កីឡា

ម៉ោង១ថ្ងៃនេះ ក្រុមបាល់បោះរទេះនារីកម្ពុជាប៉ះថៃ ដណ្តើមមេដាយមាស

បានផុស

៣ years មុន

នៅ

ថ្ងៃពុធ ៧ មិថុនា ២០២៣

ដោយ

ក្រុមកីឡាការិនីបាល់បោះរទេះពិការកម្ពុជានឹងប្រកួតជាមួយក្រុមនារីថៃ សម្រាប់វិញ្ញាសា៥ទល់៥ វគ្គផ្តាច់ព្រ័ត្រដណ្តើមមេដាយមាស វេលាម៉ោ១ថ្ងៃនេះនៅសាលដំរីទី២ក្នុងពហុកីឡដ្ឋានជាតិមរតកតេជោនៃព្រឹត្តិការណ៍កីឡាស៊ីហ្គេម លើកទី១២ ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនឡើងមកដល់វគ្គផ្ដាច់ព័្រត្រនេះ ក្រុមនារីកម្ពុជាបានចាញ់ថៃម្តងហើយក្នុងវគ្គវិលជុំសន្សំពិន្ទុ ហើយការជួបគ្នាវគ្គផ្តាច់ព្រ័ត្រនេះជាឱកាសដែលម្ចាស់ផ្ទះកម្ពុជាត្រូវសងសឹក និងប្រជែងមេដាយមាសថែមទៀត។

វគ្គវិលជុំសន្សំពិន្ទុ៣ប្រកួត ក្រុមនារីកម្ពុជាបានប្រកួតឈ្នះ២ និងចាញ់១ ក្នុងនោះឈ្នះក្រុមនារីឡាវ ៤៨-២៨, ឈ្នះក្រុមនារីហ្វីលីពីន ៤០-២៥ និងចាញ់ក្រុមនារីថៃ ៤៩-៣២។ ចំណែកក្រុមនារីថៃឈ្នះទាំង៣ប្រកួតពោលគឺមិនធ្លាប់ចាញ់សោះនៅវគ្គសន្សំពិន្ទុ។ ក្នុងនោះក្រុមនារីថៃឈ្នះកម្ពុជា៣២-៤៩, ឈ្នះហ្វីលីពីន ៦៥-២៥ និងឈ្នះឡាវ ៧២-២៤។

ក្នុងវគ្គសន្សំពិន្ទុកន្លងទៅមានតែក្រុមនារីកម្ពុជាតែមួយគត់អាចស៊ុតចូលថៃដល់៣២គ្រាប់ ខណៈក្រុមនារីឡាវ និងហ្វីលីពីនស៊ុតចូលថៃបានត្រឹម២៥គ្រាប់ចុះក្រោមប៉ុណ្ណោះ។

នេះជាការជួបគ្នាវគ្គផ្តាច់ព្រ័ត្រលើកទី២សម្រាប់វិញ្ញាសា៥ទល់៥រវាងក្រុមបាល់បោះរទេះនារីកម្ពុជា និងថៃ បន្ទាប់ពីជួបគ្នាវគ្គផ្តាច់ព្រ័ត្រលើកទី១កាលអាស៊ានប៉ារ៉ាហ្គេម លើកទី១១ ឆ្នាំ២០២២ នៅប្រទេសឥណ្ឌូណេស៊ី គឺថៃបានឈ្នះកម្ពុជា៥០-៣៩។

អ្វីគួរឲ្យកត់សំគាល់ក្នុងអាស៊ានប៉ារ៉ាហ្គេម លើកទី១២ ឆ្នាំ២០២៣នេះ ក្រុមបាល់បោះរទេះនារីកម្ពុជាបានឈ្នះថៃនៅវគ្គផ្តាច់ព្រ័ត្រដណ្តើមបានមេដាយមាសលើវិញ្ញាសា៣ទល់៣ ហើយពេលនេះជួបគ្នាវគ្គផ្តាច់ព្រ័ត្រទៀតសម្រាប់វិញ្ញាសា៥ទល់៥។

នៅថ្ងៃនេះផងដែរ ក្រុមនារីឡាវប្រកួតជាមួយនារីហ្វីលីពីនដើម្បីដណ្តើមមេដាយសំរិទ្ធ។

លទ្ធផលការប្រកួតវគ្គសន្សំពិន្ទុ៖