ក្រុមអត្ដពលិកហែលទឹកបញ្ជាក់ពីមេដាយខ្លួនឈ្នះដោយស្អាតស្អំ

ករណី​ប្រើប្រាស់សារធាតុហាមឃាត់​នៅ​តែ​កើត​មាន​​ចំពោះអត្តពលិកក្នុង​ព្រឹត្តិការណ៍​កីឡាអូឡាំពិក។ ថ្មីៗនេះ​មានការ​រិះ​គន់​ទៅលើក្រុមអត្ដពលិកហែលទឹកចិនជុំវិញករណីនេះ។

កីឡាករ​អាមេរិក​ Michael Phelps ជាអត្តពលិកហែល​ទឹក​ជោគជ័យបំផុតក្នុងប្រវត្តិសាស្ត្រ​កីឡា​អូឡាំពិកបានអំពាវនាវឲ្យមានការហាមឃាត់មួយជីវិតសម្រាប់នរណាម្នាក់ដែលត្រូវបាន​រកឃើញ​​សារធាតុហាមឃាត់។

ការលើកឡើងរបស់កីឡាករ Michael Phelps បន្ទាប់​ពី​​អត្ដពលិកមួយចំនួន​ត្រូវ​បាន​រកឃើញវិជ្ជមាន​សារធាតុហាមឃាត់ មុនពេលព្រឹត្តិការណ៍កីឡាអូឡាំពិក ទីក្រុងតូក្យូ ឆ្នាំ២០២០ ប៉ុន្តែ​កីឡា​អូឡាំពិកទីក្រុងប៉ារីស ឆ្នាំ២០២៤ ពួកគេនៅតែមានវត្តមានចូល​រួម​ប្រកួត​​ទៀត។

Zhang Yufei ​​កីឡាការិនី​ហែល​ទឹក​ឆ្នើមរបស់ប្រទេសចិន បានឈ្នះមេដាយប្រាក់១ និងសំរិទ្ធ​៦​នៅ​ទី​ក្រុង​ប៉ារីស។ កីឡាការិនី​រូប​នេះ​ស្ថិតក្នុងចំណោមអត្តពលិកចិន២៣នាក់ ពាក់ព័ន្ធករណីតេស្ដវិជ្ជមាន​សារធាតុហាមឃាត់មុនពេល​កីឡាអូឡាំពិក នៅ​ទីក្រុងតូក្យូ ឆ្នាំ២០២០។ កីឡាការិនី​រូប​នេះ​​​ត្រូវ​បាន​ចោទ​សួរ​នៅ​សន្និសីទសារព័ត៌មាន​ ពាក់ព័ន្ធនឹងការប្រកាន់លើក្រុមអត្ដពលិកហែលចិន។

កីឡារការិនី Zhang Yufei បាននិយាយថា ៖«ហេតុអ្វីបានជាអ្នកហែលទឹកចិនត្រូវចោទសួរនៅពេលពួកគេហែលទឹកលឿន? ហេតុអ្វីបានជាគ្មាននរណាម្នាក់​សួរ​ទៅ​កីឡាករ Michael Phelps របស់​អាមេរិកនៅពេលគាត់ទទួលបានមេដាយមាស​៨​គ្រឿង?

កីឡាករអង់គ្លេស Adam Peaty ​បានបញ្ចប់ក្នុងចំណាត់ថ្នាក់លេខ៤ បានបង្កឱ្យមាន​ការ​ភ្ញាក់ផ្អើលនៅពេលគាត់និយាយថា ៖«គ្មានពិន្ទុឈ្នះទេ ប្រសិនបើអ្នកមិនឈ្នះដោយយុត្តិធម៌»។

កីឡាករ Peaty ​បាន​សំដៅ​ទៅ​លើភាពចម្រូងចម្រាស​ពាក់​ព័ន្ធ​នឹង​​អត្តពលិក​ហែលទឹកចិន២៣នាក់ ដែលបានធ្វើតេស្តវិជ្ជមាន​សារធាតុហាមឃាត់មុន​កីឡាអូឡាំពិកទីក្រុងតូក្យូ។ ក្រោយការលើកឡើងបែបនេះ កីឡាករហែលចិន បានចេញចេញមុខបញ្ជក់ថា មេដាយ​មាស ដែល​​ពួកគេ​ទទួល​បាន​គឺ​ដោយភាពស្អាតស្អំ។

យ៉ាងណាមិញ ការលើកឡើងរបស់កីឡាករ Michael Phelps និង Adam Peaty គ្រាន់តែជាការយល់ឃើញរបស់ពួកគេ​​ប៉ុណ្ណោះ​ ដើម្បីឲ្យមានការពង្រឹងលើករណីសារធាតុហាមឃាត់បន្ដែមទៀត៕

ប្រែសម្រួល៖ ផា រតនា