កីឡា

សារចុងក្រោយរបស់លោក គន្ធ ជីវ័ន្ត ពោរពេញដោយក្តីសន្តោសប្រណី

បានផុស

៩ ខែ មុន

នៅ

ថ្ងៃចន្ទ ៨ កក្កដា ២០២៤

ដោយ

លោក គន្ធ ជីវ័ន្ត ពិធីករកីឡាបាល់ទាត់ និងប្រដាល់ដ៏ឆ្នើមមួយរូបបានទទួលមរណភាពដោយរោគាពាធកាលពីរសៀល ថ្ងៃទី៧ ខែកក្កដា ឆ្នាំ២០២៤ នៅមន្ទីរពេទ្យក្នុងប្រទេសថៃ។

បើតាមការឲ្យដឹងពីក្រុមគ្រួសារសពថា លោកកើតមានជំងឺមហារីកអណ្តាតដែលបានធ្វើការព្យាបាលជាច្រើនលើកមកហើយ ប៉ុន្តែនៅតែមិនអាចជាសះស្បើយ។ តាមការឲ្យដឹងពីលោក ស៊ីថូ ណាថាន់ ពិធីករធ្លាប់រួមការងារជាមួយគ្នាថា គន្ធ ជីវ័ន្ត កើតមានជំងឺយូរហើយ តែលោកមិនឲ្យទម្លាយព័ត៌មានឲ្យមហាជនបានដឹងទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមគណនី Facebook របស់លោកដែលបានបង្ហោះសារចុងក្រោយបំផុតគឺកាលពី១១ ខែមិថុនា ឆ្នាំ២០២៤ ដោយមានខ្លឹមសារពោរពេញក្តីស្រឡាញ់ គោរព និងសន្តោប្រណីរវាងក្រុមគ្រួសារ ញាតិមិត្ត និងសង្គមជាតិ ហើយលោកក៏សូមការអធ្យាស្រ័យ ប្រសិនបើការចាកចេញរបស់លោកមិនបានលា។

លោកបានសរសេរថា ៖«ផែនដីអើយ អ្នកពោរពេញដោយមនោសញ្ចេតនាណាស់។ អ្នកផ្តល់ស្នាមអនុស្សារីយ៍ច្រើនណាស់ ខ្ញុំស្រលាញ់អ្នក។ អ្នកបានផ្តល់សង្គមគ្រួសារដ៍គួរអោយស្រលាញ់។ អ្នកផ្តល់សង្គមញត្តិដែលគួរជាទីគោរព។ អ្នកផ្តល់សង្គមការងារគួរជាទីរាប់អានរាក់ទាក់។ អ្នកបានផ្តល់សង្គមជាតិគួរជាទីគោរពណាស់។ បើថ្ងៃណាមួយខ្ញុំចាកចេញពីអ្នកដោយមិនបានលានោះ សូមអ្នកកុំខឹងនឹងខ្ញុំណា ព្រោះខ្ញុំមាននិស្ស័យត្រឹមប៉ុណ្ណឹង។ ចាំណាខ្ញុំនៅតែនឹក នឹក នឹក ហើយស្រលាញ់អ្នក»។

លោក គន្ធ ជីវ័ន្ត ជាកូនប្រុសរបស់អតីតតារាសម្តែងដ៏ល្បីល្បាញគឺលោក គន្ធ តារាវណ្ណ ដែលបានទទួលមរណភាពកាលពីខែមេសា ឆ្នាំ២០២៣។

សពរបស់លោក គន្ធ ជីវ័ន្ត តម្កល់ទុក និងបូជា នៅវត្តក្រាំងធ្នង់ នៅថ្ងៃពុធ ទី១០ ខែកក្កដា ឆ្នាំ២០២៤៕

អត្ថបទ៖ វីរបុត្រ

Related Topics:កីឡាប្រដាល់គុនខ្មែរ