Connect with us

កីឡា

ថៃ​ដាក់​​អត្តពលិក និង​មន្ត្រី​ច្រើន​ជាង​គេ​ប្រកួត​អាស៊ាន​ប៉ារ៉ាហ្គេម​នៅ​កម្ពុជា

បានផុស

នៅ

ប្រទេស​ថៃ​​បាន​ចុះ​ឈ្មោះ​ប្រតិភូ​កីឡា​របស់​ខ្លួន​ច្រើន​ជាង​គេ​ក្នុង​ចំណោម​ប្រទេស​អាស៊ាន​ទាំង​១១​សម្រាប់​ការ​ប្រកួត​កីឡា​​អាស៊ាន​ប៉ារ៉ាហ្គេម លើក​ទី​១២ ចាប់​ពី​​ថ្ងៃ​ទី​៣ ដល់​ទី​​៩ ខែ​មិថុនា ឆ្នាំ​២០២៣ នៅ​ប្រទេស​កម្ពុជា។

តាម​បញ្ជី​ផ្លូវ​ការ​របស់​លោក យី វាសនា អគ្គលេខាធិការ​គណៈកម្មាធិការ​ជាតិ​ប៉ារ៉ាឡាំពិក​កម្ពុជា និង​ជា​អគ្គលេខាធិការ​រង​គណៈកម្មាធិការ​ជាតិ​រៀបចំ​ការ​ប្រកួត​កីឡា​អាស៊ាន​ប៉ារ៉ាហ្គេម លើក​ទី​១២ (CAMAPGOC) ឃើញ​ថា ប្រទេស​ថៃ​បាន​ចុះ​ឈ្មោះ​អត្តពលិក និង​មន្ត្រី​បច្ចេកទេស​​ច្រើន​ជាង​គេ​ដើម្បី​ចូល​រួម​ប្រកួត​អាស៊ាន​ប៉ារ៉ាហ្គេម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថៃ​បាន​ចុះ​ឈ្មោះ​​អត្តពលិក​ជន​មានពិការភាព​ចំនួន​៣០៤​នាក់ និង​មន្ត្រី​បច្ចេកទេស​ចំនួន​៣២៥​នាក់ សរុបប្រតិភូ​កីឡា​ជន​ពិការ​របស់​ថៃ​គឺ ៦២៩​នាក់។ បន្ទាប់​មក ​ឥណ្ឌូណេស៊ី​បាន​ចុះ​ឈ្មោះ​អត្តពលិក​ជន​​​​២៧៥​នាក់ និង​មន្ត្រី​បច្ចេកទេស​៣០៥​នាក់ សរុប​៥៨០​នាក់។

ចំណែក​ម្ចាស់​ផ្ទះ​កម្ពុជា​បាន​ដាក់​អត្តពលិក​​២៥២​នាក់ និង​មន្ត្រី​បច្ចេកទេស​៩១​នាក់ ​សរុប​៣៤៣​នាក់។ ប្រទេស​ដែល​បាន​ចុះ​ឈ្មោះ​អត្តពលិក និង​មន្ត្រី​បច្ចេកទេស​​ចាប់​ពី​២០០​នាក់​ឡើង​មាន​ ម៉ាឡេស៊ី និង​ហ្វីលីពីន ខណៈ​ប្រទេស​ផ្សេង​ៗ​ទៀត​​ក្រោម​២០០​នាក់។

អត្តពលិក​ និង​មន្ត្រីបច្ចេកទេស ទាំង​១១​ប្រទេស

  • ព្រុយណេ ដាក់​អត្តពលិក​ ​២០​​នាក់ និង​មន្ត្រី​ ១២​នាក់ សរុប​៣២​​នាក់
  • កម្ពុជា ដាក់​អត្តពលិក ២៥២​នាក់ និង​មន្ត្រី​ ៩១​នាក់ សរុប៣៤៣​នាក់
  • ឥណ្ឌូណេស៊ី ដាក់​អត្តពលិក​ ២៧៥​នាក់ និង​មន្ត្រី​ ៣០៥​នាក់ សរុប៥៨០​នាក់
  • ឡាវ ដាក់​អត្តពលិក​ ៤៣​នាក់ និង​មន្ត្រី ​​៤៦​នាក់ សរុប​​៨៩​នាក់
  • ម៉ាឡេស៊ី ដាក់​អត្តពលិក ១៣៣​នាក់ និង​មន្ត្រី​ ១៥៧​នាក់ សរុប២៩០​នាក់
  • មីយ៉ាន់ម៉ា ដាក់​អត្តពលិក ៨៣​នាក់ និង​មន្ត្រី​ ៤៨​នាក់ សរុប១៣១​នាក់
  • ហ្វីលីពីន ដាក់​​អត្តពលិក ១៧៦​នាក់ និង​មន្ត្រី​ ៩៦​នាក់ សរុប​២៧២​នាក់
  • សិង្ហបុរី ដាក់​អត្តពលិក​ ២៣​នាក់ និង​មន្ត្រី ​១០៥​នាក់ សរុប១៣១​នាក់
  • ថៃ ដាក់​អត្តពលិក ៣០៤​​នាក់ និង​មន្ត្រី​ ៣២៥​នាក់ សរុប៦២៩​នាក់
  • ទីម័រ​ខាង​កើត ដាក់​អត្តពលិក​ ១៣​នាក់ និង​មន្ត្រី ១៨​នាក់ សរុប​៣១​នាក់
  • វៀតណាម ដាក់​អត្តពលិក ​១២៨​នាក់ និង​មន្ត្រី​ ៣៦​នាក់ សរុប​​១៦៤​នាក់

សរុប​​អត្តពលិក និង​មន្ត្រី​​ដែល​ចូល​រួម​ប្រកួត​អាស៊ាន​ប៉ារ៉ាហ្គេម លើក​ទី​១២ មាន​ចំនួន​២៦៩២​នាក់។

សូម​បញ្ជាក់​ថា កីឡា​អាស៊ាន​ប៉ារ៉ាហ្គេម លើក​ទី​១២ មាន​១៣​ប្រភេទ​កីឡា និង​១​ប្រភេទ​ទៀត​ជា​កីឡា​ប្រកួត​សម្តែង​មាន​ដូច​ជា អត្តពលកម្ម ហែល​ទឹក បាល់បោះ​ជិះរទេះ បាល់ទះ​អង្គុយ វាយកូនឃ្លី​លើ​តុ វាយសី បាល់ទាត់​ជន​ពិការ​ភ្នែក បាល់បោះ​ជន​ពិការ​ភ្នែក ​បាល់ទាត់​ចលនា​ខួរ​ក្បាល​ ​លើក​ទម្ងន់​ យូដូ​  ​ប៊ូស្យា​ ​អុក និងកីឡា​អេឡិចត្រូនិក​ជា​ប្រភេទ​កីឡា​ប្រកួត​សម្តែង៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

អភិបាលខេត្តកំពង់ចាម ស្នើក្រុមហ៊ុនសាងសង់ប្រព័ន្ធលូ បញ្ចៀសផលប៉ះពាល់ និងស្ថាបនាផ្លូវឡើងវិញឱ្យបានស្អាត 

ព័ត៌មានអន្ដរជាតិ២ ម៉ោង មុន

ក្រុមហ៊ុន Xiaomi លក់រថយន្តអគ្គិសនីចំនួន ៥ម៉ឺនគ្រឿងក្នុងរយៈពេលតិចជាងកន្លះម៉ោង

ព័ត៌មានជាតិ២ ម៉ោង មុន

សាលាបឋមសិក្សាមុខនាគ ខេត្តសៀមរាប ប្រារព្ធទិវាអប់រំកាយ និងកីឡា ដើម្បីលើកកម្ពស់សុខភាព និងសមត្ថភាពរបស់សិស្ស

ចរាចរណ៍៥ ម៉ោង មុន

Update៖ ករណីគ្រោះថ្នាក់រថភ្លើងបុករថយន្ដដឹកអ្នកដំណើររបួសសរុប៤៦នាក់ ក្នុងនោះមានតៃកុងរថភ្លើងម្នាក់

ព័ត៌មានអន្ដរជាតិ៥ ម៉ោង មុន

កាណាដា ប្ដឹងក្រុមហ៊ុន Meta, Snapchat និង TikTok ពីបទរំខានការ​សិក្សារបស់សិស្ស

Sokha Hotels

ព័ត៌មានពេញនិយម