កីឡា

ចិនកំពុងឈ្នះមេដាយមាសនាំមុខគូប្រជែងដាច់ឆ្ងាយក្នុងកីឡាអាស៊ី២០២៣

បានផុស

១ ខែ មុន

នៅ

ថ្ងៃចន្ទ ២៥ កញ្ញា ២០២៣

ដោយ

គិតត្រឹមរសៀល ថ្ងៃទី២៥ ខែកញ្ញា ឆ្នាំ២០២៣ ប្រទេសចិនក្នុងនាមជាម្ចាស់ផ្ទះកំពុងឈ្នះមេដាយដាច់ឆ្ងាយលើគូប្រជែងក្នុងព្រឹត្តិការណ៍កីឡាអាស៊ី លើកទី១៩ ឆ្នាំ២០២២ (លើកឆ្នាំ២០២៣)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្តពលិកចិនបានឈ្នះមេដាយសរុប៤៧គ្រឿង ក្នុងនោះ មាស៣០ ប្រាក់១២ និងសំរិទ្ធ៥។ បើគិតពីចំនួនមេដាយមាស ចិនកំពុងរកបានច្រើនជាងដៃប្រជែងដល់ទៅ៦ដងឯណោះ បើប្រៀបធៀបនឹងប្រទេសចំណាត់ថ្នាក់លេខ២ កូរ៉េខាងត្បូង ទើបឈ្នះមេដាយមាស៥ ប្រាក់៧ និងសំរិទ្ធ៦ សរុប១៨គ្រឿង។ ជប៉ុនឈ្នះមេដាយមាស៣គ្រឿង អ៊ូបេគីស្ថាន ឈ្នះមេដាយមាស២គ្រឿង ហុងកុងឈ្នះមេដាយមាស២គ្រឿង ហើយឥណ្ឌា ឆាយនីសតៃប៊ិ និងម៉ាកាវ ឈ្នះមេដាយមាសម្នាក់១គ្រឿងដូចគ្នា។

បើនិយាយពីប្រទេសតំបន់អាស៊ានវិញមាន៥ប្រទេសដែលមានឈ្មោះក្នុងតារាងមេដាយកីឡាអាស៊ី លើកទី១៩ដែរ ក្នុងនោះឥណ្ឌូណេស៊ី ឈ្នះមេដាយប្រាក់១ និងសំរិទ្ធ៣ វៀតណាម ឈ្នះមេដាយសំរិទ្ធ៤ ខណៈ ហ្វីលីពីន សិង្ហបុរី និងថៃ ឈ្នះមេដាយសំរិទ្ធម្នាក់១គ្រឿងដូចគ្នា៕