ Premier League មួយចំនួន ចង់ឲ្យ Manchester City ត្រូវបានបណ្ដេញចេញពីលីគ ប្រសិនបើរកឃើញថាមានពិរុទ្ធពីបទបំពានច្បាប់ក្នុងរយៈពេល ៩ រដូវកាល។
City បាននិយាយកាលពីថ្ងៃចន្ទថា ពួកគេមានការភ្ញាក់ផ្អើល ដែលត្រូវបានចោទប្រកាន់ដោយក្របខ័ណ្ឌ Premier League ជាមួយនឹងការរំលោភបំពានច្បាប់ហិរញ្ញវត្ថុចំនួន ១០០ ករណី ដែលគិតចាប់ពីឆ្នាំ ២០០៩/១០ ដល់ ២០១៧/១៨។
ការដាក់ទណ្ឌកម្មដ៏ធ្ងន់ធ្ងរបំផុតរបស់ Premier League ក្នុងកាលៈទេសៈទាំងនេះគឺការបណ្ដេញ Man City ហើយវាត្រូវបានគេរាយការណ៍ថា English Football League នឹងមិនមានកាតព្វកិច្ចក្នុងការទទួលយកពួកគេឡើយ។
មានអារម្មណ៍ថា ការដកពានពី Man City ត្រលប់មកវិញ នឹងគ្មានន័យ ហើយបង្កភាពច្របូកច្របល់ ប៉ុន្តែការផាកពិន័យក៏ទំនងជាមិនមានផលប៉ះពាល់ច្រើនដែរ។
ក្លិបដែលដាក់សម្ពាធខ្លាំងបំផុតសម្រាប់សកម្មភាពរហូតដល់ថ្ងៃចន្ទ គឺជាសមាជិកដែលហៅថា ‘Big six’ រួមមាន Manchester United, Liverpool, Arsenal, Chelsea និង Tottenham។
វានឹងមិនមានការអាណិតអាសូរច្រើនសម្រាប់ Man City ដែលបានឈ្នះ Premier League ៦ ដង ក្នុងរយៈពេល ១១ ឆ្នាំចុងក្រោយនេះ ប្រសិនបើពួកគេត្រូវបានរកឃើញថាមានកំហុស។
ក្លិប Premier League មិនចង់ចូលរួមក្នុងដំណើរការនេះទេ ដែលស្ថិតនៅក្នុងដៃរបស់គណៈកម្មការឯករាជ្យ។
មេធាវីល្បី លោក Lord Pannick KC ត្រូវបានជួលដើម្បីការពារ Man City ម្តងទៀត នេះបើយោងតាមទស្សនាវដ្ដី The Lawyer – ទស្សនាវដ្ដីអនឡាញស្ដីពីវិស័យច្បាប់សកល។
លោកក៏បានការពារពួកគេនៅក្នុងបណ្ដឹងឧទ្ធរណ៍ទាក់ទងជាមួយនឹង UEFA FFP នៅឯតុលាការអាជ្ញាកណ្ដាលសម្រាប់កីឡា កាលពីឆ្នាំ ២០២០ ផងដែរ។
របាយការណ៍នេះបានអះអាងថា Pannick គិតថ្លៃរហូតដល់ ៨០,០០០ ផោន ក្នុងមួយថ្ងៃ សម្រាប់សេវាកម្មរបស់លោក ដែលប្រហាក់ប្រហែលនឹងកីឡាករមានប្រាក់ខែច្រើនជាងគេរបស់ City គឺ Kevin De Bruyne។
ថ្មីៗនេះ Pannick បានផ្តល់ដំបូន្មានដល់លោក Boris Johnson ជុំវិញការស៊ើបអង្កេតរបស់ Partygate និងបានធ្វើសកម្មភាពប្រឆាំងនឹងរដ្ឋាភិបាលនៅក្នុងតុលាការកំពូលជុំវិញការបន្តដំណើរការសភានៅឆ្នាំ ២០១៩៕
ប្រភព ៖ Skysport.com
អត្ថបទ ៖ មន្នីរ័ត្ន
-
ព័ត៌មានអន្ដរជាតិ១ សប្តាហ៍ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
កីឡា១ សប្តាហ៍ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
សេដ្ឋកិច្ច២ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ៧ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានជាតិ៦ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ២ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ១ សប្តាហ៍ agoចាប់ពីពេលនេះពលរដ្ឋដែលត្រូវធ្វើ ឬបន្តអត្តសញ្ញាណបណ្ណមិនចាំបាច់ត្រលប់ទីលំនៅឋានដើមឡើយ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ គំរាម «ផ្តល់មេរៀន» ដល់អ៊ីស្រាអែល បើហ៊ានប៉ះ មេដឹកនាំកំពូល របស់ខ្លួន