Connect with us

កីឡា

Dave Leduc រង់ចាំ​ម៉ោង២​ថ្ងៃនេះ​ដើម្បី​ឆ្លើយតបលោកប្រធានគុន​ខ្មែរ

បានផុស

នៅ

កាល​ពី​រសៀល​ថ្ងៃ​អាទិត្យ ទី​​៩ ខែ​មិថុនា ឆ្នាំ​២០២៤ កីឡាករ Dave Leduc បាន​ចេញ​វីដេអូ​បក​ស្រាយ​ទៅ​នឹង​ការ​លើក​ឡើង​របស់​លោក ខូវ ឆាយ ប្រធាន​សហព័ន្ធ​កីឡា​ប្រដាល់​គុន​ខ្មែរ​ជុំ​វិញ​ការ​មិន​អនុញ្ញាត​ឲ្យ​​រូប​គេ​ឡើង​ប្រកួត​គុន​ខ្មែរ​ដាច់​ខាត​ក្នុង​អាណត្តិ​របស់​លោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅ​ព្រឹក​ថ្ងៃ​ចន្ទ​ ទី​១០ ខែ​មិថុនា ឆ្នាំ​២០២៤ Dave Leduc បាន​ចេញ​សារ​លើ​គណនី​ Facebook របស់​លោក​​ដើម្បី​រង់​ចាំ​ការ​ឆ្លើយ​តប​ចំពោះ​ការវាយ​ប្រហារ​តាម​បណ្តាញ​ទំនាក់​ទំនង​សង្គម។

លោកបាន​រៀប​រាប់​ថា ៖«ថ្ងៃនេះជាថ្ងៃច​ន្ទ ទី១០​ ខែមិថុនា​ ខ្ញុំនឹង​នៅ​ចាំមុខហាង​កាហ្វេ​របស់​ខ្ញុំ DAV House​ នៅ​ម៉ោង​២​​រសៀល​ដើម្បី​ឆ្លើយ​តប​ទៅ​នឹង​ការ​វាយ​ប្រហារ​នៅ​លើ​បណ្តាញ​សង្គម ពី​លោក ខូវ ឆាយ មកកាន់រូបខ្ញុំ»។

«ខ្ញុំ​មានការភ្ញាក់​ផ្អើល​យ៉ាង​ខ្លាំង​ចំពោះ​ទង្វើ របស់​លោកប្រធានថ្មីនៃ​សហព័ន្ធ​គុន​ខ្មែរ​ ដែល​គ្មាន​វិជ្ជាជីវៈ និង​មិន​មានការផ្តល់តម្លៃមកលើរូបខ្ញុំ។ អតីតប្រធានសហព័ន្ធគុនខ្មែរមុន មានទាំងវិជ្ជាជីវៈ និងចាស់ទុំជាង គួរ​ឲ្យ​គោរព។ ខ្ញុំ​គិត​ថា​ អ្នក​ថ្មី​កំពុង​ព្យាយាម​ចង់ល្បីដោយយក​ឈ្មោះ​ខ្ញុំមកធ្វើជាវិធានបទ ពេលនេះដំណើរការ​ហើយ សូមអបអរសាទរ។ ប្រសិនបើជាមនុស្សប្រុសមែន គួរតែនិយាយជាមួយគ្នា ហើយ​ពិភាក្សាអំពី​បញ្ហា។ ប៉ុន្តែគាត់បានសម្រេចចិត្តនិយាយជាមួយអ្នកកាសែត ហើយផ្សព្វផ្សាយនៅលើបណ្តាញសង្គមនិងធ្វើ​ឲ្យ​រឿងនេះផ្ទុះ។ គាត់​បាន​បង្ខូច​កេរ្តិ៍​ឈ្មោះខ្ញុំ​ជា​សាធារណៈ ហើយ​ប្រឌិតរឿងមិនពិតអំពីខ្ញុំ»។

លោក​បាន​បន្ត​ទៀត​ថា ៖«ខ្ញុំស្រលាញ់ប្រទេសកម្ពុជា។ ខ្ញុំរស់នៅទីក្រុងនៅភ្នំពេញជាមួយគ្រួសាររបស់ខ្ញុំ និងកូនរបស់ខ្ញុំទើបតែកើតបាន១ខែនៅទីនេះ។ ខ្ញុំបានវិនីយោគនៅទីនេះ។ ខ្ញុំបានបង្កើតការងារសម្រាប់បុគ្គលិកជាច្រើន ខ្ញុំ​បាន​ជួយគ្រួសារជាច្រើន ដែលជាអតីតយុទ្ធជន។ ខ្ញុំបានបើកអាជីវកម្មនៅទីនេះ ហើយអ្នកដែលបានតាមដានខ្ញុំ ដែលជា Fan ខ្ញុំ។ ពួកគាត់ដឹង​ហើយថា​ ខ្ញុំ​បានជួយផ្សព្វផ្សាយ​គុន​ខ្មែរ​ស្ទើរ​តែ​រាល់​ថ្ងៃ​តាម​បណ្តាញ​សង្គម»។

«លោក ខូវ ឆាយ កំពុងតែនិយាយកុហក។ ខ្ញុំ​មិន​ដែល​កែប្រែ​ច្បាប់​ប្រកួត​ជាមួយ​ ព្រំ សំណាង​ទេ។ អ្នកទាំងអស់គ្នាដឹងហើយថា ខ្ញុំមិនក្រកួតដោយពាក់ហ្គង់​នោះទេ។ ខ្ញុំជាជើងឯក bareknuckle។ ការ​ប្រកួត​ជាមួយ​អំបោះឆៅ​​គឺជា​លក្ខខណ្ឌ​ដ៏​សំខាន់​សម្រាប់​ខ្ញុំ​ក្នុងការ​ប្រកួតនៅប្រទេស​កម្ពុជា។ Promoter ​បាន​សន្យា​ជាមួយ​ខ្ញុំ​ថា ការប្រកួតរបស់ខ្ញុំនឹង​នៅ​ជាមួយ​អំបោះឆៅ ហើយ​បន្ទាប់​មក​គាត់បាន​ព្យាយាមផ្លាស់​ប្តូរ​វា​មុន​ពេល​ប្រកួត។ គាត់ដឹងការពិតច្បាស់ណាស់។ អ្នក​រាល់​គ្នា​អាច​ពិនិត្យ​មើល​ការ​ប្រកាស​ប្រកួត​ជា​ផ្លូវ​ការ​របស់​ខ្ញុំ នៅលើបណ្តាញសង្គម​ដោយ​មាន​អ្នក​ចូល​មើល១​លាន​ដង។ ខ្ញុំបានពន្យល់លម្អិតអំពីការប្រួត»។

កាលពី​ម្សិល​មិញ លោក ខូវ ឆាយ ប្រធាន​សហព័ន្ធ​កីឡា​ប្រដាល់​គុន​ខ្មែរ​បាន​ប្រកាស​ពី​ការ​មិន​អនុញ្ញាត​ឲ្យ Dave Leduc ប្រកួត​គុន​ខ្មែរ​ដាច់​ខាត​ក្នុង​អាណត្តិ​របស់​លោក។

បន្ទាប់​មក លោក Dave Leduc បាន​ចេញ​វីដេអូ បក​​ស្រាយ​​ជុំ​វិញ​ការ​លើក​ឡើង​របស់​លោក ខូវ ឆាយ ដែល​ចាត់​ទុក​​លោក​ជា​បុគ្គល​មិន​គួរ​ឲ្យ​ទុក​ចិត្ត។ ការ​ទាម​ទារ​យក​តម្លៃ​ខ្លួន​ដល់​១​លាន​ដុល្លារ និង​ថា លោក ខូវ ឆាយ គួរ​ហៅ​លោក​​ឲ្យ​ជួប​​ជជែក​គ្នាផ្ទាល់​ប្រសើរ​ជាង​ការ​វាយ​ប្រហារ​តាម​បណ្តាញ​ទំនាក់​ទំនង​សង្គម។ យ៉ាង​ណា វីដេអូ ត្រូវ​បាន​លុប​ចោល​វិញ​បាត់​ទៅ​ហើយ។ ពេល​នេះ លោក​ចេញ​សារ​ដើម្បី​ឆ្លើយ​តប​ទៀត៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១០ នាទី មុន

ជលផលខេត្តកំពង់ចាមបង្ក្រាបលូស្បៃម៉ុងបានចំនួន៩មាត់ នៅស្រុកកងមាស

ព័ត៌មានអន្ដរជាតិ២ ម៉ោង មុន

ជន​ចំណាកស្រុក​​រាប់ពាន់​នាក់​សម្រុក​ចូល​ទឹក​ដីអាមេរិក​ឲ្យ​បាន​មុនការបោះឆ្នោត​

ព័ត៌មានជាតិ៣ ម៉ោង មុន

UN៖ សម្ដេចតេជោ នាំឱ្យកម្ពុជាមានសន្តិភាពហើយ ថែមទាំងផ្ដល់សន្តិភាពដល់ប្រទេសក្នុងពិភពលោក តាមរយៈការបញ្ជូនកងទ័ពមួកខៀវ

បច្ចេកវិទ្យា៣ ម៉ោង មុន

របាយការណ៍របស់ក្រុមហ៊ុនVisa សង្កេតឃើញការឆបោកតាមប្រព័ន្ធអនឡាញទូទាំងសកលលោក ហាក់មានការកើនឡើង ដែលអាចបង្ករផលប៉ះពាល់ដល់អ្នកប្រើប្រាស់ និងអាជីវករ  ពិសេសប្រភេទ Ransomware ឬ ​ការវិនិយោគឆបោក (Pig butchering) ជាដើម

សេដ្ឋកិច្ច៣ ម៉ោង មុន

តម្លៃជ្រូករស់ផ្ដើមធ្លាក់ចុះបន្តិច ដែលនាំឱ្យកសិករប្រឈមការខាតបង់

Sokha Hotels

ព័ត៌មានពេញនិយម