កីឡា

លោក Klopp ថា Man Utd នឹងចាញ់ Arsenal បើលេងដូចយប់មិញ

បានផុស

២ years មុន

នៅ

ថ្ងៃចន្ទ ៨ មេសា ២០២៤

ដោយ

លោក Jurgen Klopp បានព្រមានពីក្រុម Manchester United នឹងចាញ់ក្រុមកាំភ្លើងធំ Arsenal នៅខែក្រោយ ប្រសិនបើពួកគេលេងលេងដូចយប់មិញដែលបានស្មើ Liverpool ២-២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុម Manchester United នឹងទទួល Arsenal នៅថ្ងៃទី១១ ខែឧសភា។ លោក Klopp គ្រូបង្វឹក Liverpool បានដាស់តឿន Man Utd ត្រូវការបង្កើនសមត្ថភាព ប្រសិនបើពួកគេមិនចង់ចាញ់ Arsenal។

ចំពោះស្ថិតិការប្រកួតយប់មិញក្រុមម្ចាស់ផ្ទះបិសាចក្រហម Man Utd បានបង្កើតឱកាសស៊ុត៩លើក ស៊ុតចំគោលដៅ៥លើក និងគ្រប់គ្រងបាល់៣៨% ខណៈក្រុមភ្ញៀវហង្សក្រហម Liverpool បង្កើតឱកាស២៨លើក ស៊ុតចំគោលដៅ៧លើក គ្រប់គ្រងបាល់៦២% ប៉ុន្តែលទ្ធផលស្មើគ្នា ២-២។

លោក Jurgen Klopp បាននិយាយថា ៖«បើយើងនៅចំណាត់ថ្នាក់ជិតគ្នានោះវាកាន់តែអស្ចារ្យ ប៉ុន្តែ Arsenal គឺជាក្រុមដ៏ល្អមួយ។ បើក្រុម Man Utd លេងដូចថ្ងៃនេះ នោះ Arsenal នឹងឈ្នះការប្រកួតនេះ ខ្ញុំប្រាកដ១០០%។ ខ្ញុំសុំទោសដែលនិយាយដូច្នេះ»។

កាលពីយប់ថ្ងៃអាទិត្យ ជាការប្រកួតលើកទី២របស់ Liverpool នៅកីឡដ្ឋាន Old Trafford ក្នុងរយៈពេល៣សប្តាហ៍ចុងក្រោយ។ ក្នុងនោះពួកគេបានចាញ់ Man Utd ៤-៣ ក្នុងពានរង្វាន់ FA Cup វគ្គពាក់កណ្តាលផ្តាច់ព្រ័ត្រ និងយប់មិញស្មើគ្នា ២-២ ជាហេតុធ្វើឲ្យការប្រជែងជើងឯក Premier League រដូវកាលនេះកាន់តែតានតឹង។

លោក Klopp បន្ថែមថា ៖«ជាការពិត យើងគួរតែឈ្នះការប្រកួតទាំងពីរនេះ តែយើងធ្វើមិនបាន»៕

ប្រែសម្រួល៖ ផា រតនា
ប្រភព៖ BBC