កីឡា
ចំណាយពេល ៤០៤ ថ្ងៃ ទីបំផុត ចាន់ វឌ្ឍនាកា ត្រលប់មកជាន់ទីលានវិញជាផ្លូវការ
ខ្សែប្រយុទ្ធដ៏មានប្រជាប្រិយភាពកម្ពុជា កីឡាករ ចាន់ វឌ្ឍនាកា បានវិលត្រលប់មកបង្ហាញខ្លួននៅលើទីលានសាជាថ្មីវិញហើយ បន្ទាប់ពីអវត្តមានជាង ១ ឆ្នាំ ដោយសារបញ្ហារបួស។
ការវិលត្រលប់មកវិញរបស់ ចាន់ វឌ្ឍនាកា គឺនៅក្នុងការប្រកួតផ្លូវការ នៃពានរង្វាន់ខេមបូឌានលីគខាប់ (Cambodian League Cup) ឆ្នាំ ២០២៣ ជំនួបរវាងបឹងកេត ទល់នឹង សមាគមកីឡាបាល់ទាត់កងយោធពលខេមរភូមិន្ទ ឬ ទ័ព លើទឹកដី នៃកីឡដ្ឋានខេមបូឌានអែវ៉េ កាលពីរសៀលថ្ងៃទី ០៥ ខែមីនា ឆ្នាំ ២០២៣។
វឌ្ឍនាកា បានចូលប្រកួតវិញនាមជាកីឡាករផ្លាស់ប្ដូរចូល នៅនាទី ៦២ ជំនួសកីឡាករ សាន គីមហេង ពេលដែលក្លិបកំពុងត្រូវបាន ទ័ព នាំមុខ ២-៣។ ក្នុងរយៈពេលជាង ៣០ នាទី ដែលបង្ហាញខ្លួនជាមួយក្រុមសម្បូរទៅដោយកីឡាករយុវជន វឌ្ឍនាកា បាននាំក្រុមត្រលប់មកវាយបកយកឈ្នះវិញ ជាពិសេសគ្រាប់បាល់ចុងម៉ោងគេបញ្ជូនដោយផ្ទាល់ចេញពីបាល់ជ្រុង ជួយឲ្យយកឈ្នះ ៤-៣។
ការត្រលប់មកបង្ហាញខ្លួនវិញនេះ ធ្វើឲ្យ ចាន់ វឌ្ឍនាកា បានជាន់ទីលានជាថ្មីបន្ទាប់ពីអាក់ខានប្រកួត គិតជាថ្ងៃស្មើនឹង ៤០៤ ថ្ងៃ ឬ ១ ឆ្នាំ ១ ខែ និង ៨ ថ្ងៃ។
ក្រោយបានបង្ហាញខ្លួន វឌ្ឍនាកា បានសរសេរនៅលើហ្វេសប៊ុកផ្លូវការរបស់ខ្លួនថា ៖ «មិនមែនជាពេលវេលាល្អឥតខ្ចោះ ប៉ុន្តែជាពេលចាប់ផ្ដើម និងជាពេលវេលាជួយដាស់តឿនក្រុម អរគុណគ្រប់គ្នាសម្រាប់ថ្ងៃនេះ»។ តាមរយៈការបង្ហោះនេះ អ្នកគាំទ្រជាច្រើន ក៏បានចូលទៅសម្ដែងការស្វាគមន៍ការវិលត្រលប់មកវិញផងដែរ។
សូមរំលឹកថា ចាន់ វឌ្ឍនាកា បានរងរបួសនៅក្នុងជំនួបជាមួយវិសាខា ក្នុងពានរង្វាន់ Prince Beer Pre-season Cup នាថ្ងៃទី ២៦ ខែមករា ឆ្នាំ ២០២២ នៅកីឡដ្ឋានព្រីនស៍ និងត្រូវបានដឹងថា ជារបួសធ្ងន់បំផុត ដែលគេហៅថា ACL ពោលគឺដាច់សរសៃជង្គង់ខាងស្ដាំ។
រយៈពេលនោះវាបានធ្វើឲ្យ ចាន់ វឌ្ឍនាកា អវត្តមានពីទីលានគ្រប់ការប្រកួតទាំងអស់រយៈពេលមួយរដូវកាលពេញ ទាំងក្លិប ក៏ដូចជាជម្រើសជាតិ៕
អត្ថបទ ៖ មន្នីរ័ត្ន
-
ព័ត៌មានអន្ដរជាតិ១៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ