កីឡា

Neymar នឹងត្រូវអវត្តមានពេញមួយរដូវកាល ក្រោយលទ្ធផលរបួសកជើងតម្រូវឲ្យវះកាត់

បានផុស

៣ years មុន

នៅ

ថ្ងៃអង្គារ ៧ មីនា ២០២៣

ដោយ

អ៊ិន ពិសី

ខ្សែប្រយុទ្ធ Neymar របស់ក្លិប Paris St-Germain នឹងត្រូវអវត្តមានក្នុងរដូវកាលដែលសេសសល់នេះ ខណៈរូបគេត្រូវការវះកាត់របួសកជើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្សែប្រយុទ្ធប្រេស៊ីលរូបនេះ ត្រូវបានរបួសកជើងខាងស្ដាំអំឡុងពេល PSG ទទួលជ័យជម្នះ ៤-៣ លើក្រុម Lille ក្នុងដី កាលពីថ្ងៃទី ១៩ ខែកុម្ភៈ កន្លងទៅ។

PSG បានប្រកាសថា កីឡាករវ័យ ៣១ ឆ្នាំរូបនេះ បានទទួលរងនូវ “ករណី នៃអស្ថិរភាពនៅក្នុងកជើងខាងស្ដាំរបស់គេ”ក្នុងរយៈពេលប៉ុន្មានឆ្នាំថ្មីៗនេះ ហើយការវះកាត់គឺចាំបាច់ដើម្បី”ជៀសវាងហានិភ័យធំ នៃការកើតឡើងវិញ”។ ក្លិបបានបន្ថែមថា វានឹងមានរយៈពេល ៣ ទៅ ៤ ខែ មុនពេលគេអាចបន្តការហ្វឹកហាត់បាន។ Neymar បានជួបបញ្ហារបួសជើងស្ដាំជាច្រើនក្នុងរយៈពេលប៉ុន្មានឆ្នាំកន្លងមកនេះ។

គេបានខកខានការប្រកួត ២ លើករបស់ប្រេស៊ីលនៅ World Cup 2022 បន្ទាប់ពីបានរងរបួសក្នុងការប្រកួតបើកឆាកក្នុងពូលរបស់ពួកគេជាមួយស៊ែប៊ី។

អតីតកីឡាករ Barcelona រូបនេះ ក៏បានខកខានការប្រកួត Copa America ឆ្នាំ ២០១៩ ផងដែរ បន្ទាប់ពីរងរបួសសរសៃចងនៅកជើងខាងស្ដាំ ហើយត្រូវអវត្តមានជាច្រើនសប្ដាហ៍ក្នុងឆ្នាំ ២០២១ ជាមួយនឹងរបួសស្រដៀងគ្នា។

គេបានស៊ុតបាល់បញ្ចូលទី ១៣ គ្រាប់ នៅ Ligue 1 និងបានរួមចំណែកបញ្ជូនបាល់ ១០ ដង ផ្សេងទៀត សម្រាប់ PSG នៅរដូវកាលនេះ។

ក្រុមរបស់លោក Christophe Galtier មាន ៨ ពិន្ទុដាច់នៅលើកំពូលតារាង ខណៈពួកគេស្វែងរកជើងឯកក្របខ័ណ្ឌកំពូលបារាំង ជាលើកទី ១១។

ពួកគេត្រូវប្រកួតជាមួយក្រុមអាល្លឺម៉ង់ Bayern Munich ក្នុងការប្រកួត Champions League វគ្គ ១៦ ក្រុមចុងក្រោយ ជើងទី ២ នៅថ្ងៃពុធ ដោយសម្លឹងមើលការយកឈ្នះត្រលប់មកវិញលើការចាញ់ ១-០ ពីការប្រកួតជើងទី ១។

ការប្រកួតលីគចុងក្រោយ នៃរដូវកាលរបស់ពួកគេគឺទល់នឹង Clermont នៅថ្ងៃទី ០៣ ខែមិថុនា ជាមួយនឹងការប្រកួតវគ្គផ្ដាច់ព្រ័ត្រ Champions League ដែលគ្រោងនឹងធ្វើឡើងនៅថ្ងៃទី ១០ ខែមិថុនា៕

ប្រភព ៖ BBC

អត្ថបទ ៖ មន្នីរ័ត្ន