កីឡា

អ្នកឧកញ៉ា ឡេង ណាវ៉ាត្រា ជួយក្លិបអេភូថងកីឡាជារឿងល្អសម្រាប់គុនខ្មែរ

បានផុស

៩ ខែ មុន

នៅ

ថ្ងៃពុធ ២៨ មិថុនា ២០២៣

ដោយ

បន្ទាប់ពីជួបការលំបាកខ្លាំង ក្លិបប្រដាល់ អេភូថងគុនខ្មែរ ទទួលបានការជួយ និងរក្សាក្លិបឲ្យគង់វង់បន្តទៅមុខទៀតដែលនេះជាសញ្ញាល្អសម្រាប់ការពង្រឹងវិស័យកីឡាប្រដាល់នៅក្នុងប្រទេសកម្ពុជា ក៏ដូចជាពង្រីកសក្តានុពលលើឆាកអន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អតីតអ្នកប្រដាល់ឆ្នើម អេ ភូថង ដែលគ្រប់គ្រង និងដំណើរការក្លិបប្រដាល់ អេភូថង គុនខ្មែរ ដោយខ្លួនឯងតាំងពីដៃទទេរហូតក្លាយជាក្លិបមួយធំមានកូនសិស្សឆ្នើមៗច្រើន ប៉ុន្តែមួយរយៈពេលចុងក្រោយ លោកជួបការលំបាកច្រើនទាំងហិរញ្ញវត្ថុ ការរក្សាកីឡាករឲ្យស្ថិតនៅ ហើយលោកមានសុខភាពមិនសូវល្អប្រសើរថែមទៀត។ ចុងក្រោយមានដំណឹងថា លោកចង់លក់ក្លិបឲ្យទៅអ្នកដទៃ។

ប៉ុន្តែការប្រឹងប្រែងតស៊ូលះបង់ដើម្បីគុនខ្មែរស្ទើរមួយជីវិតទៅហើយនោះ លោក អេ ភូថង មិនត្រូវបានគេមើលរំលងឡើយ។ ពេលនេះក្លិបប្រដាល់របស់លោកទទួលបានការឧបត្ថម្ភគាំទ្រ និងទំនុកបម្រុងទាំងស្រុងឲ្យដំណើរការក្លិបបន្តទៅមុនខទៀត ហើយរឹតតែប្រសើរជាងមុន។

អ្នកឧកញ៉ា ឡេង ណាវ៉ាត្រា ម្ចាស់ក្រុមហ៊ុន ហ្គាឡាក់ស៊ី ណាវ៉ាត្រា បានសម្រេចទទួលយកក្លិបរបស់លោក អេ ភូថង ដោយរក្សាឈ្មោះដដែលគឺ «ហ្គាឡាក់ស៊ី ណាវ៉ាត្រា អេភូថងក្លិប»។

តាមរយៈការទ្រទ្រង់ទាំងស្រុងពីអ្នកឧកញ៉ានេះ កូនសិស្ស និងអ្នកដែលមានបំណងចូលហ្វឹកហាត់ក្លាយជាកីឡាករអាជីពនឹងទទួលបានអាហារូបករណ៍ដោយមិនបាច់បង់ថ្លៃហ្វឹកហាត់ មានកន្លែងស្នាក់នៅ និងអាហារថែមទៀត ប៉ុន្តែត្រូវមានលក្ខណៈសម្បត្តិគ្រប់គ្រាន់ទើបលោកគ្រូ អេ ភូថង ទទួល៕

អត្ថបទ៖ វីរបុត្រ