ឆាយនីសតៃប៉ិ បដិសេធចូលរួមប្រកួតបាល់បោះវគ្គជម្រុះអូឡាំពិក២០២៤បារម្ភពីសុវត្ថភាព

សមាគមកីឡាបាល់បោះឆាយនីសតៃប៉ិ បដិសេធចូលរួមក្នុងការប្រកួតកីឡាបាល់បោះ ជម្រុះកីឡាអូឡាំពិក ទីក្រុងបារីស ឆ្នាំ២០២៤ (Olympic Pre-Qualifying Tournament) នៅប្រទេសស៊ីរី ដោយសារបារម្ភ​ពីសុវត្ថភាព។

ការប្រកួតបាល់បោះ​​បុរស នឹងប្រព្រឹត្តទៅនៅទីក្រុង Damascus ចាប់ពីថ្ងៃទី១២ ដល់ថ្ងៃទី២០ ខែសីហា ប៉ុន្តែភាពស្មុគស្មាញនៃការធ្វើដំណើរក្នុង​ពេលសង្រ្គាមស៊ីវិលនៅ​ស៊ីរីដែលកំពុងបន្តកើត​មាន។

ក្រុមបាល់បោះបុរសឆាយនីសតៃប៉ិ ធ្លាប់បានចូលរួមប្រកួតក្នុងព្រឹត្តិការណ៍អូឡាំពិកត្រឹមតែ៣ដងប៉ុណ្ណោះ គឺនៅទីក្រុងប៊ែកឡាំង ឆ្នាំ១៩៣៤, ទីក្រុងឡុងដ៍ ឆ្នាំ១៩៤៨ និងទីក្រុងមែលប៊ន ឆ្នាំ១៩៥៦។ លទ្ធផលចុងក្រោយបានបញ្ចប់ក្នុងចំណាត់ថ្នាក់លេខ១១។

ទោះជាយ៉ាងនេះក្តី ពួកគេធ្វើបានល្អក្នុងការប្រកួតជើងឯកអាស៊ី ដោយឈ្នះមេដាយប្រាក់ក្នុងឆ្នាំ១៩៦០ និង១៩៦៣ មុនពេលមេដាយសំរឹទ្ធ បន្ទាប់នៅឆ្នាំ១៩៧៣ និង១៩៨៩។

បើគ្មានអ្វីប្រែប្រួល ការប្រកួតកីឡាបាល់បោះជម្រុះអូឡាំពិក ទីក្រុងបារីស​ ឆ្នាំ២០២៤ ប្រចាំទ្វីបអាស៊ីមាន ឥណ្ឌូណេស៊ី បារ៉ែន កាហ្សាក់ស្ថាន អារ៉ាប៊ីសាអ៊ូឌីត និងឥណ្ឌា គ្រោងនឹងប្រកួតប្រជែងជាមួយម្ចាស់ផ្ទះស៊ីរី។

ព្រឹត្តិការណ៍នេះគឺជា​ការ​ប្រកួត​មួយ​ក្នុងចំណោមការប្រកួតជម្រុះមុនអូឡាំពិកចំនួន៥ទ្វីប​ផ្នែក​បុរសនៅទីក្រុងប៉ារីស ឆ្នាំ២០២៤។

អាហ្សង់ទីន នីហ្សេរីយ៉ា និងតួកគី គឺជាម្ចាស់ផ្ទះដែលត្រូវបានបញ្ជាក់ផ្សេងទៀតសម្រាប់ទ្វីបរបស់ពួកគេ ខណៈប៉ូឡូញ និងអេស្តូនី ត្រូវស្វាគមន៍ក្រុមអឺរ៉ុប។

ភាពចលាចលនៅក្នុងប្រទេសស៊ីរី បានចាប់ផ្តើមនៅក្នុងខែមីនា ឆ្នាំ២០១១ ដោយសារការមិនសប្បាយចិត្តជាមួយរដ្ឋាភិបាលរបស់ប្រទេសនេះ។ នៅទីបំផុតបានកើនឡើងដល់ជម្លោះប្រដាប់អាវុធ បន្ទាប់ពីបាតុកម្មប្រឆាំងប្រធានាធិបតី Bashar al-Assad ត្រូវបានបង្ក្រាបដោយហិង្សា៕

ប្រែសម្រួល៖ មន្នីរ័ត្ន