Connect with us

កីឡា

សន្ទុះអ្នកគាំទ្រលីគបាល់ទះកម្ពុជាជាប់លេខ១នៅ​តំបន់អាស៊ាន

បានផុស

នៅ

សន្ទុះ​អ្នក​គាំទ្រ​​នៅ​ទី​លាន​​នៃ​ការ​ប្រកួត​ពាន​រង្វាន់​បាល់ទះ​តេជោលីគ​​រដូវ​កាល​ដំបូង​ឆ្នាំ​២០២៤​​ខ្ពស់​ជាង​បណ្តា​ប្រទេស​ផ្សេង​ៗ​នៅ​ក្នុង​តំបន់​អាស៊ាន។ នេះ​បើ​តាម​ការ​ឲ្យ​ដឹង​ពី​លោក អាំង សិរីពិសិដ្ឋ អនុប្រធាន និង​ជា​អគ្គលេខាធិការ​សហព័ន្ធ​កីឡា​បាល់ទះ​កម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សហព័ន្ធ​កីឡា​បាល់ទះ​កម្ពុជា​បាន​បង្កើត​ឲ្យ​មាន​លីគ​បាល់ទះ​កំពូល​កម្ពុជា​ហៅ​កាត់«តេជោលីគ»​ជា​លើក​ដំបូង​​នៅ​ក្នុង​ឆ្នាំ​២០២៤​ដែល​មាន​ក្រុម​ចូល​រួម​ប្រកួត​ចំនួន​៨​ត្រូវ​បាន​​ទទួល​ស្គាល់​ដោយ​សហព័ន្ធ​កីឡា​បាល់ទះ​អាស៊ីអាគ្នេយ៍ អាស៊ី និង​​​ពិភព​លោក។ ចាប់​ពី​ពេល​នេះ​រាល់​កីឡាករ​បាល់ទះ​កម្ពុជា​ផ្ទេរ​ចេញ​ទៅ​ក្រៅ​ប្រទេស​ ឬ​កីឡាករ​បរទេស​ផ្ទេរ​ចូល​ក្លិប​កម្ពុជា​ត្រូវ​ឆ្លង​កាត់​តាម​ច្បាប់​សហព័ន្ធ​បាល់ទះ​អាស៊ី និង​ពិភព​លោក​ត្រឹម​ត្រូវ។

តេជោលីគ​រដូវ​កាល​ទី១​ដែល​បាន​ចាប់​ផ្តើម​កាល​ពី​ថ្ងៃទី​១៨ ខែ​មករា ដល់​ថ្ងៃ​ទី​១៨ ខែ​កុម្ភៈ ឆ្នាំ​២០២៤ នៅ​វិមាន​ពហុកីឡដ្ឋាន​ជាតិ​អូឡាំពិក ​រាល់​ការ​ប្រកួត​ពី​មួយ​សប្តាហ៍​ទៅ​មួយ​សប្តាហ៍​មាន​អ្នក​គាំទ្រចូល​​ទស្សនា​​ផ្ទាល់​យ៉ាង​ច្រើន​កុះករ​ជាលំដាប់។

លោក អាំង សិរីពិសិដ្ឋ បាន​ឲ្យ​ដឹង​ថា ៖«ជាក់​ស្តែង​យើង​ឃើញហើយ ចាប់តាំង​ពី​តេជោលីគ​ចាប់​ផ្តើម ទស្សនិកជនគាំទ្រ​រៀង​រាល់​ថ្ងៃសុក្រ សៅរ៍ អាទិត្យ។ បើ​យើង​បូក​សរុប​រាប់​ម៉ឺន​នាក់។ អីចឹង​ត្រឡប់​មក​វិញ​តាំង​​ពី​ថ្ងៃ​ចាប់​ផ្តើម​ដល់​ថ្ងៃ​បញ្ចប់​គឺ​មាន​អ្នក​ទស្សនា​រាប់​សែន​នាក់​នៅ​ទី​លាន​ផ្ទាល់ ដោយ​យើង​មិន​ទាន់​គិត​ដល់​​អ្នក​គាំទ្រ​តាម​បណ្តាញ​ទំនាក់​ទំនង​សង្គម​ផង​»។

«យើង​មិន​ចង់​ប្រៀប​ធៀប​ទៅ​ប្រទេស​តំបន់​អាស៊ី ឬពិភព​លោក​ទេ តែបង​ប្អូន​ជន​រួម​ជាតិ​អាច​វាយ​តម្លៃ​ខ្លួន​ឯង​បាន។ ​ការ​រៀប​ចំ​នេះ​មាន​បងប្អូន​ប្រជា​ពល​រដ្ឋ​ចូល​រួម​គាំទ្រ​លើក​ទឹក​ចិត្ត​ច្រើន​ណាស់​។ ទី១​​គឺ​​​បង្ហាញ​ពិភព​លោក​ឲ្យ​ដឹង​ថា អ្នក​ស្នេហា​បាល់ទះ​កម្ពុជាមាន​ច្រើន​​លើស​លប់។ ទី២​គឺ​ជាការ​ផ្តល់​តម្លៃ​ត្រឡប់​វិញ​ដល់​ថ្នាក់​ដឹក​នាំ​សហព័ន្ធ​ដែល​បាន​ដាក់​ចិត្តកាយ​ធ្វើ​កំណែ​ទម្រង់​ដើម្បី​ឲ្យ​បង​ប្អូន​ទទួល​ស្គាល់ពី​គុណភាព​បាល់ទះ​កម្ពុជា»។

«ខ្ញុំ​មិន​ប្រៀប​ធៀប​ទេពី​​ថ្ងៃ​ម្សិល​មិញ និង​ថ្ងៃ​នេះ (ថ្ងៃវគ្គ​ពាក់​កណ្តាល​ផ្តាច់​ព្រ័ត្រ និង​ថ្ងៃ​វគ្គ​ផ្តាច់​ព្រ័ត្រ) គឺ​យើង​ជាន់​ពេល​វេលា​ប្រកួត​ជា​មួយ​ប្រទេស​ជិត​ខាង​​គឺ Semi-Final និង Final ដូច​គ្នា ប៉ុន្តែ​សន្ទុះ​នៃ​ការ​គាំទ្រ​នៅ​ទី​លាន​ យើង​ជាប់​លំដាប់​លេខ​១​ដែល​យើង​មិន​អាច​ប្រកែក​ថា​ ខ្លួន​យើង​អន់​បាន​ទេ»។

លោក អាំង សិរីពិសិដ្ឋ បន្ថែម​ថា ទោះ​បី​ជា​លទ្ធផល​គួរ​ជា​ទី​គាប់​ចិត្ត​បែប​នេះ​ក៏​មិន​អាច​ធ្វើ​ឲ្យ​ក្រុម​ការងារ​សហព័ន្ធ​រំសាយ​ចិត្ត​ក្នុង​ការ​ខិតខំ​ប្រឹង​ប្រែង​​​បន្ថែម​ទៀត​ដែរ។ ផ្ទុយ​ទៅ​វិញ​គឺ​ជា​អម្រែក​​​កាន់​តែ​​ធ្ងន់​ដែល​សហព័ន្ធ​​ត្រូវ​តែ​បង្កើន និង​ពង្រឹង​បន្ថែម​ទៀត​ទាំង​​​សមត្ថភាព​ដឹក​នាំ​ ​ការ​រៀបចំ​ព្រឹត្តិការណ៍​ ធន​ធាន​មនុស្ស បច្ចេកទេស​ឲ្យ​កាន់​តែ​ល្អ​ប្រសើរ​ឡើង។

សូម​បញ្ជាក់​ថា ការ​ប្រកួត​ពាន​រង្វាន់​បាល់ទះ​តេជោលីគ​រដូវ​កាល​ដំបូង​មាន​ក្រុម​អាជីព​៨​គឺ​មក​ពី​​តាម​បណ្តា​ខេត្ត​៣ និង​ក្រុម​នៅ​រាជ​ធានី​ភ្នំពេញ៥ ហើយ​​ម្ចាស់​ជើង​ឯក​​បាន​ទៅ​ក្រុម​បញ្ជាការដ្ឋាន​អង្គរក្ស ខណៈ​លេខ២​បាន​ទៅ​វិសាខា និង​លេខ​៣​បាន​ទៅ​ស្នងការដ្ឋាន​នគរ​បាល​រាជ​ធានីភ្នំពេញ៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៨ នាទី មុន

ស្ត្រីវៀតណាមដែលបានលក់ផ្លែពុតទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអជ្ញាធរ

ព័ត៌មានជាតិ១៤ នាទី មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៥៥ នាទី មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ១ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៣ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម