កីឡា
លន បញ្ញា ប្រាប់មូលហេតុចង់ឲ្យឡើងតម្លៃខ្លួនកីឡាករឆ្នើមៗខ្ពស់
កាលពីជាងមួយសប្តាហ៍មុន កីឡាករប្រដាល់ លន បញ្ញា ត្រូវបានមហាជនចាប់អារម្មណ៍ពាក់ព័ន្ធនឹងតម្លៃខ្លួនឡើងប្រកួតដែលចង់ឲ្យឡើងខ្ពស់សម្រាប់កីឡាករប្រដាល់គុនខ្មែរឆ្នើមៗ។
ពាក់ព័ន្ធនឹងចំណុចនេះ លន បញ្ញា បានប្រាប់សារព័ត៌មាន«កម្ពុជាថ្មី»ថា កន្លងមក អ្នកគាំទ្រមួយចំនួនចង់ឲ្យកីឡាករល្បីៗឡើងប្រកួតយូរៗម្តង។ ប្រសិនបើឲ្យពួកគាត់ឡើងប្រកួតយូរៗម្តង ពួកគាត់គួរទទួលបានតម្លៃខ្លួនខ្ពស់សម្រាប់ការចំណាយប្រចាំថ្ងៃទាំងជីវភាពគ្រួសារ និងការហ្វឹកហាត់។ ផ្ទុយទៅវិញ ប្រសិនបើតម្លៃខ្លួនទាប ហើយយូរៗប្រកួតម្តង ដូច្នេះពួកគាត់នឹងមិនមានប្រាក់សម្រាប់ការដោះស្រាយប្រចាំថ្ងៃគ្រប់គ្រាន់ទេ។
លន បញ្ញា បាននិយាយថា ៖«ដោយសារមានអ្នកខ្លះបានលើកឡើងថា កីឡាករគុនខ្មែរគួរតែប្រកួតយូរៗម្តង។ សម្រាប់ខ្ញុំ បើចង់ឲ្យកីឡាករយូរៗវ៉ៃម្តង គួរតែលើកកីឡាករឆ្នើមណាម្នាក់ដែលជាកីឡាករមានក្បាច់គុនល្អ សមត្ថភាពគ្រប់គ្រាន់ និងមានប្រជាប្រិយភាពល្បីខ្លាំង ដូចជា បង ធឿន ធារ៉ា ជាដើម។ លើកគាត់ ឲ្យតម្លៃខ្លួនដ៏ថ្លៃមួយជា Super Star របស់គុនខ្មែរ។ ឲ្យតម្លៃខ្លួនឲ្យថ្លៃសមរម្យ»។
«ខ្ញុំមិនហ៊ានថា ចំនួនប៉ុន្មានទេ។ វាស្រ័យលើបងប្អូន និងម្ចាស់កម្មវិធីជាអ្នកកំណត់។ សម្រាប់តម្លៃខ្លួនរបស់កីឡាករឡើងប្រកួតបច្ចុប្បន្នសមរម្យអាចទទួលយកបានហើយ បើប្រៀបធៀបនឹងពីមុន តែបើឲ្យកីឡាករឆ្នើមៗរបស់យើងដូចជា បង ធឿន ធារ៉ា បង ព្រំ សំណាង ជាដើមយូរៗប្រកួតម្តង ២ឬ៣ខែប្រកួតម្តងគួរតែផ្តល់តម្លៃខ្លួនពួកគាត់ឲ្យខ្ពស់»។ លន បញ្ញា បានបន្ថែម។
លន បញ្ញា ជាកីឡាករប្រដាល់គុនខ្មែរម្នាក់ដែលកំពុងទទួលបានជោគជ័យទាំងសម្រាប់អាជីពផ្ទាល់ខ្លួន និងជូនជាតិ។ រូបគេបានឈ្នះមេដាយមាស និងប្រាក់កីឡាស៊ីហ្គេម២លើកចុងក្រោយ និងខ្សែក្រវាត់៤គ្រឿង។ រូបគេបានរក្សាកំណត់ត្រាមិនចាញ់រយៈពេល៣ឆ្នាំហើយសម្រាប់ការប្រកួតគុនខ្មែរ និងជាពិសេសទើបតែទទួលបានរង្វាន់រយន្ត១គ្រឿងកាលពីពេលថ្មីៗនេះ៕
អត្ថបទ៖ វីរបុត្រ
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៤ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ៧ ថ្ងៃ ago
រដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ
-
ព័ត៌មានអន្ដរជាតិ២២ ម៉ោង ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ