ក្ដីសង្ឃឹមទៅអូឡាំពិករបស់ Murray កាន់តែតិចក្រោយរបួស

កីឡាករ​វាយ​កូន​បាល់​ឆ្នើម​ Andy Murray បានទទួល​ការវះកាត់សាច់ដុំឆ្អឹងខ្នង ដែល​ត្រូវចំណាយពេល៦សប្តាហ៍ ដើម្បី​ឲ្យ​ជាសះស្បើយ។ ប្រការ​នេះ​​​​អាច​ធ្វើ​ឲ្យ​ រូបគេ​ខកខាន​ក្នុង​ការប្រកួតនៅ​ទីក្រុងឡុងដ៍ និង​ជាពិសេស​ការប្រកួតកីឡាអូឡាំពិកឆ្នាំនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Andy បាន​និយាយ​ថា ខ្លួន​មិនអាចផ្លាស់ទីបានស្រួល​ទេ​ ដោយសារខ្នង​មានបញ្ហា។ រូប​គេ​​ត្រូវបានបង្ខំឲ្យចាកចេញក្នុងជុំទី២ពី​ព្រឹត្តិការណ៍​ Wimbledon ​ដែល​ជា​ Grand Slam រដូវ​កាល​ទី៣ បន្ទាប់​ពី​រូប​គេ​ធ្លាប់បានឈ្នះ២ដងហើយ។

រូប​គេ​​បានពិគ្រោះជាមួយអ្នកឯកទេស ហើយពួកគេបានសម្រេចចិត្ត​ធ្វើ​ការវះកាត់។ ATP Tour បានបញ្ជាក់កាលពីថ្ងៃអាទិត្យថា ម្ចាស់ជើងឯក Wimbledon ២សម័យកាលត្រូវបានដកចេញពីកម្មវិធី Wimbledon។

ATP បាន​ប្រាប់ថា បន្ទាប់ពីការវះកាត់លើដុំសាច់ឆ្អឹងខ្នង Andy បានចាកចេញទាំងសោកសៅពីកម្មវិធី Wimbledon​។ កីឡាករសញ្ជាតិស្កុតឡែន​រូបនេះមានគោលបំណងបង្ហាញមុខលាគ្នានៅទី​លាន​ Grand Slam ដែល​រូប​គេ​បានឈ្នះ​ឆ្នាំ២០១៣ និង២០១៦។ យ៉ាង​ណា ឥឡូវនេះត្រូវបានការរំពឹងទុកថា រូបគេនឹងចំណាយរយៈពេល៦សប្តាហ៍ដើម្បី​ព្យាបាល​​ ខណៈកម្មវិធី Wimbledon ​នឹង​ចាប់ផ្តើមនៅថ្ងៃទី១ ខែកក្កដា។

កីឡាករ Andy Murray គឺជាកីឡាករវាយកូនបាល់តែម្នាក់គត់ដែលបានឈ្នះមេដាយមាសឯកត្តជន២ដងនៅព្រឹត្តិការណ៍អូឡាំពិក នៅទីក្រុងឡុងដ៍ ២០១២ និង Rio ២០១៦។ សម្រាប់ព្រឹត្តិការណ៍​កីឡា​អូឡាំពិកឆ្នាំ ឆ្នាំ​២០២៤​នេះ រូបគេទំនងជាមិនមានវត្តមានទេ។

Andy Murray ត្រូវលេងវិញ្ញាសាឯកត្តជន​ និងវាយគូជាមួយបងប្រុស Jamie នៅ Wimbledon មុនពេលបញ្ចប់អាជីព​នៅអូឡាំពិកនៅទីក្រុងប៉ារីស ប៉ុន្តែអ្វីៗត្រូវបានប្រែប្រួល។ ឥឡូវនេះ លោក​មានពេលតិចតួច​ ខណៈ​ការប្រកួតកីឡាអូឡាំពិក​នឹងចាប់ផ្តើមនៅថ្ងៃទី២៦ ខែកក្កដា៕

ប្រភព៖ Insidethegames
ប្រែសម្រួល៖ ផា រតនា