អាមេរិក​ ​ឡើង​លេខ​២​តារាង​មេដាយ​អូឡាំពិក ខណៈប្រទេស​​អាស៊ាន​មិន​ទាន់ស្គាល់​មេដាយ

សហរដ្ឋ​អាមេរិក​បាន​ឡើង​មក​កាន់​ចំណាត់​ថ្នាក់​លេខ​២ ក្នុង​តារាង​មេដាយ​អូឡាំពិក ​ឆ្នាំ​២០២៤ បន្ទាប់​ពី​បន្ថែម​មេដាយ​មាស​៣​គ្រឿង​ទៀត​កាល​ពី​យប់​មិញ​ដើម្បី​តាម​ពី​ក្រោយ​ក្រុម​កំពូល​តារាង​ចិន។

កាល​ពី​ថ្ងៃ​ទី​១ ខែ​សីហា អាមេរិក​បាន​ឈ្នះ​មេដាយ​មាស​តែ​៦​គ្រឿង​ប៉ុណ្ណោះ ឈរ​ចំណាត់​ថ្នាក់​លេខ​៥​​ក្នុង​តារាង​ ប៉ុន្តែ​ឈាន​ចូល​ថ្ងៃទី​​២ ខែ​សីហា អាមេរិក​​បាន​ឈ្នះ​មេដាយ​មាស​៣​គ្រឿង​បន្ថែម​ទៀត​ដើម្បី​ឈរ​លេខ​២​​ជា​មួយ​មេដាយ​មាស​៩ ប្រាក់​១៥ និង​សំរិទ្ធ​​១៣។

ជា​មួយ​គ្នា​នេះ អ៉ីតាលី ក៏​មាន​ការ​ប្រែ​ប្រួល​ចំណាត់​ថ្នាក់​លឿន​ដែរ។ កាល​ពី​ថ្ងៃ​ទី១ ខែ​សីហា អ៉ីតាល ឈ្នះ​​មេដាយមាស​៣ តែ​ពេល​នេះ​​មេដាយ​មាស​បាន​ឡើង​ដល់​៥​គ្រឿង​។ ទោះ​បី​ជា​យ៉ាង​ណា ចិន​នៅ​តែ​បន្តឈរ​លើ​កំពូល​តារាង​ជា​មួយ​មេដាយ​មាស​១១ ប្រាក់​៧ និង​សំរិទ្ធ​៦ ខណៈ​ប្រទេស​​នៅ​​អាស៊ាន​ទាំង​អស់​នៅ​តែ​មិនទាន់​​បាន​មេដាយ​​ឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម្ចាស់​មេដាយមាស​របស់​ចិន

1. កីឡាករ Yu Xie ឈ្នះមេដាយ​មាស កីឡា​បាញ់​កាំភ្លើង វិញ្ញាសា Men’s 10m Air Pistol
2. អត្តពលិក​គូ Chang Yani និង Chen Yiwen ឈ្នះមេដាយ​មាស កីឡាលោត​ទឹក វិញ្ញាសា Synchronised 3M Springboard
3. អត្តពលិក​គូ Sheng Lihao និង Huang Yuting ឈ្នះមេដាយ​មាស កីឡា​បាញ់កាំភ្លើង វិញ្ញាសា 10m Air Fifle
4. អត្តពលិក​គូ Lian Junjie និង Yang Hao ឈ្នះ​មេដាយ​មាស កីឡាលោត​ទឹក វិញ្ញាសា Men’s Synchronized 10m Platorm
5. កីឡាករ Sheng Lihao ឈ្នះ​មេដាយ​មាស កីឡា​បាញ់កាំភ្លើង វិញ្ញាំសា Men’s 10m Air Rifle
6. ក្រុម​កីឡាករ Wang Chuqin និង Sun Yingsha ឈ្នះមេដាយ​មាស កីឡា​វាយកូនឃ្លីលើ​តុ វិញ្ញាសា Mixed Double
7. ៧កីឡាការិនី Cheng Yuxi និង Quan Hongchan ឈ្នះ​មេដាយ​មាស កីឡា​លោត​ទឹក វិញ្ញាសា Women’s Cynchronized 10m platform
8. កីឡាការិនី Deng Yawen ឈ្នះ​មេដាយ​មាស កីឡាជិះកង់ វិញ្ញាសា Women’s BMX freestyle
9. កីឡាករ Pan Zhanle ឈ្នះ​មេដាយ​មាស កីឡា​ហែល​ទឹក វិញ្ញាសា Men’s 100m freestyle
10. កីឡាករ Liu Yukun ឈ្នះ​មេដាយ​មាស កីឡា​បាញ់កាំភ្លើង វិញ្ញាសា Men’s 50 metre rifle three positions
11. កីឡាការិនី Yang Jiayu ឈ្នះ​មេដាយ​មាស កីឡារត់​ប្រណាំង វិញ្ញាសា Women’s 20 kilometres walk

មេដាយ​មាស​របស់សហរដ្ឋ​អាមេរិក

1. កីឡាការិនី Lee Kiefer ឈ្នះ​​មេដាយ​មាស កីឡា​គុន​ដាវ វិញ្ញាសា Women’s Foil Individual
2. ក្រុម​កីឡាករ​អាមេរិក ឈ្នះមេដាយ​មាស កីឡា​ហែល​ទឹក វិញ្ញាសា Men’s 400m Freestyle Relay
3. កីឡាការិនី Torri Huske ឈ្នះ​មេដាយ​មាស ហែល​ទឹក វិញ្ញាសា Women’s 100 Butterfly
4. ក្រុម​កីឡាការិនី ឈ្នះមេដាយ​មាស កីឡាកាយ​សម្ព័ន្ធ វិញ្ញាសា Women’s Artistic team all-around
5. កីឡាការិនី Katie Ledcky ឈ្នះ​មេដាយ​មាស កីឡា​ហែល​ទឹក វិញ្ញាសា Women’s 1500 m freestyle
6. ក្រុម​កីឡាការិនី ឈ្នះ​មេដាយ​មាស កីឡាកាយ​សម្ព័ន្ធ​ វិញ្ញាសា Women’s team foil
7. កីឡាការិនី Simone Biles ឈ្នះ​មេដាយ​មាស កីឡាកាយសម្ព័ន្ធ វិញ្ញាសា Women’s artistic individual all-around
8. ក្រុម​កីឡាករ ឈ្នះ​មេដាយ​មាស កីឡា​ទូករ៉ូអ៉ីង វិញ្ញសា Men’s Four
9. កីឡាការិនី Kate Douglass ឈ្នះ​មេដាយ​មាស កីឡាហែល​ទឹក វិញ្ញាសា Women’s 200 m breaststroke

អត្ថបទ៖ វីរបុត្រ