កីឡា
ចំបាប់ជាកីឡាមានសក្តានុពល និងជាក្តីរំពឹងថានឹងឈ្នះមេដាយនៅ SEAGAMESឆ្នាំ២០២៣
លោក ខេស៊ី បាណេត អនុប្រធានសហព័ន្ធកីឡាចំបាប់កម្ពុជា បានលើកឡើងថា ចំបាប់ជាប្រភេទកីឡាដែលមានសក្តានុពល និងជាក្តីរំពឹងថានឹងឈ្នះមេដាយផងដែរនៅ SEA GAMES លើកទី៣២ឆ្នាំ២០២៣ ដែលកម្ពុជាទទួលរៀបចំធ្វើម្ចាស់ផ្ទះនោះ ។
តាមរយៈការរំលេចនូវកីឡាករ កីឡាការិនីឆ្នើមៗ នៅក្នុងការប្រកួតជើងឯកថ្នាក់ជាតិឆ្នាំ២០២០ដែលទើបបញ្ចប់កាលពីចុងសប្តាហ៍កន្លងទៅនេះ អនុប្រធានសហព័ន្ធកីឡាចំបាប់កម្ពុជា បានបង្ហាញនូវជំនឿទុកចិត្តខ្ពស់ ចំពោះលទ្ធផលដ៏ល្អនេះ។ ទន្ទឹមនឹងលទ្ធផលនេះ វាជាការបង្ហាញសញ្ញានៃការចាប់ផ្តើមឆ្ពោះទៅទទួលធ្វើម្ចាស់ផ្ទះSEA GAMES លើកទី៣២ ឆ្នាំ២០២៣ ជាមួយនឹងក្តីរំពឹងថានឹងឈ្នះមេដាយផងដែរ។
លោកអនុប្រធានបន្តថា ដូច្នេះហើយយើងត្រូវត្រៀមខ្លួនបន្តការហ្វឹកហាត់ ដើម្បីនាំយកនូវមោទនភាពជាតិពីការប្រកួតនេះ ក៏ដូចជាឲ្យអន្តរជាតិបានស្គាល់ចំបាប់កម្ពុជាដូចគ្នាផងដែរ។
តែយ៉ាងណាលោកក៏មិនភ្លេចពីការចូលរួមថែរក្សាវប្បធម៌ខ្មែរយើងផងដែរ ដោយសារប្រភេទកីឡាចំបាប់កម្ពុជាគឺមានវិញ្ញាសាចំបាប់អន្តរជាតិ (សម័យទំនើប) និងវិញ្ញាសាចំបាប់បុរាណ ជាវប្បធម៌ខ្មែរដោយនៅលើប្រាសាទបុរាណរបស់ខ្មែរក៏បានចម្លាក់នូវចំបាប់បុរាណនេះដែរ។
ជាមួយនឹងគោលការណ៍បាញ់ឆ្ពោះ SEA GAMES ឆ្នាំ២០២៣ នៅកម្ពុជា អនុប្រធានសហព័ន្ធកីឡាចំបាប់កម្ពុជារូបនេះ ក៏បានលើកឡើងទាក់ទងនឹងការត្រៀមចូលរួមប្រកួតប្រជែងមេដាយនៅក្នុងព្រឹត្តិការណ៍ SEA GAMES លើកទី៣១ នាខែវិច្ឆិកា ឆ្នាំ២០២១នេះ នៅប្រទេសវៀតណាមដែរ ដោយសហព័ន្ធនឹងរៀបចំខ្លួនឲ្យកាន់តែល្អប្រសើរ តាមរយៈការស្វែងរកបន្ថែមនូវគ្រូបង្វឹកអន្តរជាតិនិងគម្រោងបញ្ជូនកីឡាករ-កីឡាការិនីជម្រើសជាតិ ទៅហ្វឹកហាត់បន្ថែមនៅសាធារណរដ្ឋប្រជាមានិតចិន ដើម្បីបង្កើនគុណភាព បទពិសោធន៍ ក្នុងការហ្វឹកហាត់នៅក្រៅប្រទេសផង និងនាំយកគ្រូបង្វឹកអន្តរជាតិមកបង្ហាត់បង្រៀន កីឡាករ-កីឡាការិនី នៅក្នុងស្រុកផង។
លោកអនុប្រធានចំបាប់បញ្ជាក់ថា សម្រាប់បេក្ខភាព SEA GAMES នៅប្រទេសវៀតណាមគឺការជ្រើសរើសកីឡាករ-កីឡាការិនី ចេញពីការប្រកួតជើងឯកថ្នាក់ជាតិនេះ ហើយគោលការណ៍សំខាន់និងក្រមសីលធម៌ គឺថាអ្នកណាដែលមានជំនាញខ្ពស់ជាងគេ មានសក្តានុពលខ្ពស់ជាងគេនឹងត្រូវជ្រើសរើសចូលរួមប្រកួតប្រជែងមេដាយនៅSEA GAMES ឆ្នាំ២០២១នេះ៕
អត្ថបទ ៖ វិសិទ្ធ
-
ព័ត៌មានជាតិ១៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)