កីឡា
មិននឹកស្មានដល់ អូទ្រីស បានលេខ១ក្នុងពូល D ខណៈនេះរកឃើញ១១ក្រុមឡើងវគ្គបន្ត
ក្រុមបាល់ទាត់ជម្រើសជាតិអូទ្រីស បានធ្វើឲ្យពិភពលោកមានការភ្ញាក់ផ្អើលនៅពេលពួកគេយកចបានចំណាត់ថ្នាក់លេខ២ក្នុងពូល D បន្ទាប់ពីឈ្នះ២ប្រកួត និងចាញ់១ប្រកួតក្នុងវគ្គសន្សំពិន្ទុក្នុងពូល ពានរង្វាន់ EURO ឆ្នាំ២០២៤ នៅប្រទេសអាល្លឺម៉ង់។
រហូតដល់ពេលនេះ រកឃើញ១១ក្រុមហើយបានឡើងទៅកាន់វគ្គ១៦ក្រុមចុងក្រោយ ខណៈការប្រកួតសន្សំពិន្ទុក្នុងពូលនឹងត្រូវបញ្ចប់នៅយប់ថ្ងៃទី២៦ឈានចូលថ្ងៃទី២៧ ខែមិថុនា ឆ្នាំ២០២៤។
១-ម្ចាស់ផ្ទះអាល្លឺម៉ង់ ឡើងវគ្គ១៦ក្រុមចុងក្រោយក្នុងនាមជាក្រុមលេខ១ក្នុងពូល A បន្ទាប់ពីពួកគេចប់វគ្គសន្សំពិន្ទុក្នុងពូលគឺ ឈ្នះ២ និងស្មើ១ មាន៧ពិន្ទុ តាមរយៈជ័យជម្នះទី១លើស្កុតឡែន ៥-១, ប្រកួតលើកទី២ឈ្នះហុងគ្រី ២-០ និងចុងក្រោយបានស្មើស្វីស ១-១។
២-ស្វីស បានឡើងវគ្គ១៦ក្រុមចុងក្រោយក្នុងនាមជាក្រុមលេខ២ក្នុងពូល A បន្ទាប់ពីរកបាន៥ពិន្ទុ តាមរយៈការប្រកួតឈ្នះ១ និងស្មើ២ គឺឈ្នះ ហុងគ្រី ៣-១, ស្មើស្កុតឡែន ១-១ និងចុងក្រោយ ស្មើ ម្ចាស់ផ្ទះអាល្លឺម៉ង់ ១-១។
៣- អេស្ប៉ាញ បានឡើងវគ្គ១៦ក្រុមចុងក្រោយក្នុងនាមជាក្រុមលេខ១ក្នុងពូល B បន្ទាប់ពីឈ្នះ៣ប្រកួតជាប់គ្នា រកបាន៩ពិន្ទុ គឺឈ្នះក្រូអាត ៣-0, ឈ្នះអ៉ីតាលី ១-០ និងឈ្នះ អាល់បានី ១-០។
៤- អ៉ីតាលី បានឡើងទៅកាន់វគ្គ១៦ក្រុមចុងក្រោយ ក្នុងនាមជាក្រុមលេខ២នៅពូល B បន្ទាប់ពីរកបាន៤ពិន្ទុ ពីការឈ្នះ អាល់បានី ២-១ ស្មើក្រូអាត ១-១ និងចាញ់ អេស្ប៉ាញ ០-១។
៥- អង់គ្លេស បានឡើងទៅកាន់វគ្គ១៦ក្រុមចុងក្រោយ ក្នុងនាមជាក្រុមលេខ១ក្នុងពូល C បន្ទាប់ពីរកបាន៥ពិន្ទុតាមរយៈជ័យជម្នះលើ ស៊ែប៊ី ១-០, ស្មើដាណឺម៉ា ១-១ និងស្មើ ស្លូវេនី ០-០។
៦- ដាណឺម៉ាក បានឡើងទៅកាន់វគ្គ១៦ក្រុមចុងក្រោយ ក្នុងនាមជាក្រុមលេខ២ក្នុងពូល C បន្ទាប់ពីរកបាន៣ពិន្ទុ តាមរយៈលទ្ធផលស្មើ ស្លូវេនី ១-១, ស្មើអង់គ្លេស ១-១ និងស្មើ ស៊ែបី ០-០។
៧- ស្លូវេនី បានឡើងវគ្គ១៦ក្រុមចុងក្រោយ ក្នុងនាមជាក្រុមលេខ៣ល្អបំផុតក្នុងពូល C បន្ទាប់ពីរកបាន៣ពិន្ទុ តាមរយៈលទ្ធផលស្មើ ស្លូវេនី ១-១, ស្មើ ស៊ែប៊ី ១-១ និងស្មើ អង់គ្លេស ០-០។
៨- អូទ្រីស បានឡើងវគ្គ១៦ក្រុមចុងក្រោយ ក្នុងនាមជាក្រុមលេខ១ក្នុងពូល D បន្ទាប់ពីរកបាន៦ពិន្ទុ តាមរយៈជ័យជម្នះលើ ប៉ូឡូញ ៣-១, ឈ្នះហូឡង់ ៣-២ និងចាញ់ បារាំង ០-១។
៩- បារាំង បានឡើងទៅកាន់វគ្គ១៦ក្រុមចុងក្រោយ ក្នុងនាមជាក្រុមលេខ២ក្នុងពូល D បន្ទាប់ពីរកបាន៥ពិន្ទុ តាមរយៈការឈ្នះអូទ្រីស ១-០, ស្មើ ហូឡង់ ០-០ និង ស្មើប៉ូឡូញ ១-១។
១០- ហូឡង់ បានឡើងទៅវគ្គ១៦ក្រុមចុងក្រោយ ក្នុងនាមជាក្រុមលេខ៣ល្អបំផុតក្នុងពូល D បន្ទាប់ពីរកបាន៤ពិន្ទុ តាមរយៈការឈ្នះ ប៉ូឡូញ ២-១, ស្មើបារាំង ០-០ និងចាញ់អូទ្រីស ២-៣។
១១- ព័រទុយហ្គាល់ បានឡើងវគ្គ១៦ក្រុមចុងក្រោយក្នុងនាមជាក្រុមលេខ១ក្នុងពូល F បន្ទាប់ពីរកបាន៦ពិន្ទុ តាមរយៈជ័យជម្នះលើឆេក ២-១ និងឈ្នះតួកគី ៣-០។ ការប្រកួតចុងក្រោយ ព័រទុយហ្គាល់ ប៉ះហ្សកហ្ស៊ី នៅថ្ងៃទី២៦ ខែមិថុនា។
ដោយឡែកនៅពូល E នៅមិនទាន់រកឃើញក្រុមណាឡើងវគ្គ១៦ក្រុមចុងក្រោយទេ បន្ទាប់ពីក្រុមទាំង៤រកបាន៣ពិន្ទុដូចគ្នា តាមរយៈលទ្ធផលឈ្នះ១ប្រកួត និងចាញ់១ប្រកួតដូចគ្នា។ យប់នេះជាការប្រកួតបញ្ចប់វគ្គសន្សំពិន្ទុក្នុងពូល E និង F ដើម្បីរកឲ្យឃើញ៥ក្រុមទៀតឡើងទៅកាន់វគ្គ១៦ក្រុមចុងក្រោយ៕
អត្ថបទ៖ វីរបុត្រ
-
ព័ត៌មានអន្ដរជាតិ៧ ថ្ងៃ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សេដ្ឋកិច្ច១៥ ម៉ោង agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ៦ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
កីឡា៧ ថ្ងៃ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
ព័ត៌មានអន្ដរជាតិ១ សប្តាហ៍ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានជាតិ៥ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ២០ ម៉ោង agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
កីឡា១ សប្តាហ៍ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi