កីឡា

ប្រធានាធិបតីតៃវ៉ាន់ថា ការឈ្នះមេដាយមាសអូឡាំពិកពិតជាអស្ចារ្យ ក្រោយឈ្នះចិន

បានផុស

២ years មុន

នៅ

ថ្ងៃអង្គារ ៦ សីហា ២០២៤

ដោយ

កីឡាករជម្រើសជាតិតៃវ៉ាន់ Wang Chi-Lin និង Lee Yang បានបង្កើតភាពភ្ញាក់ផ្អើលជាថ្មីក្នុងព្រឹត្តិការណ៍អូឡាំពិកឆ្នាំ២០២៤ ក្រោយដណ្ដើមបានមេដាយមាស បន្ទាប់ពីឈ្នះកីឡាករចិន Liang Weikeng និង Wang Chang ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកទស្សនាជាង១,០០០នាក់បានប្រមូលផ្តុំគ្នានៅស្ថានីយ៍រថភ្លើងមួយកន្លែង ដើម្បីអបអរសាទរដល់ក្រុមកីឡាកររបស់ខ្លួនដែលបានឈ្នះមេដាយមាស។ អ្នកខ្លះគ្រវីទង់លកោះតៃវ៉ាន់ ហើយអ្នកខ្លះស្រែកច្រៀងគាំទ្រ។ ការឈ្នះមេដាយមាសនេះ ជាកាដូដ៏មានន័យចំពោះប្រជាជានកោះតៃវ៉ាន់ ដោយសារពួកគេកំពុងស្ថិតក្នុងជម្លោះអធិបតេយ្យភាពជាមួយប្រទេសចិន។

ប្រធានាធិបតីតៃវ៉ាន់លោក Lai Ching-te បានថ្លែងអំណរគុណយ៉ាងខ្លាំងចំពោះកីឡាករ Wang និងលោក Lee ដែលបានតស៊ូយ៉ាងស្វិតស្វាញដើម្បីឈ្នះមេដាយមាសអូឡាំពិក។ ជារឿងរំភើបបំផុតសម្រាប់ប្រធានាធិបតីតៃវ៉ាន់និងប្រជាជានទាំងមូល ដែលកីឡាករបានយកឈ្នះកីឡាករចិន។

ពេលការប្រកួតវគ្គផ្តាច់ព្រ័ត្រ អ្នកគាំទ្រតៃវ៉ាន់មួយចំនួនមកដល់កន្លែងនៅទីក្រុងប៉ារីសត្រូវបានបង្ខំឱ្យលុបលាងសំអាតមុខគំនូរទង់ជាតិតៃវ៉ាន់។ អ្នកគាំទ្រខ្លះត្រូវបានរឹបអូសបដា ខណៈបុគ្គលិកសន្តិសុខបានអនុវត្តតាមច្បាប់អូឡាំពិកស្តីពីការផ្ញើសារនយោបាយ។ ច្បាប់របស់គណៈកម្មាធិការអូឡាំពិកអន្តរជាតិ (IOC) ហាមប្រាមទង់ជាតិ ឬសញ្ញាដែលរួមបញ្ចូលសារនយោបាយ ឬប្រទេសដែលមិនត្រូវបានគាំទ្រចូលរួមក្នុងព្រឹត្តិការណ៍អូឡាំពិក៕

ប្រែសម្រួល៖ ផា រតនា