កីឡា

Pochettino សុំទោសអ្នកគាំទ្រ Chelsea ក្រោយការដឹកនាំក្រុមមិនបានល្អ

បានផុស

២ years មុន

នៅ

ថ្ងៃចន្ទ ៥ កុម្ភៈ ២០២៤

ដោយ

ក្នុងសប្ដាហ៍ទី២៣ ក្នុងក្របខណ្ឌ Premier League លោក Mauricio Pochettino នៅតែបន្តធ្វើមិនបានល្អ ដោយមិនអាចជួយឲ្យក្រុមតោខៀវ Chelsea រកបាន៣ពិន្ទុក្នុងដីខ្លួនឯង បន្ទាប់ពីចាញ់ក្រុម Wolves ៤-២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Mauricio Pochettino គ្រូបង្វឹកក្រុមChelsea បាននិយាយថា៖«ការយល់ឃើញគឺជារឿងមួយហើយក្រុម Chelsea គួរតែស្ថិតក្នុងចំណាត់ថ្នាក់ផ្សេង ប៉ុន្តែសម្រាប់កាលៈទេសៈផ្សេងគ្នា។ យើងមិននៅទីនោះទេ។ អ្វីដែលយើងអាចធ្វើបានសំខាន់បំផុតគឺមានអារម្មណ៍ថាមានទំនួលខុសត្រូវ។ ដូច្នេះការយល់ពីអារម្មណ៏អ្នកគាំទ្រពិតជាសំខាន់។ យើងចង់សុំទោសហើយមានអារម្មណ៍ថា ធ្វើខុស តែយើងត្រូវតស៊ូទាំងអស់គ្នា។ បើយើងចង់ទទួលបានលទ្ធផលល្អទៅថ្ងៃអនាគត យើងត្រូវនៅជាមួយគ្នា»។

ឆ្លងកាត់ការប្រកួតចំនួន២៣លើក Chelsea ឈ្នះ៩ ស្មើ៤ ចាញ់១០ រកបានតែ៣១ពិន្ទុប៉ុណ្ណោះ ហើយស្ថិតនៅចំណាត់ថ្នាក់លេខ១១ ក្នុងតារាងពិន្ទុ។ ទោះបីមានកំណែទម្រង់និងចំណាយលុយយ៉ាងច្រើនក្នុងការនាំយកកីឡាករថ្មីៗមករួមក្រុមក៏ដោយ ប៉ុន្តែក្លិបមួយនេះនៅតែធ្វើមិនបានល្អ ខណៈបច្ចុប្បន្នកៅអីរបស់គ្រូបង្វឹកក្រុមតោខៀវកំពុងឡើងកម្ដៅ។

លោក Mauricio Pochettino បានបន្ថែមថា ៖«ពួកយើងមិនស័ក្តិសមជាក្រុមមួយដែលល្អក្នុងប្រវត្តិរបស់ក្លិបទេ។ យើងត្រូវទទួលយកវា ហើយព្រមទទួលការរិះគន់ ប៉ុន្តែយើងមិនអាចបោះបង់បានទេ។ យើងត្រូវបន្តធ្វើការ ព្យាយាមផ្លាស់ប្តូរ ធ្វើការសម្រេចចិត្ត ព្យាយាមរកវិធីផ្សេង។ ប្រសិនបើវាមិនដំណើរការតាមរបៀបនេះ យើងត្រូវស្វែងរកដំណោះស្រាយផ្សេងទៀត»៕

ប្រែសម្រួល៖ ផា រតនា
ប្រភព៖ Skysports