នាយករដ្ឋមន្ត្រីជប៉ុន រងការចោទប្រកាន់ផ្ដល់ភាគលាភដល់ IOC ពេលដេញថ្លៃអូឡាំពិកនៅតូក្យូ

នាយករដ្ឋមន្ត្រីជប៉ុន លោក Fumio Kishida ត្រូវបានសមាជិកសភា​​ចោទ​ប្រកាន់​កាលពីថ្ងៃចន្ទ ពី​ការផ្ដល់ភាគលាភ​ឱ្យគណៈកម្មាធិការអូឡាំពិកអន្តរជាតិ (IOC) នៅ​ពេល​ជប៉ុន​ដេញ​ថ្លៃ​ធ្វើ​ម្ចាស់​ផ្ទះ​កីឡាអូឡាំពិក​ទីក្រុងតូក្យូ។

សមាជិកសភាបានសាកសួរអំពីការទទួលយកអភិបាលក្រុង Ishikawa លោក Hiroshi Hase ថា លោកបានផ្តល់ភាគលាភដល់សមាជិក IOC ក្នុងអំឡុងពេលដំណើរការដេញថ្លៃ​ធ្វើ​ម្ចាស់ផ្ទះព្រឹត្តិការណ៍​កីឡា​អូឡាំពិក (Tokyo 2020) ដែលបាន​លើក​ពេល​មក​ធ្វើឡើង​នៅ​ឆ្នាំ២០២១ បន្ទាប់ពីការពន្យារពេលមួយឆ្នាំដោយសារកូវីដ-១៩។

លោក Hase អតីតសមាជិកសភាមកពីគណបក្សប្រជាធិបតេយ្យសេរីដែលកំពុងកាន់អំណាចដែលធ្វើជាប្រធានគណៈកម្មាធិការជំរុញការដេញថ្លៃអូឡាំពិកទីក្រុងតូក្យូ បានបង្ហើបថា លោកបានប្រើ “មូលនិធិសម្ងាត់” ដើម្បីទិញអំណោយ​ដល់​សមាជិក IOC ដូចដែលបានរាយការណ៍ដោយសារព័ត៌មានក្យូដូ ដែលមានមូលដ្ឋាននៅទីក្រុងតូក្យូ។

ជាពិសេស អតីតសមាជិកសភារូបនេះបានពន្យល់ថា លោកបានរកឃើញ​មូលនិធិដើម្បីបង្កើតអាល់ប៊ុមរូបថត ដែលឆ្លុះបញ្ចាំងពីអាជីពប្រកួតប្រជែងរបស់សមាជិក IOC ក្នុងតម្លៃប្រហែល ២០០ពាន់យ៉េន (១,៣៤២ដុល្លារ)។

ប្រសិនបើការចោទប្រកាន់ទាំងនេះត្រូវបានបញ្ជាក់ នោះវានឹងជាការបំពានលើក្រមសីលធម៌របស់ IOC។

បន្ទាប់ពីលោកបានធ្វើការកត់សម្គាល់នៅក្នុងសុន្ទរកថា​កាលពីថ្ងៃទី១៧ ខែវិច្ឆិកានៅទីក្រុងតូក្យូ លោក Hase បាននិយាយថា នៅពេល​ប្រទេសជប៉ុនកំពុងដេញថ្លៃ​ធ្វើជាម្ចាស់ផ្ទះកីឡាអូឡាំពិករដូវក្តៅឆ្នាំ២០២០ បន្ទាប់មកនាយករដ្ឋមន្រ្តី Shinzo Abe បានប្រាប់លោកឱ្យ «ធ្វើឱ្យប្រាកដថាយើងឈ្នះ» ហើយ «យើងនឹងផ្តល់ឱ្យអ្នកដូច។ លុយច្រើនតាមដែលអ្នកចង់បាន ព្រោះតែឮថាមានមូលនិធិសម្ងាត់»។

ប្រធាន IOC លោក Thomas Bach បានប្រាប់អ្នកសារព័ត៌មានកាលពីសប្តាហ៍មុនថា លោកមិនបានដឹងពីការលើកឡើងបែបនេះរបស់ Hase នោះទេ។ ក្នុងឆ្នាំ២០១៣ ទីក្រុងតូក្យូ ធានាបាននូវការប្រកួតកីឡាអូឡាំពិករដូវក្តៅឆ្នាំ២០២០​ដោយជោគជ័យ​ បើ​ទោះ​បី​ជា​​ការរីករាលដាលកូវីដ-១៩​ដែល​ធ្វើ​ឲ្យ​ពន្យារ​ពេលមួយឆ្នាំក៏​ដោយ៕

ប្រែសម្រួល៖ មន្នីរ័ត្ន
ប្រភព៖ Inside The Games