កីឡា
កីឡាករ៣រូបរកបានគ្រាប់បាល់ច្រើនជាងគេក្នុងពាន Europa League
បើនិយាយពីការស៊ុតបញ្ចូលតាំងពីវគ្គសន្សំពិន្ទុរហូតដល់វគ្គផ្ដាច់ព្រ័ត្រ ក្នុងពានរង្វាន់ Europa League កីឡាករ Pierre-Emerick Aubameyang កំពុងឈរនៅលេខ១ ជាអ្នករកគ្រាប់បាល់ស៊ុតបញ្ចូលទីច្រើនជាងគេ។ ថ្ងៃនេះសារព័ត៌មានកម្ពុជាថ្មីសូមបង្ហាញពីកីឡាករ៣ រកគ្រាប់បាល់បានច្រើនជាងគេក្នុងពានលំដាប់ទី២ទ្វីបអឺរ៉ុប។
![](https://www.kampucheathmey.com/wp-content/uploads/2024/04/GOAL_-_Blank_WEB_-_Facebook_-_2024-02-22T214037.215.webp)
១. កីឡាករ Pierre-Emerick Aubameyang
ខ្សែប្រយុទ្ធកីឡាករ Pierre-Emerick Aubameyang កំពុងឈរលេខ១ ក្នុងតារាងអ្នកស៊ុតបញ្ចូលទីច្រើនបំផុតក្នុងប្រវត្តិសាស្រ្តពានរង្វាន់ Europa League។ បច្ចុប្បន្នរូបគេរកបាន៣៤គ្រាប់ ក្រោយការបង្ហាញខ្លួនជាមួយក្លិប៤ផ្សេងគ្នាក្នុងនោះរួមមានក្លិប Dortmund, Arsenal, Barcelona និង Marseille។ Aubameyang នៅតែអាចបន្ដរកគ្រាប់បានទៀត ដោយសារក្រុម Marseille បានឡើងមកដល់វគ្គ៨ក្រុមចុងក្រោយក្នុងពានរង្វាន់ Europa League។
![](https://www.kampucheathmey.com/wp-content/uploads/2024/04/0ff738a942512e5f0c594c79116cc7094874e0e9.webp)
២. កីឡាករ Radamel Falcao
ចំពោះខ្សែប្រយុទ្ធ Radamel Falcao ជាកីឡាករមួយរូបជោគជ័យក្នុងពានរង្វាន់ Europa League បន្ទាប់ពីរូបគេធ្លាប់ឈ្នះពានរង្វាន់នេះ២លើក ជាក្រុម Porto និង Atlético de Madrid។ រូបគេរកបាន៣០គ្រាប់ជាកីឡាករទី២ ស៊ុតបញ្ចូលទីច្រើនបំផុតក្នុងវគ្គសន្សំពិន្ទុរហូតដល់វគ្គផ្ដាច់ព្រ័ត្រ។ បច្ចុប្បន្ន Falcao អស់ឱកាសប្រជែងជាអ្នកស៊ុតបញ្ចូលទីច្រើនបំផុតហើយ បន្ទាប់ពីក្រុម Rayo Vallecano អស់ឱកាសបង្ហាញខ្លួនក្នុងពានរង្វាន់នេះទេ ហើយអាយុរបស់គេក៏កាន់ច្រើន។
![](https://www.kampucheathmey.com/wp-content/uploads/2024/04/NXGN_-_Recurring_Profile_V2_-_Facebook_32.webp)
៣. កីឡាករ Romelu Lukaku
ខ្សែប្រយុទ្ធ Romelu Lukaku បច្ចុប្បន្នកំពុងឈរលេខរៀងទី៣ ជាអ្នកស៊ុតបញ្ចូលទីច្រើនបំផុតក្នុងពានរង្វាន់ Europa League ជាមួយគ្រាប់បាល់២៧គ្រាប់ ក្នុងការបង្ហាញខ្លួនឲ្យក្លិប៤ផ្សេងគ្នាគឺ Anderlecht, Everton, Inter និង Roma។ បច្ចុប្បន្នខ្សែប្រយុទ្ធបែលហ្ស៊ិករូបនេះនៅតែមានឱកាសរកគ្រាប់បាល់ទៀត ខណៈក្រុម Roma កំពុងលេងនៅវគ្គ៨ក្រុមចុងក្រោយ៕
ប្រែសម្រួល៖ ផា រតនា
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានជាតិ៧ ថ្ងៃ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៥ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៥ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ៧ ថ្ងៃ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៣ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានជាតិ១ សប្តាហ៍ ago
UPDATE៖ ជំនន់ទឹកភ្លៀងនៅខេត្តព្រះវិហារ បានស្រកបណ្តើរៗ តែស្ពាននិងថ្នល់មួយចំនួនរងការខូចខាត
-
ព័ត៌មានអន្ដរជាតិ២ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី