ព្រឹត្តការណ៍ប្រកួតកីឡាចំបាប់ ជើងឯកអាស៊ីអាគ្នេយ៍ ២០២២ ជាការបន្តកសាង ទេពកោស្យរបស់អត្តពលិកម្ពុជា

ការប្រកួតកីឡាចំបាប់ជ្រើសរើសជើងឯកអាស៊ីអាគ្នេយ៍  បានចាប់ផ្តើមជាផ្លូវការហើយ នាព្រឹកថ្ងៃទី១៦ធ្នូឆ្នាំ២០២២នេះ នៅសាលនៃសកលវិទ្យាល័យភូមិន្ទភ្នំពេញ រាជធានីភ្នំពេញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ការប្រកួតថ្ងៃដំបូងនេះ គឺមាន១០ប្រភេទទម្ងន់លើវិញ្ញាសា ក្រិចកូរ៉ូមាំង រួមមាន៖ ទម្ងន់ -55kg, 60kg, 63kg, 67kag, 72kg, 77kg, 82kg, 87kg, 97kg, 130kg។

លោក ខេស៊ី បាណេត អនុប្រធានសហព័ន្ធកីឡាចំបាប់កម្ពុជា បានឲ្យដឹងថា ព្រឹត្តការណ៍ប្រកួតកីឡានេះ មិនត្រឹមតែជាព្រឹត្តការណ៍កីឡាជាតិមួយយ៉ាងសំខាន់ សម្រាប់កម្ពុជាប៉ុណ្ណោះទេ ប៉ុន្តែជាការបន្តកសាង សមត្ថភាព ទេពកោសល្យ និងជំនាញវិជ្ជាជីវៈរបស់កីឡាករ កីឡាការិនីកម្ពុជា  ដើម្បីត្រៀមខ្លួនជាស្រេច សម្រាប់ការប្រកួតកីឡាស៊ីហ្គេម ។

ប្រធានសហព័ន្ធកីឡាចំបាប់អាស៊ីអាគ្នេយ៍រូបនេះ  បញ្ជាក់ថា វិស័យកីឡាដើរតួនាទីយ៉ាងសំខាន់ ក្នុងការកសាង ទំនាក់ទំនង ការពង្រឹងសាមគ្គីភាព នឹងមិត្តភាព ដែលព្រឹត្តការណ៍នេះ រួមចំណែកដល់ការបង្កើនមូលធនសង្គម និងការសម្រេចបានសុខដុមនីយកម្មក្នុងសង្គមជាតិ។

បញ្ជាក់ដែរថា ការប្រកួតកីឡាចំបាប់ជើងឯកអាស៊ីអាគ្នេយ៍ ឆ្នាំ២០២២នេះ កម្ពុជាបានបញ្ចូនអត្តពលិករបស់ខ្លួន ចំនួន២៦នាក់ ប្រកួតប្រជែងជាមួយប្រទេស៦ផ្សេងទៀត ។

សម្រាប់ការប្រកួតនាថ្ងៃទី១៧ ខែធ្នូ ឆ្នាំ២០២២ស្អែកនេះ លើវិញ្ញាសាចំបាប់សេរីនារី (Women Wrestling) ដោយមាន១០ប្រភេទទម្ងន់ WW-50kg, 53kg, 55kg, 57kg, 59kg, 62kg, 65kg, 68kg, 72kg, 76kg៕