កីឡា

ខេត្តកណ្តាល បើកការប្រកួតជើងឯក កីឡាសិស្សបឋមសិក្សាប្រចាំឆ្នាំ ២០២០-២០២១

បានផុស

៥ years មុន

នៅ

ថ្ងៃអង្គារ ១៦ កុម្ភៈ ២០២១

ដោយ

ខេត្តកណ្តាល បានប្រកាសបើកការប្រកួតកីឡាសិស្សបឋមសិក្សាជ្រើសរើសជើងឯក ខេត្តកណ្តាលប្រចាំឆ្នាំ ២០២០-២០២១ លើប្រភេទកីឡាចំនួន៤ បាល់ទាត់ បាល់បោះ បាល់ទះ និងអត្ត ពលកម្មជាផ្លូវការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្មវិធីនេះបានប្រព្រឹត្តិនៅព្រឹកថ្ងៃទី១៦ ខែកុម្ភៈ ឆ្នាំ២០២១ ដែលមានរយៈពេល ៧ថ្ងៃ ចាប់ពីថ្ងៃទី ១៦ ដល់ថ្ងៃទី២២ ខែកុម្ភៈឆ្នាំ២០២១ នៅតាមទីលានរបស់ខេត្ត ដើម្បីចម្រាញ់រកកីឡាករ-កីឡាការិនីវ័យក្មេងចូលរួមការប្រកួតទូទាំងប្រទេស។

លោក ពៅ វណ្ណា ប្រធានការិយាល័យអប់រំកាយ និងកីឡា បាននិយាយថា ការប្រកួតកីឡាសិស្សសិស្សបឋមសិក្សាជ្រើសរើសជើងឯកខេត្តកណ្តាលប្រចាំឆ្នាំ ២០២០-២០២១ គឺជាការប្រកួតដើម្បីជ្រើសរើសកីឡាករ-កីឡាការិនីនៃប្រភេទកីឡាទាំង៤នេះ សម្រាប់ត្រៀមចូលរួមការ ប្រកួតកីឡាសិស្សបឋមសិក្សាជ្រើសរើសជើងឯកទូទាំងប្រទេស ដែលនឹងប្រព្រឹត្តនាថ្ងៃទី២៥ ខែមីនារហូត ដល់ថ្ងៃទី៣ ខែមេសាខាងមុខ នៅរាជធានីភ្នំពេញ។

លោកបានបន្តថា ព្រឹត្តិការណ៍ប្រកួតជើងឯកទូទាំងប្រទេសធ្វើលើប្រភេទកីឡាចំនួន៨មុខ តែដោយឡែកសម្រាប់ការប្រ កួតនៅខេត្តកណ្តាលពេលនេះ(ថ្ងៃទី១៦ ដល់ថ្ងៃទី២២ខែកុម្ភៈ ឆ្នាំ២០២១) យើងដាក់ឲ្យប្រកួតនូវកីឡាចំនួន៤ប្រភេទ គឺបាល់ទាត់ បាល់ទះ បាល់បោះ និងអត្ត ពលកម្ម ដោយមានក្រុមកីឡាចំនួន១១ ស្រុករួមមាន៖ ស្រុកតាខ្មៅ ស្រុកស្អាង ស្រុកកោះធំ ស្រុកកណ្តាលស្ទឹង ស្រុកអង្គស្នូល ស្រុកពញ្ញាឮ ស្រុកមុខកំពូល ស្រុកខ្សាច់កណ្តាល ស្រុកល្វាឯម ស្រុកកៀនស្វាយ និង ស្រុកលើដែក។ ចំណែកកីឡា៤ប្រភេទទៀត យើងកំពុងហ្វឹកហាត់ពង្រឹងសមត្ថភាពត្រៀមចូលរួមដូចជា កីឡាវាយសីវាយកូនឃ្លីលើតុ តេក្វាន់ដូ WT និងតេក្វាន់ដូ ITF។ គួរបញ្ជាក់ថា នេះជាព្រឹត្តិការណ៍ប្រចាំឆ្នាំ ដែលការិយាល័យអប់រំកាយ និង កីឡាខេត្តកណ្ដាលរៀបចំ ធ្វើជារៀងរាល់ឆ្នាំ មិនដែលខានឡើយ៕

អត្ថបទ៖ វិសិទ្ធ

សូមចុចអាន៖ ការប្រកួតជ្រើសរើសជើងឯក កីឡាគុនដាវថ្នាក់ជាតិឆ្នាំ២០២០ បញ្ចប់ដោយលទ្ធផលល្អ

Related Topics:កីឡាបាល់ទាត់ការប្រកួតកីឡា

ព័ត៌មានអន្ដរជាតិ១៨ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា