Connect with us

កីឡា

តារា​ឆ្នើម​ Premier League ៥រូបបានធ្លាក់តម្លៃខ្លួនខ្លាំងក្រោយផ្លាស់ទៅក្លិបថ្មី

បានផុស

នៅ

តម្លៃខ្លួនរបស់កីឡាករ​​បាន​ធាក់ចុះ​ដោយសារ​បញ្ហា​របួស ឬ​វ័យ​​ច្រើន ប៉ុន្តែ​​កីឡាករ​ខ្លះ​​​បាន​​​​ផ្លាស់​ប្តូរ​ក្លិប​ក៏​បាន​ធ្វើ​ឲ្យ​សមត្ថភាព​ធ្លាក់​ចុះ​ដែរ​។ ជាក់​ស្តែង​កីឡាករ​ឆ្នើម​៥រូប​នៅ​លីគ​អង់គ្លេស​ Premier League បាន​ធ្លាក់​ចុះ​តម្លៃ​ខ្លួន​យ៉ាង​ខ្លាំង​ក្រោយ​ធ្វើ​មិន​សូវ​បាន​ល្អ​នៅ​ក្លិប​ថ្មី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. កីឡាករ Antony

ក្រោយការផ្លាស់មកកាន់ក្លិប Manchester United កីឡាករប្រេស៊ីល​ Antony បាន​ធ្លាក់ចុះ​ទម្រង់លេង​យ៉ាង​ខ្លាំង។ កាល​នៅក្លិប​​ Ajax រូប​គេបង្ហាញ​ខ្លួន​យ៉ាង​ល្អ​ឥត​ខ្ចោះ​រហូត​ត្រូវ​បាន​ក្លិប​អង់គ្លេស​ទិញ​យក​តម្លៃរហូតដល់៨០លានផោន ប៉ុន្តែ​នៅពេលទីផ្សារដោះដូរកីឡាករបើកនាពេលខាងមុខ នៅ​​សល់​តម្លៃ​ខ្លួន​ត្រឹម ៣៤.៧ លានផោន​ប៉ុណ្ណោះ។

២. កីឡាករ Jordan Sancho

កីឡាករ Sancho មិនមាន​ឱកាស​បង្ហាញខ្លូននៅកីឡដ្ឋាន Old Trafford ទាល់តែសោះ​​នៅ​ពេល​​មាន​ជម្លោះ​ជាមួយលោក Erik ten Hag គ្រូបង្វឹករបស់កក្លិបបិសាចក្រហម។ Man United បាន​ទិញ​រូប​គេ​ពី​ក្លិប​អាល្លឺម៉ង់ Dortmund ក្នុង​តម្លៃ​ខ្លួន៨៥​លាន​ផោន ក្នុង​​ឆ្នាំ​២០២១។ នៅ​ឆ្នាំ​២០២២ តម្លៃ​ខ្លួន​បាន​ធ្លាក់ចុះ​មក​ត្រឹម ៣០.៤លានផោន និង​​ដាច់​ឆ្នាំ​២០២៣​បាន​ធ្លាក់​ចុះ​មក​នៅ​ត្រឹម​២១.៧​លាន​ផោន។

៣. កីឡាករ Wesley Fofana

ខ្សែការពារសញ្ជាតិបារាំង Wesley Fofana បានជួបបញ្ហារបួសចាប់តាំងពីការផ្លាស់ទៅ Chelsea កាលពីឆ្នាំមុន។ តម្លៃ​ទីផ្សារ​របស់​គេក៏មានធ្លាក់ចុះចំនួន២៨.៧លានផោន បន្ទាប់ពីរបួស​​​រហូតដល់អវត្តមានក្នុងការបង្ហាញខ្លូនលើទីលាន​រយៈពេលយូរ។ កីឡាករ​វ័យ២៣ឆ្នាំ​ត្រូវ​វះកាត់​​របួស ACL និង​​ត្រូវ​អវត្តមាន​​ពី​​​ព្រឹត្តិការណ៍​ជា​ច្រើន​ក្នុង​ឆ្នាំ២០២៣-២៤។

៤. កីឡាករ Mason Mount

កីឡាករ Mount បានផ្លាស់ទៅ​ទឹកដី Old Trafford ក្នុង​តម្លៃ​ខ្លួន​៥៥​លាន​ផោន​ដោយ​មាន​ក្តី​រំពឹង​បង្ហាញ​ទម្រង់លេង​ល្អនៅ​ Manchester United ប៉ុន្តែរហូតមកដល់ពេលនេះអ្វីៗ​ខុសពីការរំពឹងទុក។ កីឡាករ​វ័យ២៤ឆ្នាំ​បាន​ខកខានក្នុងការបង្ហាញ​ជាច្រើនជាមួយក្លិប​ក្នុង​រដូវ​កាល​នេះ​។ គិតត្រឹមចុងឆ្នាំ២០២៣តម្លៃខ្លួន​បាន​ធ្លាក់ចុះមក​ត្រឹម​២៦លានផោន។  

៥. កីឡាករ Marc Cucurella

ខ្សែ​ការពារ​សញ្ជាតិ​អេស្ប៉ាញ​ Marc Cucurella បានបង្ហាញទម្រង់បានយ៉ាងល្អជាមួយក្លិប Brighton ប៉ុន្តែ​ការ​ផ្លាស់​ទៅ Chelsea នៅ​ឆ្នាំ​២០២២​​ក្នុង​តម្លៃ​ខ្លួន​៥៥​លាន​ផោន​ ធ្វើមិនបានល្អ​ទេ​នៅ​ឆ្នាំ​២០២៣។ រូប​គេ​ពិបាកក្នុងការប្រជែង​កៅអី១១​នាក់​ដំបូង ក្នុង​រដូវកាលដំបូង។ ហេតុ​នេះ​ធ្វើឲ្យតម្លៃទីផ្សារ​ធ្លាក់ចុះ​មក​ត្រឹម​២៦លានផោនគិតត្រឹមដាច់​ឆ្នាំ​២០២៣។

ប្រែសម្រួល៖ ផា រតនា
ប្រភព៖ onefootball

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ នាទី មុន

អ្នកវិទ្យាសាស្រ្តរកឃើញថ្នាំ ជួយអ្នកខ្ជិលហាត់ប្រាណ ឲ្យឡើងសាច់ដុំដូចគេដូចឯង

ព័ត៌មានជាតិ១១ នាទី មុន

រដ្ឋបាលខេត្តបាត់ដំបងត្រៀមរៀបចំព្រឹត្តិការណ៍សង្ក្រាន្តរយៈពេល ៥ ថ្ងៃ

ព័ត៌មានអន្ដរជាតិ៦ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ១០ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១០ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

Sokha Hotels

ព័ត៌មានពេញនិយម