កីឡា

ផលិតករទូរទស្សន៍បាយ័ន លោក គង់ វិសាល ក្លាយជាទីប្រឹក្សាជាន់ខ្ពស់សហព័ន្ធកីឡា២

បានផុស

១ year មុន

នៅ

ថ្ងៃចន្ទ ១១ មីនា ២០២៤

ដោយ

សហព័ន្ធកីឡាប្រដាល់គុនខ្មែរ និងសហព័ន្ធកីឡាប្រដាល់ឃីកបុកស៊ីងកម្ពុជា បានតែងតាំងលោក គង់ វិសាល ផលិតករកម្មវិធីដ៏ល្បីម្នាក់ប្រចាំស្ថានីយ៍ទូរទស្សន៍បាយ័នជាទីប្រឹក្សាជាន់ខ្ពស់របស់ខ្លួន។

ការតែងតាំងលោក គង់ វិសាល ជាទីប្រឹក្សាជាន់ខ្ពស់សម្រាប់សហព័ន្ធកីឡាប្រដាល់គុនខ្មែរអាណត្តិទី៧ ដោយមានវត្តមានលោក តែម ម៉ឺន ប្រធានសហព័ន្ធកីឡាប្រដាល់គុនខ្មែរ លោក ខូវ ឆាយ អនុប្រធានទី១ សហព័ន្ធកីឡាប្រដាល់គុនខ្មែរ និងលោក ហេង សុខឃន ជាអគ្គលេខាធិការសហព័ន្ធកីឡាប្រដាល់គុនខ្មែរ។ ជាមួយគ្នានេះ លោក គង់ វិសាល ក៏ត្រូវបានតែងតាំងជាទីប្រឹក្សាជាន់ខ្ពស់សម្រាប់សហព័ន្ធកីឡាប្រដាល់ឃីកបុកស៊ីងកម្ពុជាអាណត្តិទី១ដែលមានលោក ហេង សុខឃន ជាប្រធាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មួយរយៈពេលចុងក្រោយនេះ លោក គង់ វិសាល ត្រូវបានគេឃើញញឹកញាប់សម្រាប់ការតំណាងឲ្យស្ថានីយ៍ទូរទស្សន៍បាយ័នក្នុងព្រឹត្តិការណ៍ប្រដាល់នានាដូចជាសន្និសីទសារព័ត៌មាន និងកម្មវិធីប្រកួតប្រដាល់ធំៗជាដើម។

លោក គង់ វិសាល មានបទពិសោធច្រើនរាប់ឆ្នាំមកហើយពាក់ព័ន្ធនឹងការផលិតកម្មវិធីប្រចាំស្ថានីយ៍ទូរទស្សន៍បាយ័ន ជាពិសេសកម្មវិធីសិល្បៈកម្សាន្ត។ ឥឡូវនេះ លោកឈានជើងចូលរួមក្នុងសកម្មភាពកីឡាថែមទៀតដើម្បីរួមចំណែកជំរុញឲ្យវិស័យកីឡាប្រដាល់គុនខ្មែរកាន់តែរីកចម្រើន៕