កីឡា

ការប្រកួតជ្រើសរើសជើងឯក កីឡាគុនដាវថ្នាក់ជាតិឆ្នាំ២០២០ បញ្ចប់ដោយលទ្ធផលល្អ

បានផុស

៣ years មុន

នៅ

ថ្ងៃចន្ទ ១៥ កុម្ភៈ ២០២១

ដោយ

ព្រឹត្តិការណ៍ប្រកួតជ្រើសរើសជើងឯក កីឡាគុនដាវថ្នាក់ជាតិឆ្នាំ២០២០ ត្រូវបានបញ្ចប់ដោយជោគជ័យនិងលទ្ធផលល្អ កាលពីល្ងាចថ្ងៃទី១៣ ខែកុម្ភៈ ឆ្នាំ២០២១។ ក្នុងកម្មវិធីបិទមានការអញ្ជើញចូលរួមពីសំណាក់ លោក ទុយ ប៊ុនហឿន អនុប្រធាននាយកដ្ឋានអប់រំកាយនិងកីឡា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុខ អាង បានប្រាប់ឲ្យដឹងថា ការ រៀបចំការប្រកួតជ្រើសរើសជើងឯកកីឡាគុនដាវថ្នាក់ជាតិឆ្នាំ២០២០ នាថ្ងៃទី១៣ ខែកុម្ភៈ ឆ្នាំ២០២១ នាទីលានបាល់បោះ នៃមជ្ឈមណ្ឌលជាតិហ្វឹកហ្វឺនកីឡា ក្នុងពហុកីឡដ្ឋានជាតិអូឡាំពិក មានក្លិបចំនួន ៨ក្លិបចូលរួម គឺហូសាណា ឥន្ទ្រទេវី ជាស៊ីមសាមគ្គី ក្លិបផេនដា ក្លិបអេលីត ក្លឹប Lam e De Phnom Penh ក្លិបTom និងក្លិបវេស្ទើន ដែលមានអត្តពលិកសរុបចំនួន ៣៩ នាក់ (កីឡាការិនី ៨នាក់ និងកីឡាករ ៣១ នាក់) ហើយប្រកួតក្នុង ៣វិញ្ញាសា។

ចំពោះលទ្ធផលការប្រកួតវិញ៖ វិញ្ញាសាដាវកាប់ចម្រុះឯកត្តជន មេដាយមាសបានលើកីឡាការិនី ឆាយ លីនសី មេដាយប្រាក់បានលើកីឡាការិនី សន និច និងមេដាយសំរិទ្ធបានលើកីឡាករ ជន ចំរ៉ុង និងកីឡាករ ជន ចំរើន ។ វិញ្ញាសាដាវតូចចម្រុះឯក ត្តជន មេដាយមាសបានលើកីឡាករ ខឿន ទីម៉ា មេដាយប្រាក់បានលើកីឡាករ មាស គីមឡេង និងមេដាយសំរិទ្ធ បានលើកីឡា ការិនី យី លីណា និងកីឡាករ ភារក្ស ភារិន។ ចំណែកវិញ្ញាសាដាវធំចម្រុះឯកត្តជនមេ ដាយមាសបានលើកីឡាករសារឿន ស័កនុ មេដាយប្រាក់បានលើកីឡាករ សុខ ច័ន្ទរិទ្ធី និងមេដាយសំរិទ្ធបានលើកីឡាករ ថង ទាំងជីន និងកីឡាករ រ៉ា ណាថាន់៕