កីឡា
ក្រុមបាល់ទះនារីតួកគីកាន់តែល្អក្រោយឡើងឈរលេខ១លើលោក
ក្រុមបាល់ទះជម្រើសជាតិនារីតួកគីកំពុងឈរចំណាត់ថ្នាក់លេខ១ ក្នុងតារាងចំណាត់ថ្នាក់បាល់ទះនារីពិភពលោកយ៉ាងរឹងមាំ តាំងពីចុងខែកក្កដា ឆ្នាំ២០២៣ ដោយបានទម្លាក់ក្រុមបាល់ទះនារីសហរដ្ឋអាមេរិកឲ្យធ្លាក់ទៅលេខ២វិញ។
![](https://www.kampucheathmey.com/wp-content/uploads/2024/04/Womens-National-Volleyball-Team-CEV-European-ChampionshipCredit-CEV.png)
គិតចាប់តាំងពីថ្ងៃទី២៩ ខែមិថុនា ឆ្នាំ២០២៣ ក្រុមបាល់ទះនារីតួកគី មិនដែលចាញ់សោះ ដោយ២២ប្រកួតចុងក្រោយពួកគេឈ្នះទាំងអស់ និងរកបានពិន្ទុសរុប៧៦.៣៧។ មើលតារាងចំណាត់ថ្នាក់បាល់ទះនារីពិភពលោក គិតត្រឹមខែមេសា ឆ្នាំ២០២៤ ក្រុមបាល់ទះនារីតួកគី កំពុងឈរនៅលេខ១ មាន៣៩៧.៤៦ពិន្ទុ នាំមុខក្រុមលេខ២សហរដ្ឋអាមេរិក៣៨.៦២ពិន្ទុ។
ក្រុមនារីតួកគី កំពុងត្រូវបានចាត់ទុកជាក្រុមជម្រើសជាតិនារីដ៏ជោគជ័យបំផុតមួយក្នុងពិភពលោក និងត្រូវបានដាក់រហស្សនាម «Filenin Sultanları» ចាប់តាំងការប្រកួតបាល់ទះជើងឯកនារីអឺរ៉ុប ក្នុងឆ្នាំ២០០៣ នៅទីក្រុងអង់ការ៉ា ប្រទេសតួកគី។
![](https://www.kampucheathmey.com/wp-content/uploads/2024/04/5d4551987152d82840809a85.webp)
គិតចាប់តាំងពីការបង្ហាញខ្លួនលើកដំបូងតាំងពីឆ្នាំ១៩៣៦ មកទល់បច្ចុប្បន្ន ពួកគេបានទទួលសមិទ្ធផលធំៗជាច្រើនរួមមាន៖
- ឈ្នះមេដាយមាស១ ពីការប្រកួតបាល់ទះនារីជើងឯកពិភពលោក FIVB Volleyball Women’s World Cup ឆ្នាំ២០២៣
- ឈ្នះមេដាយមាស១ ប្រាក់១ និងសំរិទ្ធ១ ក្នុងលីគបាល់ទះនារីពិភពលោក FIVB Volleyball Women’s Nations League
- ឈ្នះមេដាយសំរិទ្ធ១ ក្នុងពានរង្វាន់ FIVB Volleyball World Grand Prix
- ឈ្នះមេដាយមាស១ ប្រាក់២ និងសំរិទ្ធ៣ ក្នុងជើងឯកបាល់ទះនារីអឺរ៉ុប Women’s European Volleyball Championship
- ឈ្នះមេដាយមាស១ ក្នុងព្រឹត្តិការណ៍កីឡាទ្វីបអឺរ៉ុប European Games
- ឈ្នះមេដាយមាស១ ប្រាក់៣ និងសំរិទ្ធ១ ក្នុងលីគបាល់ទះអឺរ៉ុប Women’s European Volleyball League
- ឈ្នះមេដាយមាស១ និងសំរិទ្ធ២ ក្នុងពានរង្វាន់ Montreux Volley Masters
- ឈ្នះមេដាយមាស១ ប្រាក់៧ និងសំរិទ្ធ៣ ក្នុងព្រឹត្តិការណ៍កីឡា Volleyball at the Mediterranean Games
![](https://www.kampucheathmey.com/wp-content/uploads/2024/04/thumbs_b_c_66ba9a67b9aba6fc3fdfeb9b46cb42da.webp)
ក្រោយចូលរួមក្នុងព្រឹត្តិការណ៍ធំៗទាំង៨ ក្រុមបាល់ទះនារីតួកគីប្រមូលបានមេដាយសរុប៣១គ្រឿង។ នេះជាកត្តារុញច្រានឲ្យពួកគេក្លាយជាក្រុមបាល់ទះនារីកំពូលលើលោកនាពេលបច្ចុប្បន្ន។ ពួកគេកំពុងដាក់ក្តីរំពឹងមេដាយមាសក្នុងព្រឹត្តិការណ៍អូឡាំពិក ឆ្នាំ២០២៤ នៅប្រទេសបារាំង នាពេលខាងមុខ៕
ប្រែសម្រួល៖ ផា រតនា
-
សន្តិសុខសង្គម៧ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៧ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ១ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ