Neymar ឆ្លើយតបទៅអ្នកសើចចំអកពាក់ព័ន្ធនឹងទម្ងន់របស់​ខ្លួន

កាលពីចុងសប្តាហ៍មុនមានរឿងផ្ទុះឡើង ក្រោយ Neymar ត្រូវបានគេប្រទះឃើញនៅក្នុងពិធីខួបកំណើតគម្រប់៥៨ឆ្នាំរបស់លោក Romario ហើយកីឡាករវ័យ៣១ឆ្នាំរូបនេះ​រង​ការរិះគន់​ច្រើនអំពី​រាង​​កាយ​របស់​ខ្លួន​ដែលមើល​ទៅ​ធាត់​ខ្លាំង។

កាលពីថ្ងៃទី១៧ខែតុលា ខ្សែប្រយុទ្ធប្រេស៊ីលកីឡាករ Neymar បានរងរបួសពេលកំពុងលេងឱ្យក្លិប​ Al-Hilal នៅ​លីគ​អារ៉ាប៊ីសាអ៊ូឌីត ដោយរងរបួសដាច់សរសៃពួរ​ជើងឆ្វេង ​ជាហេតុធ្វើឲ្យរូបគេ​អវត្តមាន​នៅលើ​ទី​លាន។ តាមការបញ្ជាក់របស់គ្រូពេទ្យជម្រើសជាតិប្រេស៊ីល លោក Rodrigo Lasmar ថា តារាឆ្នើមប្រេស៊ីលរូបនេះ​មិនអាចវិលចូលទីលាន​បានទេរហូតដល់ដើមរដូវកាល ២០២៤-២០២៥។

Neymar បាននិយាយថា ៖«ការហ្វឹកហាត់ថ្ងៃនេះបានបញ្ចប់ហើយ។ ខ្ញុំគិតថា គីឡូខ្ញុំគឺស្រស់ស្អាត។ វាធាត់មែនទេ ខ្ញុំគិតថា មិនអីទេ»។ រូបគេបានបង្ហោះវីដេអូលើប្រព័ន្ធផ្សព្វផ្សាយសង្គម ក្រោយមានរូបថតជាច្រើនសន្លឹកត្រូវបានផ្សព្វផ្សាយហើយក៏មានអ្នកសើចចំអក​ជា​ច្រើន៕

ប្រែសម្រួល៖ ផា រតនា​
ប្រភព៖ Marca