កីឡា
រុស្ស៊ីមកប្រកួតគុនខ្មែរពិភពលោកខែនេះដើម្បីយកទៅអភិវឌ្ឍគុនខ្មែរនៅរុស្ស៊ី
សហព័ន្ធកីឡាប្រដាល់គុនខ្មែរប្រចាំនៅប្រទេសរុស្ស៊ីបានត្រៀមកីឡាករ និងកីឡាការិនីរបស់ខ្លួនប្រមាណ១៥នាក់ដើម្បីចូលរួមប្រកួតគុនខ្មែរពិភពលោកនៅខេត្តសៀមរាបនាចុងខែវិច្ឆិកា ឆ្នាំ២០២៣ ដើម្បីយកបទពិសោធទៅអភិវឌ្ឍគុនខ្មែរនៅរុស្ស៊ី។
លោក Oleg Kudrinsky ជានាយក និងជាស្ថាបនិកសហព័ន្ធកីឡាប្រដាល់គុនខ្មែរនៅប្រទេសរុស្ស៊ីបានប្រាប់សារព័ត៌មាន«កម្ពុជាថ្មី»ថា សម្រាប់ការត្រៀមចូលរួមប្រកួតគុនខ្មែរពិភពលោកជាលើកដំបូងនេះ សហព័ន្ធគុនខ្មែរនៅប្រទេសរុស្ស៊ីបានរៀបចំការប្រកួតជម្រុះត្រឹមត្រូវមុនពេលជ្រើសរើសបានអត្តពលិកគុនខ្មែរប្រមាណ១៥រូបដែលមានកម្រិតស្ម័គ្រចិត្ត ពាក់កណ្តាលអាជីព និងអាជីព។
លោកបាននិយាយថា ៖«សហព័ន្ធកីឡាគុនខ្មែរប្រចាំប្រទេសរុស្ស៊ីនឹងចូលរួមប្រកួតគុនខ្មែរពិភពលោកជាលើកដំបូង។ យើងបានត្រៀមកីឡាករ កីឡាការិនីប្រមាណ១៥រូប ហើយនឹងប្រកួតលើ៨វិញ្ញាសាផ្សេងគ្នា»។
លោកបានបញ្ជាក់ថា ៖«គោលដៅរបស់យើងគឺចង់ឲ្យកីឡាករ កីឡាការិនី ក៏ដូចជាគ្រូបង្វឹករបស់យើងទទួលបានបទពិសោធដើម្បីយកទៅអភិវឌ្ឍគុនខ្មែរនៅប្រទេសរុស្ស៊ីបន្ថែមទៀត»។
តាមការឲ្យដឹងពីគណៈកម្មាធិការជាតិអូឡាំពិកកម្ពុជាថា នឹងមាន១២ប្រទេសចូលរួមប្រកួតគុនខ្មែរជើងឯកពិភពលោក ដែលនឹងធ្វើនៅតំបន់ប្រាសាទឣង្គរវត្ត ខេត្តសៀមរាប រយៈពេល៣ថ្ងៃគឺថ្ងៃទី២៦-២៧-២៨ ខែវិច្ឆិកា ឆ្នាំ២០២៣។
លោក Oleg Kudrinsky មានបទពិសោធជាច្រើនក្នុងអាជីពប្រដាល់ដែលបានចូលហ្វឹកហាត់ និងប្រឡូកតាំងពីអាយុប្រហែល១៥ឆ្នាំ។ ក្រៅពីជាស្ថាបនិក និងនាយកសហព័ន្ធកីឡាប្រដាល់គុនខ្មែរដែលលោកបានបង្កើតឡើងតាំងពីឆ្នាំ២០១៨ លោកក៏ជានាយកសង្វៀនប្រដាល់អន្តរជាតិ International Fighting Organization ដែលហៅកាត់”ONE X ONE”ត្រូវបានបង្កើតឡើងតាំងពីឆ្នាំ២០០៤។ ជាមួយគ្នានេះ លោកក៏ជាទីប្រឹក្សាកិត្តិយស និងជាស្ថាបនិកម្នាក់ដែលរួមគ្នាបង្កើតសហព័ន្ធកីឡាប្រដាល់មួយថៃនៅប្រទេសរុស្ស៊ីតាំងពីឆ្នាំ១៩៩២៕
អត្ថបទ៖ វីរបុត្រ
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា