ហែលទឹកវៀតណាម មិន​ផ្តោត​ខ្លាំងលើមេដាយមាស ក្នុងអាស៊ានប៉ារ៉ាហ្គេមនៅកម្ពុជា

ក្រុមកីឡាហែលទឹកជនពិការវៀតណាម គ្រោងនឹងចាកចេញមកកម្ពុជា ដើម្បីចូលរួមព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ ដែលនឹងប្រព្រឹត្តទៅចាប់ពីថ្ងៃទី៣-៩ ខែមិថុនា ឆ្នាំ២០២៣ ដោយស្មារតីមិនឱ្យ​អត្តពលិក​ផ្តោតខ្លាំងពេកលើគោលដៅមាសនោះឡើយ។

ព្រឹត្តិការណ៍កីឡាអាស៊ានប៉ារ៉ាហ្គេម លើកទី១២ ដែលប្រព្រឹត្តទៅនៅកម្ពុជាភ្លាមៗ បន្ទាប់ពីបញ្ចប់ស៊ីហ្គេម​កាល​ពី​ពេល​ថ្មី​ៗ​នេះ។ លើកទីមួយ កម្ពុជាបានបន្តអនុវត្តគោលការណ៍​នយោបាយ ដោយមិនគិតថ្លៃ អាហារ ការស្នាក់នៅ ការដឹកជញ្ជូនក្នុងស្រុក​សម្រាប់សមាជិកគណៈប្រតិភូដែលចូលរួម រួម​ទាំង​សំបុត្រ​ចូល​ទស្សនា និង​សិទ្ធិផ្សព្វផ្សាយ។

កីឡាអាស៊ានប៉ារ៉ាហ្គេម លើកទី១២ មាន១៣ប្រភេទកីឡា ដែលក្នុងនោះប្រតិភូវៀតណាម បានចូលរួម ៨កីឡា រួមមាន អត្តពលកម្ម ហែលទឹក អុក យូដូ វាយសី វាយកូនឃ្លីលើតុ លើកទម្ងន់ និងប៊ូស្យា។

ប្រតិភូកីឡាជនពិការវៀតណាម បានចូលរួមការប្រកួតឆ្នាំនេះដោយមានសមាជិកចំនួន ១៦៤នាក់ ក្នុងនោះមានអត្តពលិកចំនួន ១២២នាក់។ អត្តពលកម្ម និងហែលទឹក គឺជាក្រុមពីរដែលមានសមាជិកច្រើនជាងគេ ដែលក្រុមនីមួយៗមានអត្តពលិក៣១នាក់។

តាមការគ្រោងទុក នៅថ្ងៃទី៣១ ខែឧសភា ឆ្នាំ២០២៣ ក្រុម​វៀតណាម​នឹងហោះមកកម្ពុជាដើម្បីត្រៀមប្រកួត។ កីឡាអាស៊ានប៉ារ៉ាហ្គេម លើកមុន ក្រុមហែលទឹកដណ្តើមបានមេដាយមាស ចំនួន ២៧គ្រឿង ដែលត្រូវបានកំណត់គោលដៅទ្វេដង ប៉ុន្តែក្នុងឆ្នាំនេះ ក្រុមគ្រូបង្វឹកមិនបានផ្តោតសំខាន់លើសមិទ្ធផលប៉ុន្មានទេ។ យ៉ាងណាក៏ដោយ អត្តពលិក​នៅតែខិតខំប្រឹងប្រែងឲ្យអស់ពីសមត្ថភាពយ៉ាងហោចណាស់ក៏មានសមិទ្ធផលដូចការប្រកួតលើកទី១១ ដែរ៕

ប្រែសម្រួល៖ មន្នីរ័ត្ន
ប្រភព៖ webthethao.vn