កីឡា
Luka Modric ចង់ចូលនិវត្តន៍នៅក្លិប Real Madrid
ខ្សែបម្រើឆ្នើម Luka Modric ប្រាប់ពីក្ដីស្រមៃរបស់ខ្លួនចង់ចូលនិវត្ដន៍ជាមួយក្លិប Real Madrid ប៉ុន្តែយ៉ាងមិញចំពោះអនាគតនៅមិនទាន់អាចកំណត់បាននៅឡើយ។
![](https://www.kampucheathmey.com/wp-content/uploads/2024/05/Extraordinary__LukaModric_sdefiantperformancesprovingapointatRealMadridwithfutureupintheair-1024x576.jpg)
បន្ទាប់ពីខ្សែបម្រើឆ្នើម Toni Kroos ទើបតែប្រកាសចូលនិវត្តន៍ពីបាល់ទាត់កាលពីពេលថ្មីៗនេះ កីឡាករ Luka Modric បានបង្ហើបពីអារម្មណ៍របស់ខ្លួនចង់បញ្ចប់អាជីពបាល់ទាត់នៅជាមួយក្រុម Real Madrid។ ចំពោះអារម្មណ៍អ្នកគាំទ្រហាក់សោកស្ដាយ ប្រសិនបើខ្សែបម្រើសញ្ជាតិក្រូអាតម្នាក់នេះប្រកាសចូលនិវត្តន៍ពីបាល់ទាត់ក្នុងរដូវកាលនេះ។
កីឡាករ Luka Modric បាននិយាយថា ៖«ខ្ញុំចង់ចូលនិវត្តន៍ពីបាល់ទាត់ជាមួយក្រុម Real Madrid។ ការសម្រេចចិត្តពីអនាគតរបស់ខ្ញុំគឺបានគិតរួចហើយ ប៉ុន្តែខ្ញុំមិនទាន់អាចប្រាប់អ្នកទាំងអស់គ្នាបានទេ។ អ្នកទាំងអស់នឹងដឹងក្រោយការប្រកួតវគ្គផ្តាច់ព្រ័ត្រ UEFA Champions League ចប់»។
«ខ្ញុំតែងតែនិយាយថា ខ្ញុំចង់ចូលនិវត្តន៍នៅ Real Madrid។ នេះជាអ្វីដែលខ្ញុំចង់បាន ហើយជាអ្វីដែលខ្ញុំចង់បានបំផុតព្រោះ Real Madrid ជាផ្ទះរបស់ខ្ញុំ។ ក្រុម Real Madrid ជាផ្នែកមួយនៃជីវិតរបស់ខ្ញុំ។ ខ្ញុំចង់ចូលនិវត្តន៍ដូច Toni Kroos វាពិតជាអស្ចារ្យ រំជួលចិត្តណាស់»។
![](https://www.kampucheathmey.com/wp-content/uploads/2024/05/659599_0-1024x682.jpeg)
ទោះបីវ័យកាន់តែច្រើន ប៉ុន្តែខ្សែបម្រើរូបនេះនៅតែបង្ហាញសមត្ថភាពបានយ៉ាងល្អប្រសើរនៅលើទីលាន។ អ្នកគាំទ្រក្រុម Real Madrid ប្រាកដជាចង់ឲ្យ Modric ស្នាក់នៅរដូវកាលទៀតដើម្បីបន្ដជួយក្រុម ទោះបីបច្ចុ្បន្នពួកគេមានខ្សែបម្រើវ័យក្មេងល្អៗ។
កីឡាករ Luka Modric បានបន្ថែមថា ៖«មិនមែនអ្វីៗគ្រប់យ៉ាងដែលអ្នកចង់បានអាចកើតឡើងតាមដែលអ្នកចង់បាននោះទេ។ ស្ថិតក្នុងវ័យដូចខ្ញុំគឺមិនអាចគិតរឿងច្រើននៅខាងថ្ងៃខាងមុខ។ ខ្ញុំត្រូវបន្ដដំណើរទៅមុខពីមួយថ្ងៃទៅមួយថ្ងៃ មួយសប្តាហ៍ទៅមួយសប្តាហ៍ ហើយត្រូវមើលថាខ្ញុំមានអារម្មណ៍យ៉ាងណា។ អ្វីដែលសំខាន់គឺអារម្មណ៍ផ្លូវកាយ និងផ្លូវចិត្ត»៕
ប្រែសម្រួល៖ ផា រតនា
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ